វៀតណាមបញ្ជាក់ពីការប្តេជ្ញាក្នុងការជំរុញសមភាពយេនឌ័រ និងបង្កើនសិទ្ធិអំណាចសម្រាប់ស្ត្រី

នេះជាសកម្មភាពស្ថិតក្នុងព្រឹត្តិការណ៍នៅខាងក្រៅសម័យប្រជុំលើកទី៧០ នៃគណៈកម្មការស្តីពីឋានៈស្ត្រី (CSW) របស់អង្គការសហប្រជាជាតិ។

ទិដ្ឋភាពនៃសិក្ខាសាលា  (រូបថត៖ vnanet.vn)

នៅក្នុងវេទិកានេះ លោក Do Hung Viet ឯកអគ្គរដ្ឋទូត ប្រធានស្ថានបេសកកម្មអចិន្ត្រៃយ៍វៀតណាមប្រចាំអង្គការសហប្រជាជាតិបានសង្កត់ធ្ងន់ថា ការធានាការទទួលបានយុត្តិធម៌សម្រាប់ស្ត្រី និងកុមារី គឺជាកត្តាសំខាន់ក្នុងការលើកកម្ពស់សមភាពយេនឌ័រ និងការអភិវឌ្ឍប្រកបដោយចីរភាព។ លោក Do Hung Viet ទទួលស្គាល់ថា ទោះបីជាមានវឌ្ឍនភាពច្រើនក៏ដោយ ប៉ុន្តែស្ត្រី និងយុវជននៅតែប្រឈមមុខនឹងឧបសគ្គ ក្នុងការទទួលបានប្រព័ន្ធច្បាប់ និងសេវាជួយឧបត្ថម្ភផ្នែកច្បាប់។ លោក Do Hung Viet បានបញ្ជាក់ពីការប្តេជ្ញាចិត្តយ៉ាងមុតមាំរបស់វៀតណាម ក្នុងការជំរុញសមភាពយេនឌ័រ និងបង្កើនសិទ្ធិអំណាចដល់ស្ត្រី តាមរយៈការកែលម្អជាបន្តបន្ទាប់នៃប្រព័ន្ធច្បាប់ និងគោលនយោបាយស្តីពីសមភាពយេនឌ័រ ការលើកកម្ពស់ការចូលរួម និងភាពជាអ្នកដឹកនាំរបស់ស្ត្រីក្នុងវិស័យផ្សេងៗ និងបង្កើនការអប់រំ និងបង្រួមគម្លាតយេនឌ័រឌីជីថល តាមនោះ បង្កើតលក្ខខណ្ឌសម្រាប់ស្ត្រី និងកុមារីក្នុងការទទួលបានព័ត៌មាន សេវាកម្ម និងយន្តការការពារផ្នែកច្បាប់ កាន់តែល្អប្រសើរជាង៕

បកប្រែដោយ Huyen Trang