លោកនាយករដ្ឋមន្ត្រី Pham Minh Chinh ជួបពិភាក្សាការងារជាមួយលោកនាយករដ្ឋមន្ត្រីឆែកអំពីការដំឡើងទំនាក់ទំនងទ្វេភាគីទៅជាភាពជាដៃគូយុទ្ធសាស្ត្រ

លោកនាយរដ្ឋមន្ត្រី Pham Minh Chinh ជួបពិភាក្សាការងារជាមួយលោកនាយករដ្ឋមន្ត្រី Petr Fiala

ថ្នាក់ដឹកនាំទាំងពីរបានសម្តែងនូវសេចក្តីរីករាយចំពោះការអភិវឌ្ឍន៍ជាវិជ្ជមានក្នុងទំនាក់ទំនងរវាងប្រទេសទាំងពីរ ជាពិសេសវិស័យនយោបាយ-ការទូត សន្តិសុខ-ការពារជាតិ ពាណិជ្ជកម្ម-វិនិយោគ និងការអប់រំ។ ភាគីទាំងពីរបានឯកភាពបង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសថ្នាក់ជាន់ខ្ពស់តាមរយៈបណ្តាញបក្ស រដ្ឋ រដ្ឋាភិបាល និងរដ្ឋសភា។

ថ្នាក់ដឹកនាំទាំងពីរបានឯកភាពប្រកាសអំពីការដំឡើងទំនាក់ទំនងវៀតណាម - ឆែកទៅជាភាពជាដៃគូយុទ្ធសាស្ត្រ និងឆាប់កសាងកម្មវិធីសកម្មភាពអនុវត្តក្របខ័ណ្ឌភាពជាដៃគូយុទ្ធសាស្ត្រវៀតណាម - ឆែកយ៉ាងស៊ីជម្រៅ និងជាក់ស្តែង ស្របតាមក្របខ័ណ្ឌសហប្រតិបត្តិការរវាងប្រទេសទាំងពីរក្នុងបរិបទថ្មី។  ជាមួយនឹងការសម្រេចចិត្តនេះ សាធារណរដ្ឋឆែកក្លាយជាប្រទេសអឺរ៉ុបកណ្តាលដំបូងគេក្នុងសហភាពអឺរ៉ុប (EU) ដែលមានទំនាក់ទំនងភាពជាដៃគូយុទ្ធសាស្ត្រជាមួយវៀតណាម។

លោកនាយរដ្ឋមន្ត្រី Pham Minh Chinh ជួបពិភាក្សាការងារជាមួយលោកនាយករដ្ឋមន្ត្រី Petr Fiala

ថ្នាក់ដឹកនាំទាំងពីរបានឲ្យដឹងថា នៅក្នុងពិភពលោកកំពុងមានការផ្លាស់ប្តូរ និងជួបប្រទះបញ្ហាប្រឈមជាច្រើន ភាគីទាំងពីរគួរតែចែករំលែកការយល់ដឹងអំពីវីធីសាស្រ្តអនុវត្តដែលមានលក្ខណៈប្រជាជនទាំងមូល សកលលោក និងទូលំទូលាយ ហើយយល់ស្របថា ប្រទេសទាំងពីរត្រូវតែពង្រឹងសាមគ្គីភាព។ ភាគីទាំងពីរបានអះអាងថានឹងបន្តសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅវេទិកាពហុភាគី និងអង្គការអន្តរជាតិ រួមចំណែកធានាសន្តិភាព សន្តិសុខ កិច្ចសហប្រតិបត្តិការ និងការអភិវឌ្ឍន៍ក្នុងតំបន់ និងពិភពលោក។

ថ្នាក់ដឹកនាំទាំងពីរបានវាយតម្លៃខ្ពស់ចំពោះសារៈសំខាន់នៃកិច្ចសហប្រតិបត្តិការលើវិស័យការពារជាតិ និងសន្តិសុខ ហើយបានឯកភាពជំរុញកិច្ចសហប្រតិបត្តិការលើសកម្មភាពរក្សាសន្តិភាពក្នុងក្របខ័ណ្ឌនៃអង្គការសហប្រជាជាតិ ពាណិជ្ជកម្មយោធា ឧស្សាហកម្មការពារជាតិ និងការបណ្តុះបណ្តាលអ្នកបើកយន្តហោះ ពង្រឹងការផ្លាស់ប្តូរគណៈប្រតិភូ ដើម្បីចែករំលែកបទពិសោធន៍ និងសម្របសម្រួលក្នុងការទប់ស្កាត់បទល្មើស ជាពិសេសឧក្រិដ្ឋកម្មមានអង្គការចាត់តាំង ឧក្រិដ្ឋកម្មឆ្លងដែន បច្ចេកវិទ្យាខ្ពស់ ការធ្វើចំណាកស្រុកខុសច្បាប់ គ្រឿងញៀន...

បកប្រែដោយ Duy Hoan