សហរដ្ឋអាមេរិកបញ្ជាក់ពីការប្ដេជ្ញាចិត្តក្នុងការប្រយុទ្ធប្រឆាំងនឹងការប្រែប្រួលអាកាសធាតុ
បេសកជនពិសេអាមេរិកទទួលបន្ទុកអាកាសធាតុ លោក John Podesta កាលពី ថ្ងៃ១១ វិច្ឆិកា បានបញ្ជាក់ថា អាមេរិកនឹងបន្តប្រយុទ្ធប្រឆាំងនឹងការប្រែប្រួលអាកាសធាតុ ដោយមិនអើពើដល់ការជាប់ឆ្នោតថ្មីរបស់ប្រធានាធិបតីអាមេរិក លោក Donald Trump ឡើយ។
យោងតាមសេចក្តីប្រកាសដែលបានចេញផ្សាយនៅក្នុងសន្និសីទលើកទី ២៩ នៃភាគីអនុសញ្ញាក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ (COP២៩) ដែលប្រព្រឹត្តទៅនៅទីក្រុងបាគូ ប្រទេសអាស៊ែបៃហ្សង់ បេសកជនពិសេសលោក Podesta បានទទួលស្គាល់ពីលទ្ធភាពដែលរដ្ឋបាលសហរដ្ឋអាមេរិកនាពេលខាងមុខ នឹងផ្លាស់ប្តូរគោលនយោបាយអាកាសធាតុ ហើយលោកបានសម្ដែងទំនុកចិត្តអំពីទីក្រុង រដ្ឋ និងប្រជាជនអាមេរិកនឹងបន្តកិច្ចខិតខំប្រឹងប្រែងក្នុងការប្រយុទ្ធនេះ។
    |
 |
|
លោក John Podesta បេសកជនពិសេសរបស់អាមេរិក។ រូបថត៖ Yonhap/TTXVN |
មុននោះ ក្នុងអំឡុងយុទ្ធនាការចលនាបោះឆ្នោត ប្រធានាធិបតីជាប់ឆ្នោតអាមេរិក លោក Trump បានប្រកាសថា លោកនឹងដកទីក្រុងវ៉ាស៊ីនតោន ចេញពីកិច្ចព្រមព្រៀងទីក្រុងប៉ារីស។ ប្រការនេះបានគ្រប់ដណ្ដប់ស្រមោលខ្មៅទៅលើសន្និសិទ COP ២៩ ជាទីកន្លែងដែលត្រូវការប្ដេជ្ញាចិត្តយ៉ាងខ្លាំងពីសហគមន៍ពិភពលោកទាំងមូលចំពោះការខិតខំប្រឹងប្រែងរួមគ្នា។
សន្និសីទមានការចូលរួមពីគណៈប្រតិភូជាង ៥១,០០០ នាក់ ហើយបានប្រព្រឹត្តទៅក្នុងបរិបទដែលឆ្នាំ ២០២៤ ត្រូវបានគេព្យាករណ៍ថានឹងបង្កើតកំណត់ត្រាសីតុណ្ហភាព ដោយដាក់សម្ពាធយ៉ាងខ្លាំងលើរដ្ឋាភិបាលនានាឱ្យធ្វើសកម្មភាពកាន់តែប្ដូរផ្ដាច់ក្នុងការកាត់បន្ថយការបំភាយឧស្ម័នផ្ទះកញ្ចក់៕
តាម voworld.vn