លោកនាយឧត្តមសេនីយ៍ Phan Van Giang អញ្ជើញចូលជួបសម្តែងការគួរសមជាមួយលោក​នាយករដ្ឋមន្ត្រីឡាវ Sonexay Siphandone

លោកនាយករដ្ឋមន្ត្រី Sonexay Siphandone ទទួល​ស្វាគមន៍​លោកនាយឧត្តមសេនីយ៍ Phan Van Giang

លោកនាយឧត្តមសេនីយ៍ Phan Van Giang បានអះអាងថា វៀតណាមជានិច្ចកាលយកចិត្តទុកដាក់យ៉ាងខ្លាំងចំពោះការថែរក្សា និងជំរុញជានិច្ចនូវទំនាក់ទំនងពិសេស ស្មោះត្រង់ ជាមួយឡាវ ដែលបុព្វបុរសជំនាន់មុនបានពូនជ្រំ ដោយចាត់ទុកថានេះជាបញ្ហាដែលទាក់ទងផ្ទាល់ទៅនឹងការរស់រានមានជីវិតរបស់របបនយោបាយក្នុងប្រទេសនីមួយៗ។

ក្នុងឱកាសនេះ លោកនាយឧត្តមសេនីយ៍ Phan Van Giang បានជម្រាបជូនលោកនាយករដ្ឋមន្ត្រី Sonexay Siphandone អំពីលទ្ធផលនៃកិច្ចសហប្រតិបត្តិការរវាងក្រសួងការពារប្រទេសទាំងពីរនាពេលថ្មីៗនេះ ជាពិសេសលទ្ធផលជោគជ័យនៃជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវ លើកទី២ ដែលបានប្រព្រឹត្តទៅកាលពីខែតុលាកន្លងទៅ។

លោកនាយឧត្តមសេនីយ៍ Phan Van Giang និងលោកនាយករដ្ឋមន្ត្រី Sonexay Siphandone

ទន្ទឹមនឹងនោះ លោកនាយឧត្តមសេនីយ៍ Phan Van Giang សង្ឃឹមថា លោកនាយករដ្ឋមន្ត្រី Sonexay Siphandone នឹងយកចិត្តទុកដាក់ និងដឹកនាំស្ថាប័ន្ធពាក់ព័ន្ធបង្កើតលក្ខខណ្ឌអំណោយ​ផល​ និងសម្របសម្រួលយ៉ាងជិតស្និទ្ធជាមួយក្រសួងការពារជាតិនៃប្រទេសទាំងពីរ ដើម្បីអនុវត្តខ្លឹមសារកិច្ចសហប្រតិបត្តិការលើវិស័យការពារជាតិយ៉ាងទូលំទូលាយ ប្រកបដោយប្រសិទ្ធភាព ស័ក្កសមនឹងការរំពឹងទុករបស់មេដឹកនាំជាន់ខ្ពស់នៃប្រទេសទាំងពីរ។

ទិដ្ឋភាពនៃជំនួប

លោកនាយករដ្ឋមន្ត្រី Sonexay Siphandone បានអបអរសាទរចំពោះសមិទ្ធិផលធំៗ និងសំខាន់ដែលប្រជាជនវៀតណាមសម្រេចបាននាពេលថ្មីៗនេះ ថ្លែងអំណរគុណចំពោះការគាំទ្រដ៏ស្មោះស្ម័គ្រ អស់ពីចិត្ត និងទូលំទូលាយរបស់វៀតណាមជូន​ចំពោះឡាវ ក្នុងដំណើរការទទួលបន្ទុកជាប្រធានអាស៊ានឆ្នាំ ២០២៤ ហើយ​បាន​អះអាងថា ឡាវជានិច្ចកាលវាយតំលៃខ្ពស់ និងចងចាំជានិច្ចនូវការគាំទ្ររបស់វៀតណាមចំពោះឡាវក្នុងបុព្វហេតុតស៊ូរំដោះជាតិពីមុន ក៏ដូចជាការអភិវឌ្ឍន៍របស់ប្រទេសនាពេលបច្ចុប្បន្ន។

លោកនាយករដ្ឋមន្ត្រី Sonexay Siphandone បានសង្កត់ធ្ងន់ថា កិច្ចសហប្រតិបត្តិការលើវិស័យការពារជាតិតែងតែជាសសរស្តម្ភដ៏សំខាន់មួយក្នុងទំនាក់ទំនងឡាវ-វៀតណាម និងបានអះអាងថា ការជំរុញកិច្ចសហប្រតិបត្តិការលើវិស័យការពារជាតិជាមួយវៀតណាម គឺជាអាទិភាពមួយក្នុងចំណោមអាទិភាពកំពូលរបស់ឡាវ៕

បកប្រែដោយ Duy Hoan