ថ្នាក់ដឹកនាំអគ្គស្នងការនយោបាយ ចុះសួរសុខទុក្ខ និងជូនពរឆ្នាំថ្មីដល់អង្គភាពមួយចំនួន

បន្ទាប់ពីបានស្តាប់ថ្នាក់ដឹកនាំ និងមេបញ្ជាការអង្គភាពរាយការណ៍អំពីលទ្ធផលទូទៅនៃការអនុវត្តការងារឆ្នាំ២០២៤ ទិសដៅនិងភារកិច្ចសំខាន់ៗសម្រាប់ឆ្នាំ២០២៥ និងការត្រៀមរៀបចំបុណ្យចូលឆ្នាំថ្មី លោកឧត្តមសេនីយ៍ឯក Le Quang Minh បានកត់សម្គាល់ និងវាយតម្លៃខ្ពស់ចំពោះលទ្ធផលដែលអង្គភាពសម្រេចបានក្នុងរយៈពេលកន្លងមក។

ថ្នាក់ដឹកនាំ និងមេបញ្ជាការកងទ័ពការពារព្រំដែនខេត្ត An Giang ទទួលស្វាគមន៍គណៈប្រតិភូ

ទន្ទឹមនឹងនោះ រក្សាការប្រចាំការនិងការត្រៀមខ្លួនប្រយុទ្ធ ក្តាប់ស្ថានការណ៍ ដោះស្រាយដោយភាពបត់បែន ជៀសវាងភាពអសកម្ម ឬ ភ្ញាក់ផ្អើលក្នុងគ្រប់ស្ថានភាព និងសម្របសម្រួលរក្សាសន្តិសុខ និងសណ្តាប់ធ្នាប់ក្នុងតំបន់ដែលឈរជើង។ អង្គភាពត្រូវមានការផ្លាស់ថ្មី និងលើកកម្ពស់គុណភាពនៃការហ្វឹកហ្វឺន ស្របតាមស្ថានភាពនិងភារកិច្ច។ ធ្វើល្អក្នុងការត្រៀមរៀបចំ និងការទទួលយុវជនចូលបម្រើកងទ័ពនៅឆ្នាំ២០២៥ យ៉ាងម៉ឺងម៉ាត់ និងស្របតាមបទប្បញ្ញត្តិ។

លោកឧត្តមសេនីយ៍ឯក Le Quang Minh​ ប្រគល់អំណោយជូនបញ្ជាការដ្ឋានកងទ័ពការពារព្រំដែនខេត្ត An Giang

ទាក់ទងនឹងភារកិច្ចខាងមុខ លោកឧត្តមសេនីយ៍ឯក Le Quang Minh បានស្នើឲ្យអង្គភាពត្រូវអនុវត្តយ៉ាងម៉ឺងម៉ាត់នូវការងារត្រៀមខ្លួនប្រយុទ្ធ និងរៀបចំបុណ្យចូលឆ្នាំថ្មីសម្រាប់កងទ័ព ធានាបាននូវភាពរីករាយ សុវត្ថិភាព និងត្រៀមខ្លួនប្រយុទ្ធខ្ពស់។

* នាថ្ងៃដដែល គណៈប្រតិភូនៃគណៈកម្មាធិការបក្សយោធាមជ្ឈិម និងក្រសួងការពារប្រទេសដឹកនាំដោយលោកឧត្តមសេនីយ៍ទោ Truong Thien To អនុប្រធានអគ្គស្នងការនយោបាយនៃកងទ័ពប្រជាជនវៀតណាម បានអញ្ជើញទៅសួរសុខទុក្ខ ត្រួតពិនិត្យ និងជូនពរឆ្នាំថ្មីដល់ស្ថាប័ន និងអង្គភាពមួយចំនួនដូចជា៖ បញ្ជាការដ្ឋានយោធាខេត្ត Quang Ngai និងបញ្ជាការដ្ឋានកងទ័ពការពារព្រំដែនខេត្ត Quang Ngai; កងពលធំលេខ ៣១៥ និងកងពលធំលេខ ២ និងកងពលតូចកាំភ្លើងធំលេខ ៣៦៨ (យោធភូមិភាគទី៥)។

លោកឧត្តមសេនីយ៍ទោ Truong Thien To អនុប្រធានអគ្គស្នងការនយោបាយនៃកងទ័ពប្រជាជនវៀតណាម អញ្ជើញទៅសួរសុខទុក្ខ ត្រួតពិនិត្យបញ្ជាការដ្ឋានកងទ័ពការពារព្រំដែនខេត្ត Quang Ngai

បន្ទាប់ពីស្តាប់របាយការណ៍របស់ស្ថាប័ន និងអង្គភាពនានា លោកឧត្តមសេនីយ៍ទោ Truong Thien To បានទទួលស្គាល់ និងកោតសរសើរចំពោះកិច្ចខិតខំប្រឹងប្រែង ការខិតខំប្រឹងប្រែង និងសមិទ្ធផលដែលអង្គភាពសម្រេចបាន; លោកឧត្តមសេនីយ៍ទោ Truong Thien To ស្នើឱ្យស្ថាប័ននិងអង្គភាពរក្សាសាមគ្គីភាពផ្ទៃក្នុង បន្តពិនិត្យនិងធ្វើល្អនៃកិច្ចការការពារនយោបាយផ្ទៃក្នុង កសាងក្រុមកម្មាភិបាលរឹងមាំ; អនុវត្តយ៉ាងម៉ឺងម៉ាត់នូវការណែនាំរបស់ថ្នាក់លើក្នុងការត្រៀមខ្លួនប្រយុទ្ធមុន កំឡុងពេល និងក្រោយបុណ្យចូលឆ្នាំថ្មី។ ធានាបាននូវសណ្តាប់ធ្នាប់ និងសុវត្ថិភាពសង្គម ការប្រយុទ្ធប្រឆាំង និងទប់ស្កាត់បទល្មើស និងការពារជាតិក្នុងតំបន់។ ទន្ទឹមនឹងនោះ ធ្វើល្អក្នុងការរៀបចំការហ្វឹកហ្វឺន និងទទួលយុទ្ធជនថ្មីក្នុងឆ្នាំ ២០២៥។ ដោះស្រាយរបប និងគោលនយោបាយឱ្យបានល្អសម្រាប់យុទ្ធជនបញ្ចប់កាតព្វកិច្ចយោធា៕

បកប្រែដោយ Pham Diep