លោកនាយឧត្តមសេនីយ៍ Nguyen Tan Cuong សម្តែងការដឹងគុណជូនចំពោះអតីតថ្នាក់ដឹកនាំបក្ស រដ្ឋ និងកងទ័ព

លោកនាយឧត្តមសេនីយ៍ Nguyen Tan Cuong និងគណៈប្រតិភូ បានអញ្ជើញទៅអុជធូបគោរពវិញ្ញាណក្ខន្ធ៖ លោក Le Kha Phieu អតីតអគ្គលេខាបក្ស លោក Le Duc Anh អតីតប្រធានរដ្ឋ។ អតីតរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Vo Nguyen Giap លោកនាយឧត្តមសេនីយ៍ Van Tien Dung លោកនាយឧត្តមសេនីយ៍ Doan Khue លោកនាយឧត្តមសេនីយ៍ Phung Quang Thanh។ លោកនាយឧត្តមសេនីយ៍ Chu Huy Man អតីតប្រធានអគ្គស្នងការនយោបាយនៃកងទ័ពប្រជាជនវៀតណាម។ អតីតប្រធាន​អគ្គសេនាធិការ នៃកងទ័ពប្រជាជនវៀតណាម និងជាអតីតអនុរដ្ឋមន្ត្រីក្រសួងការពារប្រទេស៖ លោកនាយឧត្តមសេនីយ៍ Le Trong Tan លោកនាយឧត្តមសេនីយ៍ Hoang Van Thai ។ លោកឧត្តមសេនីយ៍ទោ Nguyen Hai Bang អតីតនាយករងវិទ្យាស្ថានការពារជាតិ។

លោកនាយឧត្តមសេនីយ៍ Nguyen Tan Cuong អុជធូបគោរពវិញ្ញាណក្ខន្ធ លោក Le Kha Phieu អតីតអគ្គលេខាបក្ស

លោកនាយឧត្តមសេនីយ៍ Nguyen Tan Cuong អុជធូបគោរពវិញ្ញាណក្ខន្ធ លោក Le Duc Anh អតីតប្រធានរដ្ឋ

លោកនាយឧត្តមសេនីយ៍ Nguyen Tan Cuong និងគណៈប្រតិភូ គោរពវិញ្ញាណក្ខន្ធលោកនាយឧត្តមសេនីយ៍ Vo Nguyen Giap

លោកនាយឧត្តមសេនីយ៍ Nguyen Tan Cuong និងគណៈប្រតិភូ គោរពវិញ្ញាណក្ខន្ធលោកនាយឧត្តមសេនីយ៍ Doan Khue

ក្នុងបរិយាកាសដ៏ឧឡារិក លោកនាយឧត្តមសេនីយ៍ Nguyen Tan Cuong និងគណៈប្រតិភូបានសម្តែងការដឹងគុណយ៉ាងជ្រាលជ្រៅ ចំពោះការរួមវិភាគទានដ៏ធំធេងរបស់បុព្វបុរសជំនាន់មុនចំពោះបុព្វហេតុបដិវត្តន៍របស់បក្ស ប្រទេសជាតិ និងបុព្វហេតុកសាងកងទ័ពប្រជាជនវៀតណាម។ ការរួមវិភាគទាន និងគុណូបការៈដ៏ធំធេងរបស់អតីតថ្នាក់ដឹកនាំបក្ស រដ្ឋ និងកងទ័ពបានរួមចំណែកបង្កើតសមិទ្ធផលដ៏ធំធេង ដែលជាមោទនភាពរបស់ប្រជាជនវៀតណាម ដើម្បីមនុស្សជំនាន់ក្រោយបានរៀនសូត្រ និងអនុវត្តតាម។

លោកនាយឧត្តមសេនីយ៍ Nguyen Tan Cuong បានសួរសុខទុក្ខ និងជីវភាពរស់នៅរបស់ក្រុមគ្រួសារអតីតថ្នាក់ដឹកនាំបក្ស រដ្ឋ និងកងទ័ព។ លោកនាយឧត្តមសេនីយ៍ Nguyen Tan Cuong ជូនពរក្រុមគ្រួសារអតីតថ្នាក់ដឹកនាំបក្ស រដ្ឋ និងកងទ័ព មានសុខភាពល្អបរិបូរណ៍ បន្តលើកតម្កើងប្រពៃណីគ្រួសារ រួមចំណែកអភិវឌ្ឍន៍ប្រទេសជាតិ និងការរីកចម្រើនរបស់កងទ័ព។

លោកនាយឧត្តមសេនីយ៍ Nguyen Tan Cuong និងគណៈប្រតិភូទៅសួរសុខទុក្ខលោកឧត្តមសេនីយ៍ទោ Dang Quan Thuy

ក្នុងឱកាសអញ្ជើញទៅសួរសុខទុក្ខលោកឧត្តមសេនីយ៍ទោ Dang Quan Thuy អតីតអនុប្រធានរដ្ឋសភា វីរៈជនកងកម្លាំងប្រដាប់អាវុធប្រជាជន លោកនាយឧត្តមសេនីយ៍ Nguyen Tan Cuong បានសួរសុខទុក្ខ និងជម្រាបជូនអំពីលទ្ធផលលេចធ្លោមួយចំនួនរបស់កងទ័ពទាំងមូលក្នុងរយៈពេល ៦ ខែដើមឆ្នាំ២០២៥។ ក្នុងនោះ គណៈកម្មាធិការបក្សយោធាមជ្ឈិម ក្រសួងការពារប្រទេស បានដាក់បញ្ជាយ៉ាងម៉ឺងម៉ាត់ ប្រកបដោយប្រសិទ្ធភាព សម្រេចបានលទ្ធផលល្អលើគ្រប់ភារកិច្ចទាំងអស់។ កងទ័ពទាំងមូលរួបរួមសាមគ្គីគ្នា ត្រៀមទទួលនិងបំពេញគ្រប់កិច្ចការឲ្យបានល្អ រក្សាការត្រៀមប្រយុទ្ធយ៉ាងម៉ឺងម៉ាត់ ក្តាប់ស្ថានការណ៍ ផ្តល់យោបល់ទាន់ពេលវេលាជូនបក្ស រដ្ឋ ដើម្បីដោះស្រាយរាល់ស្ថានការណ៍ប្រកបដោយប្រសិទ្ធភាព ជៀសវាងភាពអសកម្ម ការពារអធិបតេយ្យភាព និងបូរណភាពទឹកដី ព្រមទាំងសម្របសម្រួលដើម្បីរក្សាសន្តិសុខនយោបាយ សណ្តាប់ធ្នាប់សង្គមទូទាំងប្រទេស។

ទន្ទឹមនឹងនោះ កងទ័ពបានដើរតួនាទីយ៉ាងសំខាន់ក្នុងការបង្ការ និងប្រយុទ្ធប្រឆាំងនឹងគ្រោះធម្មជាតិ គ្រោះមហន្តរាយ និងការស្វែងរក និងជួយសង្គ្រោះ។ ជាពិសេសក្នុងអំឡុងពេលនេះ កងទ័ពកំពុងធ្វើការហ្វឹកហាត់យ៉ាងសកម្ម ដើម្បីចូលរួមដង្ហែរក្បួនព្យុហយាត្រាអបអរសាទរខួបលើកទី ៨០ នៃបដិវត្តន៍ខែសីហា ទិវាបុណ្យឯករាជ្យជាតិ ២ កញ្ញា៕

បកប្រែដោយ Duy Hoan