នៅក្នុងជំនួបពិភាក្សានេះ ស្ត្រីយោធានៃប្រទេសទាំងពីរវៀតណាម និងឡាវបានផ្លាស់ប្តូរបទពិសោធន៍ក្នុងការរៀបចំ និងអនុវត្តសកម្មភាពកិច្ចការនារី និងចលនានារីក្នុងជួរកងទ័ពប្រជាជនវៀតណាម។ ស្ត្រីយោធារបស់ប្រទេសទាំងពីរបានផ្លាស់ប្តូរ និងចែករំលែករបៀបធ្វើល្អ និងគំរូច្នៃប្រឌិតក្នុងការអនុវត្តការងាររបស់សមាគម និងចលនាប្រឡងប្រណាំង។ ទន្ទឹមនឹងនោះ សង្ឃឹមថានាពេលខាងមុខ ស្ត្រីនៃកងទ័ពប្រជាជនវៀតណាម និងកងទ័ពប្រជាជនឡាវនឹងបន្តមានសកម្មភាពផ្លាស់ប្តូរ និងសម្របសម្រួលជាច្រើនក្នុងការឃោសនា និងអប់រំអំពីប្រពៃណីនៃសាមគ្គីភាព មិត្តភាព និងកិច្ចសហប្រតិបត្តិការលើគ្រប់ជ្រុងជ្រោយក្នុងសកម្មភាពជាប្រចាំ។ ក៏ដូចជាក្នុងឱកាសប្រារព្ធពិធីបុណ្យធំៗ និងព្រឹត្តិការណ៍សំខាន់ៗនៃប្រទេសទាំងពីរ និងកងទ័ពប្រជាជននៃប្រទេសទាំងពីរ។ គណៈកិច្ចការនារីនៃកងទ័ពប្រជាជនវៀតណាមបានត្រៀមខ្លួនជាស្រេចក្នុងការទទួល និងរៀបចំការបណ្តុះបណ្តាលដល់កម្មាភិបាលនារីនៃកងទ័ពប្រជាជនឡាវអំពីការងារនារី និងចលនានារីក្នុងប៉ុន្មានឆ្នាំខាងមុខ។
តាមរយៈកម្មវិធីពិភាក្សាបានអះអាងថា គុណតម្លៃប្រពៃណីដ៏ល្អ និងចំណងមនោសញ្ចេតនារវាងស្ត្រីនៃកងទ័ពប្រជាជនវៀតណាម និងស្ត្រីនៃកងទ័ពប្រជាជនឡាវបានបន្តទទួលមរតក និងពូនជ្រំកាន់តែរឹងមាំ។ ទន្ទឹមនឹងនោះ កំណត់នូវការទទួលខុសត្រូវរបស់កងកម្លាំងនីមួយៗ ក្នុងការរួមចំណែកពង្រឹងទំនាក់ទំនងមិត្តភាព សាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងកងទ័ពប្រជាជននៃប្រទេសទាំងពីរ។
បកប្រែដោយ Duy Hoan
Type the code from the image