ក្រុមសិល្បៈកងទ័ពអាកាសថៃ អញ្ជើញមកជួបប្រាស្រ័យ​ និងសម្តែងសិល្បៈនៅប្រទេសវៀតណាម

ទទួលស្វាគមន៍ក្រុមសិល្បៈកងទ័ពអាកាសថៃ លោកវរសេនីយ៍ឯក Le Anh Chien មេបញ្ជាការកងពលធំការពារដែនអាកាសលេខ៣៦១ បានជម្រាបជូន​អំពីប្រវត្តិ ទំនៀមទម្លាប់ ភារកិច្ច និងមុខងាររបស់កងពលធំ ព្រមទាំង​បានពិភាក្សាអំពីខ្លឹមសារមួយចំនួនអំពីសកម្មភាពឆ្ពោះទៅរកការប្រារព្ធខួបលើកទី ៦០ នៃទិវាប្រពៃណីរបស់កងកម្លាំងកាំជ្រួចវៀតណាម នាពេលកន្លងមក។

ថ្នាក់ដឹកនាំនៃកងពលធំការពារអាកាសលេខ៣៦១ ជូនអំណោយដល់ក្រុមសិល្បៈកងទ័ពអាកាសថៃ និងថតរូបអនុស្សាវរីយ៍

សមាជិកនៃគណៈប្រតិភូបានថ្លែងអំណរគុណចំពោះកម្មាភិបាល យុទ្ធជនទាំងអស់ នៃកងពលលេខ៣៦១ ដែលបានស្វាគមន៍យ៉ាងកក់ក្តៅ។ ប្រធានក្រុមសិល្បៈកងទ័ពអាកាសថៃ បានសង្កត់ធ្ងន់ថា ដំណើរទស្សនកិច្ចនៅកងពលធំការពារដែនអាកាសលេខ៣៦១ មានអត្ថន័យយ៉ាងជ្រាលជ្រៅ ដែល​ជួយសមាជិកនៃគណៈប្រតិភូឱ្យយល់ច្បាស់អំពីប្រវត្តិសាស្ត្រ និងប្រពៃណីរបស់កងពលទ័ពកាំជ្រួច ប្រភេទទ័ពការពារដែលអាកាស-ទ័ពអាកាស អាស្រ័យលើនេះពង្រឹងទំនាក់ទំនងរវាងកងទ័ពទាំងពីរវៀតណាម និងថៃ។

ការសម្តែងសិល្បៈដោយក្រុមសិល្បៈកងទ័ពអាកាសថៃ

ក្នុងកម្មវិធី គណៈប្រតិភូបានផ្លាស់ប្តូរ សម្តែងសិល្បៈជាមួយកម្មាភិបាល យុទ្ធជននៃកងពលធំការពារដែនអាកាសលេខ៣៦១ និងរៀបចំការសម្តែងសិល្បៈជាច្រើនដែលបង្កប់ដោយវប្បធម៌ប្រពៃណីថៃ៕

បកប្រែដោយ Duy Hoan