លោកនាយឧត្តមសេនីយ៍ Trinh Van Quyet សំដែងការដឹងគុណជូនចំពោះអតីតថ្នាក់ដឹកនាំបក្ស និងកងទ័ពវៀតណាម

នៅឯគេហដ្ឋានរបស់លោកអតីតអគ្គលេខាបក្ស Le Kha Phieu និងអាគាររំលឹកវិញ្ញាណក្ខន្ធលោកនាយឧត្តមសេនីយ៍ Nguyen Chi Thanh នោះ លោកនាយឧត្តមសេនីយ៍ Trinh Van Quyet និងក្រុមបេសកកម្មបានអុជធូបគោរពវិញ្ញាណក្ខន្ធ និងសំដែងការដឹងគុណចំពោះការលះបង់ និងការរួមចំណែកដ៏ធំធេងរបស់បុព្វបុរសក្នុងបុព្វហេតុបដិវត្តន៍របស់បក្ស ប្រទេសជាតិ និងកងទ័ព។

លោកនាយឧត្តមសេនីយ៍ Trinh Van Quyet អុជធូបគោរពវិញ្ញាណក្ខន្ធអតីតអគ្គលេខាបក្ស Le Kha Phieu

អញ្ជើញទៅទស្សនកិច្ចនៅមជ្ឈិមសមាគមអតីតយុទ្ធជនវៀតណាម លោកនាយឧត្តមសេនីយ៍ Trinh Van Quyet បានថ្លែងអំណរគុណជូនចំពោះមជ្ឈិមសមាគមអតីតយុទ្ធជនវៀតណាម និងសមាគមអតីតយុទ្ធជនគ្រប់លំដាប់ថ្នាក់ ដែលតែងតែរួមដំណើរ និងសហការយ៉ាងជិតស្និទ្ធជាមួយគណៈកម្មាធិការបក្សយោធាមជ្ឈិម ក្រសួងការពារប្រទេស អគ្គស្នងការដ្ឋាននយោបាយនៃកងទ័ពប្រជាជនវៀតណាម និងស្ថាប័ន អង្គភាពនានាក្នុងកងទ័ពទាំងមូលដើម្បីរៀបចំសកម្មភាពជាច្រើនក្នុងគ្រប់វិស័យ  ជាពិសេសការងារគោលនយោបាយ អប់រំប្រវត្ដិសាស្ដ្រ និងប្រពៃណី។

លោកនាយឧត្តមសេនីយ៍ Trinh Van Quyet ប្រគល់អំណោយរបស់គណៈកម្មាធិការបក្សយោធាមជ្ឈិម និងក្រសួងការពារប្រទេស ជូនមជ្ឈិមសមាគមអតីតយុទ្ធជនវៀតណាម

លោកនាយឧត្តមសេនីយ៍ Trinh Van Quyet សង្ឃឹមថា នាពេលខាងមុខ មជ្ឈិមសមាគមអតីតយុទ្ធជនវៀតណាមនឹងបន្តយកចិត្តទុកដាក់ និងរួមដំណើរជាមួយគណៈកម្មាធិការបក្សយោធាមជ្ឈិម  ក្រសួងការពារប្រទេស និងអគ្គស្នងការដ្ឋាននយោបាយនៃកងទ័ពប្រជាជនវៀតណាមក្នុងសកម្មភាពទាំងអស់  បង្កើនការផ្សព្វផ្សាយនិងចលនាកម្មាភិបាល និងសមាជិកសមាគមអនុវត្តឱ្យបានល្អនូវគោលការណ៍របស់គ្រប់ជាន់ថ្នាក់លើការងារយោធា និង​ការពារជាតិ។

អញ្ជើញមកសួរសុខទុក្ខលោកឧត្តមសេនីយ៍ឯក Pham Thanh Ngan អតីតប្រធានអគ្គស្នងការនយោបាយនៃកងទ័ពប្រជាជនវៀតណាម លោកនាយឧត្តមសេនីយ៍ Trinh Van Quyet បានសម្តែងនូវក្តីសោមនស្សរីករាយ និងជូនពរលោកឧត្តមសេនីយ៍ឯក Pham Thanh Ngan មានសុខភាពល្អ អាយុយឺនយូរ និងគ្រួសារមានសុភមង្គលនិងវិបុលភាព។

លោកនាយឧត្តមសេនីយ៍ Trinh Van Quyet អញ្ជើញមកសួរសុខទុក្ខលោកឧត្តមសេនីយ៍ឯក Pham Thanh Ngan អតីតសមាជិកការិយាល័យនយោបាយ អតីតប្រធានអគ្គស្នងការនយោបាយនៃកងទ័ពប្រជាជនវៀតណាម

លោកឧត្តមសេនីយ៍ឯក Pham Thanh Ngan បានថ្លែងអំណរគុណយ៉ាងជ្រាលជ្រៅចំពោះការយកចិត្ដទុកដាក់របស់គណៈកម្មាធិការបក្សយោធាមជ្ឈិម ក្រសួងការពារប្រទេស និងថ្នាក់ដឹកនាំអគ្គស្នងការដ្ឋាននយោបាយ។ លោកឧត្តមសេនីយ៍ឯក Pham Thanh Ngan សង្ឃឹមថា នាពេលខាងមុខ អគ្គស្នងការដ្ឋាននយោបាយនឹងបន្តផ្តល់យោបល់ជូនការិយាល័យនយោបាយ គណៈលេខាមជ្ឈិមបក្ស គណៈកម្មាធិការបក្សយោធាមជ្ឈិម  និងក្រសួងការពារប្រទេសដើម្បីដឹកនាំកងទ័ពទាំងមូលអនុវត្តភារកិច្ចប្រកបដោយជោគជ័យ៕

បកប្រែដោយ Pham Diep