លោកនាយឧត្តមសេនីយ៍ Phan Van Giang អញ្ជើញចូលរួមពិធីទទួលគ្រឿងឥស្សរិយយសនៅអគ្គបញ្ជាការដ្ឋានលេខ២

លោកនាយឧត្តមសេនីយ៍ Phan Van Giang មានប្រសាសន៍​ក្នុង​ពិធី

មានប្រសាន៍នៅក្នុងពិធីនោះ លោកនាយឧត្តមសេនីយ៍ Phan Van Giang បានលើកសរសើរអគ្គបញ្ជាការដ្ឋានលេខ២ ដែលបានសម្របសម្រួលប្រកបដោយប្រសិទ្ធភាពជាមួយផ្នែកចារកម្មយោធានៃប្រទេសឡាវ កម្ពុជា និងគុយបា  បង្កើតទំនាក់ទំនង​ជិតស្និទ្ធរវាងចារកម្មការពារជាតិវៀតណាម និងផ្នែកចារកម្មយោធានៃប្រទេសឡាវ កម្ពុជា និងគុយបា។

នៅក្នុងបរិបទនៃស្ថានភាពសកល និងតំបន់ដែលមានការផ្លាស់ប្តូរយ៉ាងឆាប់រហ័ស ស្មុគស្មាញ មិនអាចទាយទុកជាមុនបាន និងពិបាកព្យាករណ៍ បានកំណត់តម្រូវការភារកិច្ចខ្ពស់ បន្ទាន់ និងទូលំទូលាយសម្រាប់ក្រសួងការពារជាតិ និងផ្នែកចារកម្មនៃប្រទេសនីមួយៗ។

រដ្ឋមន្ត្រីក្រសួងការពារជាតិឡាវ ប្រគល់គ្រឿងឥស្សរិយយសជូនអង្គភាព និង​បុគ្គលនានា នៃអគ្គនាយកដ្ឋានលេខ២

លោក​នាយឧត្តមសេនីយ៍ ព្រហ្ម ឌិន រដ្ឋលេខាធិការក្រសួងការពារជាតិកម្ពុជា ប្រគល់គ្រឿងឥស្សរិយយសជូនអង្គភាព និង​បុគ្គលនានា នៃអគ្គនាយកដ្ឋានលេខ២

ឯកអគ្គរដ្ឋទូតគុយបាប្រគល់គ្រឿងឥស្សរិយយសជូនអង្គភាព និង​បុគ្គលនានា នៃអគ្គនាយកដ្ឋានលេខ២

ប្រតិភូអញ្ជើញចូលរួមពិធីថតរូបអនុស្សាវរីយ៍​

ដើម្បីសម្រេចភារកិច្ចដោយជោគជ័យក្នុងរយៈពេលខាងមុខ លោកនាយឧត្តមសេនីយ៍ Phan Van Giang បានស្នើឱ្យអគ្គនាយកដ្ឋានលេខ២ ត្រូវផ្សព្វផ្សាយឲ្យបានស៊ីជម្រៅអំពីគោលការណ៍ ទស្សនៈ គោលនយោបាយរបស់បក្ស រដ្ឋ គណៈកម្មាធិការបក្សយោធាមជ្ឈិម ក្រសួងការពារប្រទេស ស្តីពីការធ្វើសមាហរណកម្មអន្តរជាតិ និងការទូតការពារជាតិ បន្តធ្វើល្អការងារអប់រំនយោបាយ តម្រង់ទិសសតិអារម្មណ៍ និងភារកិច្ច ដោយធានាថាកម្មាភិបាល បុគ្គលិក និងយុទ្ធជនយល់ដឹងស៊ីជម្រៅអំពីស្មារតី និងការទទួលខុសត្រូវក្នុងការពង្រឹង និងពង្រីក​ចំណងមិត្តភាពជាប្រពៃណី សាមគ្គីភាពពិសេស និងកិច្ចសហប្រតិបត្តិការគ្រប់ជ្រុងជ្រោយរវាងវៀតណាម ជាមួយ​ឡាវ កម្ពុជា និងគុយបា។ ហើយបន្តធ្វើជាស្ពានតភ្ជាប់ព័ត៌មានជឿទុកចិត្តរវាងបក្ស រដ្ឋ ក្រសួងការពារប្រទេសវៀតណាម ជាមួយបក្ស រដ្ឋ ក្រសួងការពារជាតិ នៃប្រទេសឡាវ ប្រទេសកម្ពុជា និងប្រទេសគុយបា៕

បកប្រែដោយ Duy Hoan