វិទ្យាស្ថានការពារជាតិបើកវគ្គបណ្តុះបណ្តាលមន្ត្រី​ការពារជាតិ និងថ្នាក់បណ្ឌិត​អន្តរជាតិ

ក្នុងវគ្គបណ្តុះបណ្តាល​ទាំងនេះ សិក្ខាកាមនៃវគ្គបណ្តុះបណ្តាលមន្ត្រី​ការពារជាតិអន្តរជាតិជំនាន់ទី ៦ នឹងសិក្សាអំពីប្រវត្តិសាស្រ្តនៃការកសាង និងការពារប្រទេសរបស់ប្រជាជាតិវៀតណាម; ប្រព័ន្ធនយោបាយ គោលនយោបាយការពារជាតិ  វប្បធម៌យោធា បញ្ហាជនជាតិ សាសនា លទ្ធិប្រជាធិបតេយ្យ សិទ្ធិមនុស្សនៅវៀតណាម សន្តិសុខមិនប្រពៃណី ទស្សនៈរបស់វៀតណាមក្នុងការដោះស្រាយបញ្ហាទាក់ទងនឹងដែនសមុទ្រជាមួយប្រទេសផ្សេងៗ និងស្ថានការណ៍សន្តិសុខក្នុងតំបន់... ទន្ទឹមនឹងនោះ សិក្ខាកាមអាចស្រាវជ្រាវ ទស្សននាកេរិ៍្តដំណែលប្រវត្តិសាស្ត្រ និងវប្បធម៌របស់វៀតណាម និងកងទ័ពប្រជាជនវៀតណាម។

សិក្ខាកាមថតរូបអនុស្សាវរីយ៍

សម្រាប់ថ្នាក់​បណ្ឌិត​នៃកងទ័ពប្រជាជនឡាវ ជំនាន់ទី១៧ និងថ្នាក់​បណ្ឌិត​នៃកងយោធពលខេមរភូមិន្ទ ជំនាន់​ទី១ សិក្ខាកាមនឹងស្រាវជ្រាវអំពី​យុទ្ធសាស្ត្រ យុទ្ធនាការ ការងារបក្ស ការងារនយោបាយ និងទ្រឹស្តីម៉ាក្សនិយម-លេនីន; អំពីបញ្ជាការ សេនាធិការ ស៊ើប​ការណ៍ ភ័ស្តុភា បច្ចេកទេស និង​យោធា​តំបន់។ ទាំងនេះគឺជាខ្លឹមសារសំខាន់ និងជាក់ស្តែង ជួយលើកកម្ពស់ការយល់ដឹង និង​សមត្ថភាពសន្និដ្ឋាន វាយតម្លៃស្ថានភាព និងដោះស្រាយឲ្យបានត្រឹមត្រូវនូវកិច្ចការការពារជាតិសន្តិសុខរបស់ប្រទេសជាតិ និងបញ្ជាការថ្នាក់យុទ្ធនាការ យុទ្ធសាស្ត្រនៃកងទ័ពប្រជាជនឡាវ និងកងយោធពលខេមរភូមិន្ទ។

ការរៀបចំវគ្គបណ្ដុះបណ្ដាលទាំងបីនេះគឺអនុវត្តតាមកិច្ចព្រមព្រៀងសហប្រតិបត្តិការអន្តរជាតិលើវិស័យបណ្ដុះបណ្ដាលរវាងប្រទេសវៀតណាម និងប្រទេសដទៃទៀតក្នុងវិស័យយោធា និងការពារជាតិ ដើម្បីលើកកម្ពស់ការយល់ដឹង ការជឿទុកចិត្តគ្នាទៅវិញទៅមក និងអភិវឌ្ឍទំនាក់ទំនងមិត្តភាព និងសាមគ្គីភាពជាមួយប្រទេសផ្សេងៗ រួមចំណែកកសាងទំនុកចិត្ត និងរក្សាសន្តិភាព និងសន្តិសុខក្នុងតំបន់ និងពិភពលោក៕

បកប្រែដោយ Thuy Anh