បង្កើតផែនកាទទួលស្វាគមន៍ភ្ញៀវមកទស្សនា​យ៉ាងហ្មត់ចត់ និងលម្អិត

លោកឧត្តមសេនីយ៍ឯក Trinh Van Quyet ថ្លែងមតិក្នុងកិច្ចប្រជុំ​

ថ្លែងមតិ​ក្នុង​កិច្ចប្រជុំ​នេះ លោកឧត្តមសេនីយ៍ឯក Trinh Van Quyet បានឲ្យដឹងថា ការដែលសារមន្ទីរប្រវត្តិសាស្ត្រយោធាវៀតណាម ទទួលបានការចាប់អារម្មណ៍ពីមនុស្សយ៉ាងច្រើនកុះករមកទស្សនា ពិតជាការរីករាយណាស់ ព្រោះសំណង់នេះបានលើកកម្ពស់តម្លៃពិតប្រាកដ ជាកន្លែងសិក្សា និងអប់រំអំពីប្រវត្តិនៃការកសាង និងការពារប្រទេសជាតិ។ ដោយមានការព្យាករណ៍ថា ចំនួនភ្ញៀវមកទស្សនានឹងបន្តកើនឡើង លោកឧត្តមសេនីយ៍ឯក Trinh Van Quyet បានស្នើឱ្យការិយាល័យអគ្គស្នងការដ្ឋាននយោបាយ សម្របសម្រួលជាមួយសារមន្ទីរប្រវត្តិសាស្ត្រយោធាវៀតណាម ដើម្បីរៀបចំផែនការទទួលស្វាគមន៍ភ្ញៀវមកទស្សនាយ៉ាងហ្មត់ចត់ និងលម្អិត។

ទិដ្ឋភាពនៃកិច្ចប្រជុំ​

ទន្ទឹមនឹងនោះ លោកឧត្តមសេនីយ៍ឯក Trinh Van Quyet បានស្នើឲ្យ កងកម្លាំងនានាត្រូវធានាសន្តិសុខ និងសុវត្ថិភាពដាច់ខាតចំពោះភ្ញៀវមកទស្សនា ទ្រព្យសម្បត្តិរបស់ភ្ញៀវ និងធានាវត្ថុដាក់តាំងពិពណ៌។ ធ្វើការងារបានល្អក្នុងការរៀបចំការបង្ការ និងពន្លត់អគ្គីភ័យ សម្របសម្រួលប្រតិបត្តិការជួយសង្គ្រោះ។ បន្តបង្កើតលក្ខខណ្ឌអំណោយផល និងគាំទ្រអង្គភាពទាំងឡាយក្នុង​កងទ័ពមកទស្សនាសារមន្ទីរ។ ស្ថាប័ន្ធពាក់ព័ន្ធបន្តត្រួតពិនិត្យ និងផ្តល់ការណែនាំជាក់លាក់សម្រាប់សារមន្ទីរប្រវត្តិសាស្ត្រយោធាវៀតណាម ក្នុងការជំនះការលំបាក និងឧបសគ្គ បំពេញភារកិច្ចដែលបានប្រគល់ជូនដោយជោគជ័យ៕

បកប្រែដោយ Duy Hoan