ពិធីបើកសប្តាហ៍ទេសចរណ៍ទីក្រុងហូជីមិញ លើកទី ៥

ថ្មីៗនេះ នៅទីក្រុងហូជីមិញ មន្ទីរទេសចរណ៍ទីក្រុងហូជីមិញបានរៀបចំពិធីបើកសប្តាហ៍ទេសចរណ៍ទីក្រុងហូជីមិញលើកទី ៥ ដោយមានប្រធានបទ "ពិធីបុណ្យដ៏រស់រវើក- Vibrant Ho Chi Minh Fest " នេះគឺជាសកម្មភាពដំបូងនៃព្រឹត្តិការណ៍ជម្រុញទេសចរណ៍ចុងឆ្នាំ ដែលមានគោលបំណងជំរុញទីផ្សារក្នុងស្រុក និងអន្តរជាតិ ដោយត្រៀមខ្លួនស្វាគមន៍ឆ្នាំថ្មី ២០២៦។

ពិធីបើកសប្តាហ៍ទេសចរណ៍ទីក្រុងហូជីមិញ លើកទី ៥ ក្នុងឆ្នាំ ២០២៥ (រូបថត៖ VGP)

សប្តាហ៍ទេសចរណ៍ឆ្នាំនេះ មានការចូលរួមពីគ្រប់ឃុំ សង្កាត់ និងតំបន់ពិសេស ជាមួយនឹងផលិតផលទេសចរណ៍ថ្មីៗ ដំណើរកម្សាន្តទទួលបានបទពិសោធន៍ពិសេសៗ ដែលត្រូវបានគេរំពឹងថានឹងបង្កើតសន្ទុះសម្រាប់វិស័យទេសចរណ៍នៅចុងឆ្នាំ និងដើមឆ្នាំ ២០២៦។ ក្នុងក្របខ័ណ្ឌនៃការបើកសប្តាហ៍ទេសចរណ៍លើកទី ៥ ក្នុងឆ្នាំ ២០២៥ មន្ទីរទេសចរណ៍ទីក្រុងហូជីមិញបានប្រកាសពីគោលដៅចំនួន ៣១ ដែលត្រូវបានទទួលស្គាល់ថាជាគោលដៅទេសចរណ៍មិត្តភាពប្រចាំឆ្នាំ។ ចំណងជើងនេះត្រូវបានជ្រើសរើសតាមលក្ខណៈវិនិច្ឆ័យ ១០០ ពិន្ទុះរបស់មន្ទីរទេសចរណ៍ទីក្រុងហូជីមិញ ដែលបង្ហាញយ៉ាងច្បាស់តាមរយៈអាកប្បកិរិយាសេវាកម្មវិជ្ជាជីវៈ ឆន្ទៈក្នុងការគាំទ្រភ្ញៀវទេសចរ ការអនុលោមតាមបទប្បញ្ញត្តិស្តីពីអនាម័យបរិស្ថាន និងការទទួលខុសត្រូវរបស់សហគមន៍។

សារមន្ទីរ កន្លែងទាក់ទាញភ្ញៀវទេសចរ តំបន់កម្សាន្ត ភោជនីយដ្ឋាន សណ្ឋាគារ និងផ្សារប្រពៃណីចំនួន ៣១ នៅក្នុងទីក្រុងហូជីមិញត្រូវបានទទួលស្គាល់ថាជា "គោលដៅទេសចរណ៍មិត្តភាពក្នុងឆ្នាំ ២០២៥" (រូបថត៖ Ty Huynh/VOV- ទីក្រុងហូជីមិញ)

បញ្ជីឆ្នាំនេះរួមមានកន្លែងទាក់ទាញខាងវប្បធម៌ និងប្រវត្តិសាស្ត្រលេចធ្លោជាច្រើននៅក្នុងទីក្រុង រួមទាំងវិមានឯករាជ្យ សារមន្ទីរប្រវត្តិសាស្ត្រទីក្រុងហូជីមិញ សាខាទីក្រុងហូជីមិញនៃសារមន្ទីរទីក្រុងហូជីមិញ ផ្លូវរូងក្រោមដីគូជី តំបន់ទេសចរណ៍វប្បធម៌សួយទៀន ជាដើម។

តំបន់ទេសចរណ៍វប្បធម៌សួយទៀនគឺជាគោលដៅមួយក្នុងចំណោមគោលដៅចំនួន ៣១ ដែលត្រូវបានទទួលស្គាល់ថាជាគោលដៅទេសចរណ៍មិត្តភាពប្រចាំឆ្នាំ (រូបថត៖ VGP/Hoang Tuyet)

នៅក្នុងពិធីបើក មន្ទីរទេសចរណ៍ទីក្រុងហូជីមិញបានប្រកាសពីកម្មវិធីសហប្រតិបត្តិការ ផ្សព្វផ្សាយឌីជីថលរវាងមជ្ឈមណ្ឌលផ្សព្វផ្សាយទេសចរណ៍ទីក្រុងហូជីមិញ TikTok វៀតណាម និងមូលនិធិគាំទ្រការអភិរក្សបេតិកភណ្ឌវប្បធម៌វៀតណាម។ ដូច្នេះ ឃុំ សង្កាត់ និងតំបន់ពិសេសទាំង ១៦៨ នៅក្នុងទីក្រុង នឹងបង្កើត TikTok ដាច់ដោយឡែកមួយ ដើម្បីផ្សព្វផ្សាយភាពស្រស់ស្អាតនៃវប្បធម៌ ម្ហូបអាហារ និងជីវភាពរស់នៅនៅទីក្រុង ដោយបង្កើតប្រព័ន្ធអេកូឡូស៊ីឌីជីថលមួយដែលមានឈ្មោះថា " តំបន់ពិសេសទាំង ១៦៨  នៃទីក្រុងហូជីមិញ"៕

បកប្រែដោយ Duy Hoan