លោកឧត្តមសេនីយ៍ទោ Nguyen Van Hien បានសម្តែងនូវសេចក្តីរីករាយដែលបានត្រឡប់ទៅបំពេញទស្សនកិច្ចនៅឡាវក្នុងតួនាទីថ្មី។ លោកបានពាំនាំនូវការសួរសុខទុក្ខ និងការអញ្ជើញចូលរួមអបអរសាទរខួបលើកទី ៨០ នៃទិវាបុណ្យឯករាជ្យជាតិវៀតណាម ពីសំណាកលោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិមបក្ស រដ្ឋមន្ត្រីក្រសួងការពារប្រទេស ជូនចំពោះលោកឧត្តមសេនីយ៍ឯក Khamliang Outhakaysone។

លោកឧត្តមសេនីយ៍ឯក Khamliang Outhakaysone បានអបអរសាទរលោកឧត្តមសេនីយ៍ទោ Nguyen Van Hien ដែលត្រូវបានតែងតាំងជាអនុរដ្ឋមន្ត្រីក្រសួងការពារប្រទេសវៀតណាម។ លោកសង្ឃឹមថាក្នុងមុខតំណែងថ្មី លោកឧត្តមសេនីយ៍ទោ Nguyen Van Hien នឹងរួមជាមួយថ្នាក់ដឹកនាំក្រសួងការពារប្រទេស និងកងទ័ពនៃប្រទេសទាំងពីរឡាវ និងវៀតណាម បន្តរួមចំណែកជំរុញទំនាក់ទំនងទ្វេភាគី។

leftcenterrightdel
លោកឧត្តមសេនីយ៍ទោ Nguyen Van Hien  អញ្ជើញចូលជួបសម្តែងការគួរសមជាមួយលោកឧត្តមសេនីយ៍ឯក Khamliang Outhakaysone 

ភាគីទាំងពីរបានសម្តែងការរីករាយចំពោះលទ្ធផលនៃកិច្ចសហប្រតិបត្តិការរវាងកងទ័ពទាំងពីរនាពេលថ្មីៗនេះ និងបានឯកភាពបន្តអនុវត្តផែនការសហប្រតិបត្តិការឆ្នាំ២០២៥ ប្រកបដោយប្រសិទ្ធភាព និងជាក់ស្តែង។ ភាគីទាំងពីរបានបញ្ជាក់ថា កងទ័ពនៃប្រទេសទាំងពីរត្រូវបង្កើនការចែករំលែកព័ត៌មាន និងបង្កើនកិច្ចសហប្រតិបត្តិការ មិនឲ្យពួកអរិភាពបំផ្លាញទំនាក់ទំនងរវាងប្រទេសទាំងពីរ ក៏ដូចជាកងទ័ពនៃប្រទេសទាំងពីរ។ ភាគីទាំងពីរក៏បានឯកភាពពង្រឹងកិច្ចសហប្រតិបត្តិការក្នុងការបណ្តុះបណ្តាលធនធានមនុស្ស ជាពិសេសធនធានមនុស្សប្រកបដោយគុណភាពខ្ពស់ក្នុងវិស័យបច្ចេកវិទ្យាព័ត៌មាន និងការធ្វើបរិវត្តកម្មឌីជីថល ពង្រឹងការការពារសន្តិសុខព្រំដែនរវាងប្រទេសទាំងពីរ និងផ្សព្វផ្សាយអប់រំយុវជនជំនាន់ក្រោយនៃប្រទេសទាំងពីរឱ្យយល់កាន់តែស៊ីជម្រៅ និងជំរុញទំនាក់ទំនងមិត្តភាពដ៏ល្អប្រសើររវាងវៀតណាម និងឡាវ ឱ្យកាន់តែរឹងមាំថែមទៀត។

leftcenterrightdel
លោកឧត្តមសេនីយ៍ទោ Nguyen Van Hien និងលោកឧត្តមសេនីយ៍ឯក Khamliang Outhakaysone ជាមួយប្រតិភូទាំងឡាយ

លោកឧត្តមសេនីយ៍ឯក Khamliang Outhakaysone បានបញ្ជាក់ថា ទោះបីជាស្ថានភាពតំបន់ និងពិភពលោកមានការប្រែប្រួលជាច្រើនក៏ដោយ ក៏កងទ័ព និងប្រជាជននៃប្រទេសទាំងពីរតែងតែជិតស្និទ្ធ និងគាំទ្រគ្នាទៅវិញទៅមក។ លោកឧត្តមសេនីយ៍ឯក Khamliang Outhakaysone មានប្រសាសន៍ថា ក្រសួងការពារជាតិឡាវនឹងបញ្ជូនកងកម្លាំងទៅចូលរួមដង្ហែក្បួនព្យុហយាត្រាក្នុងឱកាសខួបលើកទី ៨០ នៃទិវាបុណ្យឯករាជ្យជាតិវៀតណាម។

ក្នុងឱកាសនេះ លោកឧត្តមសេនីយ៍ទោ Nguyen Van Hien បានថ្លែងអំណរគុណ និងសង្ឃឹមថា រដ្ឋាភិបាល និងកងទ័ពប្រជាជនឡាវនឹងបន្តបង្កលក្ខណៈងាយស្រួលសម្រាប់សហគ្រាសវៀតណាមនិយាយរួម និងសហគ្រាសនៃកងទ័ពប្រជាជនវៀតណាមនិយាយដោយឡែកចូលមកបណ្តាក់ទុន និងធ្វើអាជីវកម្មនៅឡាវ អាស្រ័យលើនេះ រួមចំណែកដល់ការអភិវឌ្ឍន៍សេដ្ឋកិច្ចសង្គមឡាវ ក៏ដូចជាទំនាក់ទំនងមិត្តភាព សាមគ្គីភាពពិសេស រវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ។

បកប្រែដោយ Duy Hoan