ផ្នែកទេសចរណ៍វៀតណាមទទួលបានភ្ញៀវទេសចរចំនួន ៣.៥ លាននាក់ ក្នុងឱកាសបុណ្យចូលឆ្នាំថ្មីសកល ២០២៦

ទីក្រុងហូជីមិញនាំមុខគេក្នុងប្រទេសដោយប៉ាន់ស្មានថា ទទួលបានភ្ញៀវទេសចរចំនួន ១,២៤០,០០០ នាក់ កើនឡើង ៦៥% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៥។ ក្នុងនោះ ភ្ញៀវទេសចរអន្តរជាតិត្រូវបានប៉ាន់ប្រមាណថា មានចំនួនប្រហែល ៧៥,៧២៦ នាក់ កើនឡើង ៨៣%។ ប្រាក់ចំណូលសរុបពីវិស័យទេសចរណ៍ត្រូវបានប៉ាន់ប្រមាណថាមានចំនួនប្រហែល ២,៦៣២ ពាន់លានដុង។

រមណីយដ្ឋាន Dream Dragon (ទីក្រុង Hai Phong) ត្រូវបានតុបតែងយ៉ាងស្រស់ស្អាតដើម្បីទទួលភ្ញៀវទេសចរក្នុងឱកាសបុណ្យចូលឆ្នាំថ្មីសកល ២០២៦

ខេត្ត Ninh Binh ត្រូវបានប៉ាន់ប្រមាណថា ទទួលបានភ្ញៀវទេសចរចំនួន ៧២៣,០៦៣ នាក់។ ក្នុងនោះ ភ្ញៀវទេសចរអន្ដរជាតិ ១៧៧,៩៧៤ នាក់។ ចំណូលសរុបពីទេសចរណ៍ត្រូវបានប៉ាន់ប្រមាណថា មានប្រមាណ ៧៩៥ ពាន់លានដុង។

ខេត្ត Quang Ninh ត្រូវបានប៉ាន់ប្រមាណថាទទួលបានភ្ញៀវទេសចរចំនួន ៦៥៧,០០០ នាក់ ក្នុងនោះ ភ្ញៀវទេសចរអន្តរជាតិប្រហែល ៧០,៥០០ នាក់។ ចំណូលសរុបពីទេសចរណ៍ត្រូវបានប៉ាន់ប្រមាណថាមានប្រមាណ ១,៦២០ ពាន់លានដុង។

ទីក្រុងហាណូយត្រូវបានប៉ាន់ប្រមាណថាទទួលបានភ្ញៀវទេសចរចំនួន ៥៦០,០០០ នាក់ កើនឡើងប្រហែល ២៥០% បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៥ ក្នុងនោះ ភ្ញៀវទេសចរអន្តរជាតិត្រូវបានប៉ាន់ប្រមាណថាមានប្រមាណ ១១០,០០០ នាក់ កើនឡើងប្រហែល ២៨៧% ហើយប្រាក់ចំណូលសរុបពីទេសចរណ៍ត្រូវបានប៉ាន់ប្រមាណថាមានប្រហែល ២,១០០ ពាន់លានដុង ដែលកើនឡើង ២៥៤% បើប្រៀបធៀបទៅនឹងរយៈពេលដូចគ្នាក្នុងឆ្នាំ ២០២៥។

ទីក្រុង Hai Phong ត្រូវបានប៉ាន់ប្រមាណថាទទួលបានភ្ញៀវទេសចរចំនួន ៥១៥,៦០០ នាក់ ក្នុងនោះ ភ្ញៀវទេសចរអន្តរជាតិប្រមាណ ១២,៨៩០ នាក់។ មូលដ្ឋានជាច្រើនដូចជា ខេត្ដ Khanh Hoa, An Giang, Phu Tho, Hue... ក៏បានកត់ត្រាការកើនឡើងខ្ពស់នៃចំនួនភ្ញៀវទេសចរផងដែរ៕

បកប្រែដោយ Pham Diep