លោក Tran Thanh Man ប្រធានរដ្ឋសភា បានអះអាងថា វៀតណាមជាសមាជិកយ៉ាងសកម្ម និងមានការទទួលខុសត្រូវរបស់ AIPA ហើយជានិច្ចកាលយកចិត្តទុកដាក់យ៉ាងខ្លាំងចំពោះតួនាទីរបស់អន្តរសភាអាស៊ាន ក្នុងការជំរុញសន្តិភាព ស្ថិរភាព និងការអភិវឌ្ឍប្រកបដោយចីរភាពក្នុងតំបន់។

leftcenterrightdel
លោក Tran Thanh Man ប្រធានរដ្ឋសភាវៀតណាម ទទួលជួបលោកស្រី Siti Rozaimeriyanty Dato Haji Abdul Rahman អគ្គលេខាធិការ AIPA

លោកប្រធានរដ្ឋសភាបានចាត់ទុកថា នាពេលខាងមុខ អាស៊ាននឹងឈានចូលដំណាក់កាលអភិវឌ្ឍន៍ថ្មី ដោយអនុវត្តចក្ខុវិស័យសហគមន៍ឆ្នាំ ២០៤៥ និងយុទ្ធសាស្ត្រសហប្រតិបត្តិការលើវិស័យនយោបាយ-សន្តិសុខ សេដ្ឋកិច្ច សង្គម-វប្បធម៌ និងការតភ្ជាប់។ ទន្ទឹមនឹងនេះ លោក Tran Thanh Man ប្រធានរដ្ឋសភា បានសង្កត់ធ្ងន់ថា ឱកាសនៅមានច្រើនណាស់ ប៉ុន្តែបញ្ហាប្រឈមក៏មិនតិចដែរ ជាពិសេសក្នុងបរិបទបច្ចុប្បន្ន។ ដើម្បីសម្រេចបាននូវគោលដៅដែលបានកំណត់ យោងតាមលោកប្រធានរដ្ឋសភា អាស៊ានត្រូវសាមគ្គីគ្នាកាន់តែជិតស្និទ្ធ និងសហការកាន់តែមានប្រសិទ្ធភាពថែមទៀត ដោយផ្តោតលើការទាញយកអត្ថប្រយោជន៍ពីកម្លាំងចលករកំណើនថ្មីដូចជា វិទ្យាសាស្ត្រ បច្ចេកវិទ្យា នវានុវត្តន៍ ការធ្វើបរិវត្តកម្មបៃតង ការធ្វើបរិវត្តកម្មឌីជីថលជាដើម។

leftcenterrightdel
លោក Tran Thanh Man ប្រធានរដ្ឋសភាវៀតណាម ទទួលជួបលោកស្រី Siti Rozaimeriyanty Dato Haji Abdul Rahman អគ្គលេខាធិការ AIPA

រីឯលោកស្រី Siti Rozaimeriyanty Dato Haji Abdul Rahman អគ្គលេខាធិការ AIPA បានវាយតំលៃខ្ពស់ចំពោះសភានៃប្រទេសនានា ក្នុងនោះមានវៀតណាម ដែលបានសម្របសម្រួលប្រកបដោយប្រសិទ្ធភាពជាមួយ AIPA និងមានគំនិតផ្ដួចផ្ដើមជាច្រើនសម្រាប់អាស៊ាន។ លោកស្រី Siti Rozaimeriyanty Dato Haji Abdul Rahman បានវាយតំលៃខ្ពស់ចំពោះការដែលសន្និសីទ “AIPA Roadshow នៅវៀតណាម” ដែលរៀបចំឡើងជាលើកដំបូងនៅវៀតណាម៕

បកប្រែដោយ Thanh Cong