ក្រុមហ្វឹកហ្វឺនកងទ័ពជើងគោក នៃយោធភូមិភាគទី១ កងទ័ពប្រជាជនវៀតណាម ចេញដំណើរទៅកាន់ប្រទេសចិន

គួរំលឹកថា នាថ្ងៃទី ២៥ មេសា ភាគីចិនបានផ្ញើកំណត់ទូតមួយ ដោយស្នើឱ្យរៀបចំការហ្វឹកហ្វឺនកងទ័ពជើងគោកចម្រុះជាលើកដំបូងរវាងប្រទេសទាំងពីរ។ ក្រសួងការពារប្រទេសវៀតណាមបានចាត់ឲ្យយោធភូមិភាគទី១ សម្របសម្រួលជាមួយភាគីចិន ដើម្បីរៀបចំអនុវត្ត។

កងទ័ព នៃប្រទេសទាំងពីរបានសម្របសម្រួលត្រួតពិនិត្យ និងបិទក្រដាសលើកេះផ្ទុក​អាវុធ និងយុទ្ធោបករណ៍នៅច្រកទ្វារព្រំដែនអន្តរជាតិមិត្តភាព មុននឹងចេញទៅប្រទេសមិត្ត ដើម្បីចូលរួមក្នុង "ការហ្វឹកហ្វឺនកងទ័ពជើងគោកចម្រុះវៀតណាម-ចិន" នៅឆ្នាំ២០២៥

ទទួលស្វាគមន៍គណៈប្រតិភូវៀតណាម ភាគីចិនបានរៀបចំពិធីស្វាគមន៍យ៉ាងឱឡារិក និងរៀបចំមធ្យោយបាយដឹកគណៈប្រតិភូទៅកាន់មូលដ្ឋានហ្វឹកហ្វឺន Jianglong Chongzuo ជាកន្លែងប្រព្រឹត្តទៅវគ្គហ្វឹកហ្វឺនចម្រុះរវាងប្រទេសទាំងពីរ។

នារសៀលថ្ងៃដដែល នៅទីបញ្ជាការ​ចម្រុះ ភាគីទាំងពីរបានបើកកិច្ចប្រជុំពិភាក្សា និងឯកភាពលើព័ត៌មានលម្អិតនៃខ្លឹមសារហ្វឹកហ្វឺន បង្ហាញឧបករណ៍ និងហាត់សមសម្រាប់ពិធីបើក។

តំណាងចិនជូនកម្រងផ្កាស្វាគមន៍លោកវរសេនីយ៍ឯក Do Van Toan នាយរងសេនាធិការយោធភូមិភាគទី១ និងគណៈប្រតិភូវៀតណាមចូលរួម "ការហ្វឹកហ្វឺនកងទ័ពជើងគោកចម្រុះរវាងវៀតណាម-ចិន" ឆ្នាំ២០២៥

ការហ្វឹកហ្វឺនកងទ័ពជើងគោកចម្រុះវៀតណាម-ចិននៅឆ្នាំ២០២៥ គឺជាលើកទីមួយហើយដែលកងកម្លាំងកងទ័ពជើងគោកនៃប្រទេសទាំងពីរបានធ្វើការហ្វឹកហ្វឺនរួមគ្នា។ សកម្មភាពនេះមានសារសំខាន់ ជាសកម្មភាពមួយក្នុងចំណោមសកម្មភាពដើម្បី​អនុវត្តជាក់ស្តែងសេចក្តីថ្លែងការណ៍រួមស្តីពីការបន្តធ្វើឱ្យស៊ីជម្រៅនូវភាពជាដៃគូសហប្រតិបត្តិការយុទ្ធសាស្ត្រលើគ្រប់ជ្រុងជ្រោយ ជំរុញការកសាងសហគមន៍ចែករំលែកអនាគតវៀតណាម-ចិនមានអត្ថន័យជាយុទ្ធសាស្ត្រ។ ជំរុញទិសដៅ "៦ បន្ថែមទៀត" ដែលថ្នាក់ដឹកនាំជាន់ខ្ពស់នៃប្រទេសទាំងពីរបានកំណត់ ជាពិសេសខ្លឹមសារនៃ "កិច្ចសហប្រតិបត្តិការលើវិស័យការពារជាតិ និងសន្តិសុខកាន់តែជាក់ស្តែងថែមទៀត" ក្នុង "ឆ្នាំផ្លាស់ប្តូរមនុស្សធម៌វៀតណាម - ចិន ឆ្នាំ ២០២៥"។

បកប្រែដោយ Duy Hoan