បញ្ជាការដ្ឋានកងទ័ពព្រំដែនខេត្ត Dak Nong ជូនពរកងកម្លាំងប្រដាប់អាវុធខេត្តមណ្ឌលគិរី

ក្នុងបរិយាកាសស្និទ្ធស្នាលនិងមិត្តភាព តាងនាមកម្មាភិបាល និងយុទ្ធជននៃកងទ័ពការពារព្រំដែនខេត្ដ Dak Nong លោកវរសេនីយ៍ឯក Nguyen Thanh Dinh បានថ្លែងអំណរគុណចំពោះមនោសញ្ចេតនា និងការទទួលស្វាគមន៍យ៉ាងកក់ក្ដៅសម្រាប់គណៈប្រតិភូ ព្រមទាំងអបអរសាទរចំពោះសមិទ្ធិផលយ៉ាងធំធេងដែលកម្ពុជាសម្រេចបានក្នុងរយៈពេល ៧១ ឆ្នាំកន្លងមក។ 

គណៈប្រតិភូបញ្ជាការដ្ឋានកងទ័ពការពារព្រំដែនខេត្ត Dak Nong ប្រគល់អំណោយអបអរសាទរតំបន់ប្រតិបត្តិការសឹករងមណ្ឌលគិរី

លោកវរសេនីយ៍ឯក Nguyen Thanh Dinh ក៏បានសម្តែងក្តីសប្បាយរីករាយចំពោះការអភិវឌ្ឍដ៏ល្អនៃទំនាក់ទំនងរវាងវៀតណាមនិងកម្ពុជា ជាពិសេសលើវិស័យការទូត នយោបាយ និងសេដ្ឋកិច្ច។ ទន្ទឹមនឹងនោះ ជូនពរឱ្យចំណងសាមគ្គីភាព និងមិត្តភាពរវាងប្រទេសទាំងពីរ ប្រជាជននៃប្រទេសទាំងពីរ និងកងកម្លាំងប្រដាប់អាវុធនៃប្រទេសទាំងពីរកាន់តែស្អិតរមួត បន្តសម្របសម្រួលយ៉ាងជិតស្និទ្ធក្នុងការងារគ្រប់គ្រង និងការពារយ៉ាងរឹងមាំនូវបូរណភាពទឹកដី សន្តិសុខព្រំដែនជាតិ រក្សាសន្តិសុខនយោបាយ សណ្តាប់ធ្នាប់សង្គម និងសុវត្ថិភាពនៅតាមតំបន់ព្រំដែន បន្តពូនជ្រំទំនាក់ទំនងជាប្រពៃណី “អ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងនិរន្តរភាពយូរអង្វែងរវាងប្រទេសទាំងពីរ”។

ប្រគល់អំណោយដល់កងរាជអាវុធហត្ថខេត្តមណ្ឌលគិរី និងស្នងការនគរបាលខេត្តមណ្ឌលគិរី

តំណាងមេបញ្ជាការកងកម្លាំងនគរបាល តំបន់ប្រតិបត្តិការសឹករងមណ្ឌលគិរី និងកងរាជអាវុធហត្ថខេត្តមណ្ឌលគិរី បានសម្តែងក្តីរីករាយ និងថ្លែងអំណរគុណយ៉ាងជ្រាលជ្រៅចំពោះបញ្ជាការដ្ឋានកងទ័ពការពារព្រំដែនខេត្ត Dak Nong បានយកចិត្តទុកដាក់ដល់កងកម្លាំងប្រដាប់អាវុធខេត្តមណ្ឌលគិរី និងអបអរសាទរខួបលើកទី៧១ នៃពិធីបុណ្យឯករាជ្យជាតិកម្ពុជា; ព្រមទាំងមានបំណងចង់ទំនាក់ទំនងសាមគ្គីភាព និងមិត្តភាពរវាងវៀតណាម និងកម្ពុជានិយាយរួម បញ្ជាការដ្ឋានកងទ័ពការពារព្រំដែនខេត្ត Dak Nong និងកងកម្លាំងនគរបាល តំបន់ប្រតិបត្តិការសឹករងមណ្ឌលគិរី និងកងរាជអាវុធហត្ថខេត្តមណ្ឌលគិរីនិយាយដោយឡែក នឹងកាន់តែអភិវឌ្ឍន៍ល្អ រួមចំណែកយ៉ាងសកម្មក្នុងការពង្រឹងនិងពង្រីកចំណងសាមគ្គីភាព មិត្តភាព និងកិច្ចសហប្រតិបត្តិការល្អរវាងខេត្តទាំងពីរ Dak Nong និងមណ្ឌលគិរី រួមគ្នាកសាងខ្សែព្រំដែនសន្តិភាព ស្ថិរភាព និងអភិវឌ្ឍន៍ប្រកបដោយចីរភាព៕

បកប្រែដោយ Pham Diep