រឹតបន្តឹងមិត្តភាពវៀតណាម-ឡាវ

លោកវរសេនីយ៍ឯក Amphone Phanmachan បានជូនពរឆ្នាំថ្មីជូនចំពោះថ្នាក់ដឹកនាំ កម្មាភិបាល យុទ្ធជននៃកងទ័ពការពារព្រំដែនខេត្ត Thanh Hoa។ ទន្ទឹមនឹងនោះ លោកជឿជាក់ថា ប្រសិទ្ធភាពនៃកិច្ចសហប្រតិបត្តិការរវាងភាគីទាំងពីរនាពេលកន្លងមក និងនៅពេលអនាគត នឹងបន្តរួមចំណែកក្នុងការកសាងទំនាក់ទំនងមិត្តភាព និងសាមគ្គីភាពពិសេសរវាងប្រទេសទាំងពីរឲ្យកាន់តែជិតស្និទ្ធ អនុវត្តប្រកបដោយជោគជ័យនូវការកសាង និងការពារព្រំដែនរួមនៃប្រទេសទាំងពីរ។

តាងនាមគណៈកម្មាធិការបក្ស និងមេបញ្ជាការកងទ័ពការពារព្រំដែនខេត្ត Thanh Hoa លោកវរសេនីយ៍ឯក Do Ngoc Vinh មេបញ្ជាការកងទ័ពការពារព្រំដែនខេត្ត បានថ្លែងអំណរគុណចំពោះមនោសញ្ចេតនាដែលបញ្ជាការដ្ឋានសន្តិសុខខេត្ត Huaphanh ជូនដល់កងទ័ពការពារព្រំដែនខេត្ត Thanh Hoa។

ក្រុមបេសកកម្មនៃបញ្ជាការដ្ឋានសន្តិសុខខេត្ត Huaphanh ជូនពរឆ្នាំថ្មីដល់កម្មាភិបាល និងយុទ្ធជននៃកងទ័ពការពារព្រំដែនខេត្ត Thanh Hoa

ក្នុងបរិយាកាសសប្បាយរីករាយ សាមគ្គីភាព និងមិត្តភាព ក្នុងឱកាសបុណ្យចូលឆ្នាំថ្មី២០២៥ ភាគីទាំងពីរបានជូនដំណឹងទៅវិញទៅមកអំពីស្ថានភាពអភិវឌ្ឍន៍សេដ្ឋកិច្ច-វប្បធម៌-សង្គម ការធានាការពារជាតិ និងសន្តិសុខនៅតំបន់ព្រំដែន។ ខេត្ត Thanh Hoa និងខេត្ត Huaphanh ផ្លាស់ប្តូរព័ត៌មានសំខាន់ៗដែលទាក់ទងនឹងភារកិច្ចប្រយុទ្ធ និងទប់ស្កាត់ឧក្រិដ្ឋកម្ម ទប់ស្កាត់ការធ្វើចំណាកស្រុកដោយសេរី និងការពារព្រំដែន។

ភាគីទាំងពីរក៏បានឯកភាពបន្តបង្កើនការផ្លាស់ប្តូរព័ត៌មាន និងដឹកនាំកិច្ចសហការនៅច្រកទ្វារព្រំដែន ការយាមល្បាតទ្វេភាគីដើម្បីការពារព្រំដែន និងបង្គោលព្រំដែន ប្រយុទ្ធប្រឆាំងបទល្មើសគ្រប់ប្រភេទ ជាពិសេសឧក្រិដ្ឋកម្មគ្រឿងញៀន ទប់ស្កាត់សកម្មភាពដែលប៉ះពាល់ដល់សន្តិសុខនយោបាយ សណ្តាប់ធ្នាប់សង្គម និងសុវត្ថិភាពនៅតាមតំបន់ព្រំដែន សហការការពារសុវត្ថិភាពក្នុងឱកាសពិធីបុណ្យ និងបុណ្យចូលឆ្នាំថ្មី ក៏ដូចជាពេលរៀបចំព្រឹត្តិការណ៍សំខាន់ៗរបស់ប្រទេសទាំងពីរ៕

បកប្រែដោយ Thuy Anh