សម្ពោធជាផ្លូវការសាខាសមាគមអប់រំ និងការងារវៀតណាម-អាល្លឺម៉ង់ នៅទីក្រុងហាណូយ

នាថ្ងៃទី ២៩ សីហា នៅទីក្រុងហាណូយ សាខាសមាគមអប់រំ និងការងារវៀតណាម - អាល្លឺម៉ង់ត្រូវបានសម្ពោធជាផ្លូវការ។ សាខាសមាគមនេះស្ថិតក្រោមសមាគមមិត្តភាពវៀតណាម-អាល្លឺម៉ង់ ដែលកំពុងប្រតិបត្តិការទូទាំងប្រទេសលើវិស័យ៖ បណ្តុះបណ្តាលភាសាអាល្លឺម៉ង់ សិក្សានៅបរទេស ប្រឹក្សាយោបល់ ផ្គត់ផ្គង់ធនធានមនុស្សដល់អាល្លឺម៉ង់ និងជំរុញកិច្ចសហប្រតិបត្តិការអប់រំរវាងប្រទេសទាំងពីរ។

លោក Nguyen Tuan Nam ប្រធានសាខាសមាគមបានទទួលសេចក្តីសម្រេចបង្កើតសាខាសមាគម

អំពីគោលបំណងនៃការបង្កើតសាខាសមាគមនេះ លោកបណ្ឌិត Nguyen Tuan Nam ប្រធានសាខាបានចែករំលែកថា៖ “មានឱកាសជាច្រើនសម្រាប់យុវជនវៀតណាមទៅសិក្សា និងធ្វើការនៅប្រទេសអាល្លឺម៉ង់ ហើយតម្រូវការធនធានមនុស្សនៅប្រទេសអាល្លឺម៉ង់ក៏មានច្រើនដែរ។ ទោះជាយ៉ាងណាក៏ដោយ ទីផ្សាររបស់យើងមិនមានទីភ្នាក់ងារផ្លូវការណាមួយដឹកនាំ និងគ្រប់គ្រងអង្គភាពនានាដែលចូលរួមក្នុងទីផ្សារបណ្តុះបណ្តាលភាសាអាល្លឺម៉ង់ និងតភ្ជាប់ការងារនោះនាំឲ្យគុណភាពនិស្សិត និងកម្មករទៅប្រទេសអាល្លឺម៉ង់មិនធានាទេ ដូច្នេះ សហគ្រាសអាល្លឺម៉ង់មិនវាយតំលៃខ្ពស់ចំពោះគុណភាពរបស់កម្មករវៀតណាម ដូច្នេះចាំបាច់ត្រូវមានទីភ្នាក់ងារ ឬអង្គការតំណាងឱ្យគ្រប់អង្គភាពដែលចូលរួមក្នុងទីផ្សារភាសាអាល្លឺម៉ង់ ក៏ដូចជាពិគ្រោះយោបល់លើការសិក្សានៅបរទេស និងផ្តល់ធនធានមនុស្សដល់ប្រទេសអាល្លឺម៉ង់ ។ភារកិច្ចចម្បងគឺធ្វើឲ្យទីផ្សារមានស្តង់ដារឡើងវិញ ផ្តល់ការចែករំលែកបទពិសោធន៍ក្នុងចំណោមសមាជិក ព្រមទាំងតភ្ជាប់ជាមួយអង្គការ និងអាជីវកម្មនៅប្រទេសអាល្លឺម៉ង់។

យោងតាមស្ថិតិរបស់ស្ថានទូតអាល្លឺម៉ង់ប្រចាំនៅវៀតណាម ក្នុងឆ្នាំ ២០២៤ និស្សិតវៀតណាមជាង ៤៩០០ នាក់បានទៅសិក្សានៅប្រទេសអាឡឺម៉ង់ ដែលភាគច្រើននៅក្នុងវិស័យគិលានុបដ្ឋាយិកា ភោជនីយដ្ឋាន-សណ្ឋាគារ ការលក់ និងសិល្បៈធ្វើម្ហូបនៅឆ្នាំ ២០២៥ វៀតណាម និងសាធារណរដ្ឋសហព័ន្ធអាល្លឺម៉ង់នឹងប្រារព្ធខួបលើកទី ៥០ នៃការបង្កើតទំនាក់ទំនងការទូត។ គួរំលកឹថា ក្នុងឆ្នាំ ១៩៨០ វៀតណាម និងសាធារណរដ្ឋសហព័ន្ធអាល្លឺម៉ង់បានចុះហត្ថលេខាលើកិច្ចព្រមព្រៀងសហប្រតិបត្តិការការងារ អាស្រ័យលើនេះពលករវៀតណាមប្រហែល ៦០០០០ នាក់បានទៅធ្វើការនៅតាមមូលដ្ឋានជាច្រើននៃសាធារណរដ្ឋសហព័ន្ធអាល្លឺម៉ង់ក្នុងវិស័យផ្សេងៗគ្នា៕

បកប្រែដោយ​ Duy Hoan