លោកនាយឧត្តមសេនីយ៍ Phan Van Giang ជួបពិភាក្សាការងារជាមួយឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិឡាវ

លោក​នាយឧត្តមសេនីយ៍ Chansamone Chanyalath ស្វាគមន៍​លោកនាយឧត្តមសេនីយ៍ Phan Van Giang

លោកនាយឧត្តមសេនីយ៍ Phan Van Giang បានថ្លែងអំណរគុណចំពោះការយកចិត្តទុកដាក់របស់បក្ស រដ្ឋឡាវ និងលោកនាយឧត្តមសេនីយ៍ Chansamone Chanyalath ផ្ទាល់ ដែលបានដឹកនាំគណៈប្រតិភូជាន់ខ្ពស់ឡាវមកចូលរួមកិច្ចប្រជុំដើម្បីអបអរសាទរខួបលើកទី ៧៥ នៃទិវាប្រពៃណីកងទ័ពស្ម័គ្រចិត្ត និងអ្នកជំនាញវៀតណាមនៅប្រទេសឡាវនៅចុងខែតុលាកន្លងទៅនៅទីក្រុងហាណូយ។

លោកនាយឧត្តមសេនីយ៍ Phan Van Giang និងនាយឧត្តមសេនីយ៍ Chansamone Chanyalath

នៅក្នុងជំនួបនេះ លោកនាយឧត្តមសេនីយ៍ Phan Van Giang និងនាយឧត្តមសេនីយ៍ Chansamone Chanyalath បានជម្រាបជូនគ្នាទៅវិញទៅមកអំពីលក្ខណៈសំខាន់ៗនៃស្ថានភាពថ្មីៗរបស់ប្រទេសនីមួយៗ។ រដ្ឋមន្ត្រីទាំងពីរបានអះអាងថា ជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវលើកទី២នាពេលថ្មីៗនេះ បានបង្កើតនូវការ​រីករាលដាលយ៉ាងទូលំទូលាយ ដោយទទួលបានការវាយតម្លៃខ្ពស់ពីថ្នាក់ដឹកនាំជាន់ខ្ពស់ ក្រសួង ស្ថាប័ន និងមូលដ្ឋាននៃប្រទេសទាំងពីរ។

ទិដ្ឋភាពនៃជំនួប​

រដ្ឋមន្ត្រីទាំងពីរបានឯកភាពសម្របសម្រួលយ៉ាងជិតស្និទ្ធដើម្បីអនុវត្តពិធីសារស្តីពីកិច្ចសហប្រតិបត្តិការលើវិស័យការពារជាតិរយៈពេល ២០២៥-២០២៩ និងផែនការសហប្រតិបត្តិការឆ្នាំ ២០២៥ ដែលបានចុះហត្ថលេខាដោយផ្តោតលើខ្លឹមសារសំខាន់ៗមួយចំនួន។ ជាពិសេស ពង្រឹងកិច្ចសហប្រតិបត្តិការក្នុងការងារបក្ស និងការងារនយោបាយ ផ្តោតលើការឃោសនា និងអប់រំប្រកបដោយប្រសិទ្ធភាព អំពីប្រវត្តិសាស្ត្រ អត្ថន័យ និងសារៈសំខាន់នៃទំនាក់ទំនងពិសេសវៀតណាម-ឡាវ ជាពិសេសព្រឹត្តិការណ៍ដ៏សំខាន់ៗរវាងប្រទេសទាំងពីរ និងកងទ័ពទាំងពីរ។ ទន្ទឹមនឹងនោះ រក្សាប្រកបដោយប្រសិទ្ធភាពនូវយន្តការសហប្រតិបត្តិការដែលមានស្រាប់ ដូចជាការផ្លាស់ប្តូរគណៈប្រតិភូជាន់ខ្ពស់ប្រចាំឆ្នាំ ការសន្ទនាគោលនយោបាយថ្នាក់អនុរដ្ឋមន្ត្រីការពារជាតិ និងកិច្ចសហប្រតិបត្តិការរវាងស្ថាប័ន និងអង្គភាពនៃភាគីទាំងពីរ។ ទន្ទឹមនឹងនោះ ពង្រឹងកិច្ចសហប្រតិបត្តិការប្រកបដោយប្រសិទ្ធភាពក្នុងការងារយោធា ការពារជាតិ ជាពិសេសក្នុងការឆ្លើយតបទៅនឹងបញ្ហាប្រឈមសន្តិសុខមិនប្រពៃណី សហការក្នុងការគ្រប់គ្រង ការពារព្រំដែន បង្គោលព្រំដែន។ កិច្ចសហប្រតិបត្តិការក្នុងការបណ្តុះបណ្តាលធនធានមនុស្ស ការស្វែងរក និងធ្វើមាតុភូមិនិវត្តន៍ អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបានពលីជីវិតនៅឡាវ ក្នុងសម័យសង្គ្រាម។

ក្នុងឱកាសនេះ លោកនាយឧត្តមសេនីយ៍ Phan Van Giang បានអញ្ជើញលោកនាយឧត្តមសេនីយ៍ Chansamone Chanyalath និងថ្នាក់ដឹកនាំក្រសួងការពារជាតិ និងកងទ័ពប្រជាជនឡាវ ចូលរួមពិធីរំលឹកខួបលើកទី ៨០ នៃការបង្កើតកងទ័ពប្រជាជនវៀតណាម និងខួបលើកទី ៣៥ នៃទិវាការពារជាតិដោយប្រជាជនទាំងមូល និងពិព័រណ៍ការពារជាតិអន្តរជាតិវៀតណាមឆ្នាំ២០២៤; ស្វាគមន៍សហគ្រាសការពារជាតិឡាវ មកតាំងពិព័រណ៌នៅពិព័រណ៍នេះ។

បកប្រែដោយ Duy Hoan