វៀតណាមផ្តល់សារៈសំខាន់ជានិច្ចចំពោះទំនាក់ទំនងមិត្តភាពជាប្រពៃណីជាមួយនេប៉ាល់

នៅក្នុងជំនួប លោកស្រី Vo Thi Anh Xuan អនុប្រធានរដ្ឋ បានសម្តែងនូវក្តីរីករាយដែលបានមកបំពេញទស្សនកិច្ចនៅប្រទេសនេប៉ាល់ក្នុងឱកាសដ៏សំខាន់នៃការរំលឹកខួបលើកទី ៥០ នៃការបង្កើតទំនាក់ទំនងការទូតទ្វេភាគី។ លោកស្រី Vo Thi Anh Xuan បានអះអាងថា វៀតណាមជានិច្ចកាលយកចិត្តទុកដាក់ចំពោះទំនាក់ទំនងមិត្តភាពជាប្រពៃណីជាមួយនេប៉ាល់ ព្រមទាំងថ្លែងអំណរគុណចំពោះប្រទេសនេប៉ាល់ ដែលតែងតែគាំទ្រវៀតណាមក្នុងការតស៊ូដើម្បីឯករាជ្យ ការបង្រួបបង្រួមប្រទេសជាតិ និងការកសាង និងការអភិវឌ្ឍប្រទេសជាតិនាពេលបច្ចុប្បន្ន។

លោកស្រី Vo Thi Anh Xuan អនុប្រធានរដ្ឋ និងលោក Ram Chandra Poudel ប្រធានាធិបតីនេប៉ាល់ (រូបថត៖ ក្រសួងការបរទេស)

លោកប្រធានាធិបតី និងលោកនាយករដ្ឋមន្ត្រីនេប៉ាល់បានផ្ញើសារអបអរសាទរក្នុងឱកាសរំលឹកខួបលើកទី ៨០ នៃទិវាបុណ្យឯករាជ្យជាតិវៀតណាម ព្រមទាំងគូសបញ្ជាក់អំពីមនោសញ្ចេតនាមិត្តភាពដែលថ្នាក់ដឹកនាំ និងប្រជាជននេប៉ាល់ផ្តល់ជូនចំពោះវៀតណាម។ ថ្នាក់ដឹកនាំនេប៉ាល់ទាំងពីរ បានសង្កត់ធ្ងន់ថា នេប៉ាល់ចាត់ទុកវៀតណាមជាគំរូជោគជ័យក្នុងការអភិវឌ្ឍសេដ្ឋកិច្ចសង្គម និងការធ្វើសមាហរណកម្មអន្តរជាតិ ហើយមានបំណងចង់រៀនសូត្រពីទម្រង់អភិវឌ្ឍន៍សេដ្ឋកិច្ចទីផ្សារតាមទិសសង្គមនិយមរបស់វៀតណាម។

លោកស្រី Vo Thi Anh Xuan អនុប្រធានរដ្ឋ ជួបសវនាការជាមួយលោក Ram Chandra Poudel ប្រធានាធិបតីនេប៉ាល់ (រូបថត៖ ក្រសួងការបរទេស)

ថ្នាក់ដឹកនាំនេប៉ាល់ បានវាយតម្លៃខ្ពស់ចំពោះអត្ថន័យនៃដំណើរទស្សនកិច្ចរបស់លោកស្រី Vo Thi Anh Xuan អនុប្រធានរដ្ឋ ព្រមទាំងឯកភាពកំណត់ទិសដៅសំខាន់ៗសម្រាប់ទំនាក់ទំនងរវាងប្រទេសទាំងពីរនាពេលខាងមុខ ជំរុញកិច្ចសហប្រតិបត្តិការឱ្យកាន់តែរឹងមាំលើវិស័យនយោបាយ សេដ្ឋកិច្ច ពាណិជ្ជកម្ម ការវិនិយោគ វប្បធម៌ ទេសចរណ៍ និងការជួបប្រាស្រ័យរវាងប្រជាជន និងប្រជាជន។ល។

លោកស្រី Vo Thi Anh Xuan អនុប្រធានរដ្ឋ បានឯកភាពថា ដោយឈរលើមូលដ្ឋាននៃទំនាក់ទំនងដែលបានកសាងក្នុងរយៈពេល ៥០ ឆ្នាំកន្លងមក ភាគីទាំងពីរគប្បីពិនិត្យ និងអនុវត្តយ៉ាងសកម្មនូវយន្តការ និងក្របខ័ណ្ឌនៃកិច្ចសហប្រតិបត្តិការដែលមានស្រាប់ ជំរុញការចុះហត្ថលេខាលើឯកសារ និងកិច្ចព្រមព្រៀងថ្មីៗ លើវិស័យសេដ្ឋកិច្ច ពាណិជ្ជកម្ម វិនិយោគ វប្បធម៌ កីឡា ទេសចរណ៍ ការជួបប្រាស្រ័យរវាងប្រជាជន និងប្រជាជន។ល៕

បកប្រែដោយ Huyen Trang