ការយាមល្បាតទ្វេភាគីតាមតំបន់ព្រំដែនវៀតណាម-ឡាវ

កងកម្លាំងយាមល្បាតបានត្រួតពិនិត្យប្រព័ន្ធខ្សែព្រំដែន បង្គោលព្រំដែន និងតម្រុយព្រំដែន ព្រមទាំងផ្សព្វផ្សាយព័ត៌មានដល់ប្រជាជននៅសងខាងព្រំដែន អនុវត្តយ៉ាងតឹងរ៉ឹងតាមបទប្បញ្ញត្តិរបស់ច្បាប់ និងកិច្ចព្រមព្រៀង និងបទប្បញ្ញត្តិស្តីពីការគ្រប់គ្រង និងការពារព្រំដែន។

ក្រុមយាមល្បាតទ្វេភាគីនៅបង្គោលព្រំដែនវៀតណាម-ឡាវ

លទ្ធផលត្រួតពិនិត្យបានបង្ហាញថា ប្រព័ន្ធបង្គោលព្រំដែន និងខ្សែព្រំដែនមានស្ថេរភាព និងស្ថិតក្នុងស្ថានភាពដើម។ សន្តិសុខ សណ្តាប់ធ្នាប់ និងសុវត្ថិភាពសង្គមនៅតំបន់ព្រំដែនត្រូវបានរក្សា ដោយគ្មានឧប្បត្តិហេតុនៃការរំលោភបំពានអធិបតេយ្យភាព ឬសន្តិសុខព្រំដែនត្រូវបានរកឃើញឡើយ។ ដំណើរការនៃការយាមល្បាតត្រូវបានរៀបចំយ៉ាងហ្មត់ចត់ ស្របតាមបទប្បញ្ញត្តិគោលនយោបាយការបរទេស ដោយធានាសុវត្ថិភាពដាច់ខាតនូវមនុស្ស អាវុធ និងឧបករណ៍។

ភាគីទាំងពីរឯកភាពគ្នាលើកំណត់ហេតុនៃការយាមល្បាតទ្វេភាគីតាមតំបន់ព្រំដែនវៀតណាម-ឡាវ

នៅពេលបញ្ចប់ការយាមល្បាត ភាគីទាំងពីរបានផ្លាស់ប្តូរព័ត៌មាន និងស្ថានភាពពាក់ព័ន្ធ ឯកភាពលើការវាយតម្លៃលទ្ធផលនៃកិច្ចសហប្រតិបត្តិការក្នុងរយៈពេលកន្លងមក និងចុះហត្ថលេខាលើកំណត់ហេតុនៃការយាមល្បាតទ្វេភាគី ដោយឯកភាពលើពេលវេលា និងខ្លឹមសារសម្រាប់ការយាមល្បាតបន្ទាប់ ដែលរួមចំណែកដល់ការរក្សាយន្តការសម្របសម្រួលយ៉ាងជិតស្និទ្ធ និងមានប្រសិទ្ធភាពរវាងកងកម្លាំងការពារព្រំដែននៃប្រទេសទាំងពីរ៕

បកប្រែដោយ Huyen Trang