វៀតណាមបន្តទទួលបានកិត្តិយសជា "គោលដៅបេតិកភណ្ឌឈានមុខគេរបស់ពិភពលោក"

នេះជាលើកទី ៦ ហើយដែលវៀតណាមទទួលបានកិត្តិនាមដ៏មានតម្លៃនេះ បន្ទាប់ពីឆ្នាំ ២០១៩, ២០២០, ២០២២, ២០២៣ និង ២០២៤។

នេះគឺជាការទទួលស្គាល់កិច្ចខិតខំប្រឹងប្រែងរបស់វៀតណាមក្នុងការអភិរក្ស និងលើកកម្ពស់តម្លៃបេតិកភណ្ឌ ស្របគ្នានឹងការអភិវឌ្ឍទេសចរណ៍ប្រកបដោយចីរភាព។ ការរួមបញ្ចូលគ្នាដ៏សុខដុមរមនានៃទេសភាពធម្មជាតិ ជម្រៅវប្បធម៌ និងអត្តសញ្ញាណសហគមន៍ ធ្វើឱ្យវៀតណាមក្លាយជាគោលដៅដែលពេញនិយមសម្រាប់ភ្ញៀវទេសចរអន្តរជាតិ។

ខ្ពង់រាប Moc Chau (ខេត្ត  Son La) មានវត្តមានក្នុងបញ្ជី "គោលដៅទេសចរណ៍ធម្មជាតិក្នុងស្រុកឈានមុខគេរបស់ពិភពលោក" ជាលើកទីបី (រូបថត៖ vov.vn)

គោលដៅនៅមូលដ្ឋានជាច្រើននៅក្នុងប្រទេសវៀតណាមក៏ត្រូវបានផ្តល់កិត្តិយសផងដែរ។ ជាពិសេស ខ្ពង់រាបថ្ម Dong Van (ខេត្ត Tuyen Quang) ត្រូវបានផ្តល់កិត្តិនាមជា "គោលដៅវប្បធម៌ក្នុងស្រុកឈានមុខគេរបស់ពិភពលោក" ជាលើកដំបូង។ ខ្ពង់រាប Moc Chau (ខេត្ត Son La) មានវត្តមានក្នុងបញ្ជី "គោលដៅទេសចរណ៍ធម្មជាតិក្នុងស្រុកឈានមុខគេរបស់ពិភពលោក" ជាលើកទីបី; Tam Dao (ខេត្ត Phu Tho) ត្រូវបានបោះឆ្នោតជា "ទីរួមស្រុកទេសចរណ៍ឈានមុខគេរបស់ពិភពលោក" ជាលើកទីបួន; "កោះត្បូងពេជ្រ"  Phu Quoc ក៏បានឈ្នះពានរង្វាន់ "គោលដៅកោះធម្មជាតិឈានមុខគេរបស់ពិភពលោក" ជាលើកទីបួនជាប់ៗគ្នាផងដែរ។

បច្ចុប្បន្ន វៀតណាមមានបេតិកភណ្ឌធម្មជាតិ និងវប្បធម៌ពិភពលោកចំនួន ៩ បេតិកភណ្ឌវប្បធម៌អរូបីចំនួន ១៥ និងបេតិកភណ្ឌឯកសារចំនួន ១០ ដែលត្រូវបានទទួលស្គាល់ដោយអង្គការយូណេស្កូ៕

បកប្រែដោយ Huyen Trang