វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាព និងកិច្ចសហប្រតិបត្តិការលើវិស័យជាច្រើនជាមួយបណ្តាប្រទេសអឺរ៉ុប

មានប្រសាសន៍នៅក្នុងពិធី លោកស្រី Le Thi Thu Hang អនុរដ្ឋមន្ត្រីក្រសួងការបរទេសវៀតណាម បានអះអាងថា វៀតណាមយកចិត្តទុកដាក់យ៉ាងខ្លាំងចំពោះទំនាក់ទំនងមិត្តភាព និងកិច្ចសហប្រតិបត្តិការលើវិស័យជាច្រើនជាមួយបណ្តាប្រទេសអឺរ៉ុប។

លោកស្រី Le Thi Thu Hang អនុរដ្ឋមន្ត្រីក្រសួងការបរទេស រួមជាមួយឯកអគ្គរដ្ឋទូត និងភារធារីនៃបណ្តាប្រទេសអឺរ៉ុប (រូបថត៖ baoquocte.vn)

នៅក្នុងពិធីជប់លៀងទឹកតែ ឯកអគ្គរដ្ឋទូត និងភារធារីបានរីករាយជាមួយការទទួលទានតែ និងម្ហូបអាហារប្រចាំតំបន់របស់វៀតណាម ហើយបានស្តាប់ការឧទ្ទេសនាមអំពីវប្បធម៌តែដែលពោរពេញទៅដោយអត្តសញ្ញាណជាតិវៀតណាម និងភាពរូសរាយរាក់ទាក់របស់ប្រជាជនវៀតណាម។ លោកស្រី Le Thi Thu Hang អនុរដ្ឋមន្ត្រីបានថ្លែងអំណរគុណចំពោះមិត្តភ័ក្តិ និងដៃគូអន្តរជាតិដែលរួមដំណើរជានិច្ចជាមួយវិស័យការទូតវៀតណាម រួមចំណែកកសាងវិស័យការទូតម្ចាស់ការ មនុស្សធម៌ ភ័ក្តី និងទំនួលខុសត្រូវ។

ក្នុងឱកាសនេះ មិត្តភ័ក្តិអន្តរជាតិបានផ្ញើសារអបអរសាទរចំពោះប្រជាជនវៀតណាមក្នុងឱកាសរំលឹកខួបលើកទី ៨០ នៃទិវាបុណ្យឯករាជ្យជាតិ ដោយបានលើកសរសើរចំពោះប្រវត្តិសាស្ត្រវីរភាពរបស់ប្រជាជាតិវៀតណាម៕

បកប្រែដោយ Huyen Trang