វៀតណាម-ឥណ្ឌាធ្វើសមយុទ្ធទ្វេភាគីស្តីពីការរក្សាសន្តិភាពរបស់អង្គការសហប្រជាជាតិឆ្នាំ២០២៤

លំហាត់សមយុទ្ធ VINBAX 2024 ប្រព្រឹត្តទៅចាប់ពីថ្ងៃទី ៣ ដល់ថ្ងៃទី ២៤ ខែវិច្ឆិកា ក្រោមប្រធានបទ៖ "ដាក់ពង្រាយសកម្មភាព អនុវត្តភារកិច្ចរបស់ក្រុមវិស្វកម្ម រួមជាមួយនឹងអង្គភាពពេទ្យយោធា នៅក្នុងក្រុមអង្គភាពដែលចូលរួមក្នុងសកម្មភាពរក្សាសន្តិភាពរបស់អង្គការសហប្រជាជាតិ" ដោយមានការចូលរួមដោយផ្ទាល់ពីសមាជិកចំនួន ៤៧ រូប រួមមាន គណៈប្រតិភូវៀតណាម និងឥណ្ឌា។

កងកម្លាំងវៀតណាម និងឥណ្ឌាចូលរួមសមយុទ្ធ VINBAX 2024 នៅប្រទេសឥណ្ឌា

លំហាត់នេះមាន ៣ ដំណាក់កាល លំហាត់ VINBAX 2024 បានឆ្លងកាត់ដំណាក់កាលនៃការបណ្តុះបណ្តាលទ្រឹស្តីទូទៅ និងសមយុទ្ធអំពីរបៀបដោះស្រាយស្ថានភាពនៅលើផែនទីអំពីស្ថានភាពដែលទាក់ទងនឹងការដាក់ពង្រាយសកម្មភាព និងអនុវត្តភារកិច្ចរបស់ក្រុមវិស្វកម្ម និងអង្គភាពពេទ្យយោធា ក្នុងក្រុមអង្គភាពនៅបេសកកម្មរក្សាសន្តិភាពរបស់អង្គការសហប្រជាជាតិមួយ។

ហ្វឹក​ហ្វឺន​ការ​ពារ​អង្គភាព

ហ្វឹក​ហ្វឺនបោះសម្អាត​គ្រាប់​បែក មិន

ក្នុងក្របខណ្ឌនៃលំហាត់ VINBAX 2024 បន្ថែមពីលើសកម្មភាពហ្វឹកហ្វឺន ក៏មានសកម្មភាពផ្លាស់ប្តូរវប្បធម៌ ការសម្តែងសិល្បៈ រាត្រីបោះជំរុំ ហាត់ប្រាណរួមគ្នា ការប្រកួតកីឡា ដំណើរកម្សាន្តពិកនិក និងដំណើរទេសចរណ៍ ដែលរួមចំណែកពង្រឹងការយល់ដឹង ទំនាក់ទំនងជិតស្និទ្ធ និងមិត្តភាព។ នៅដំណាក់កាលចុងក្រោយនៃសមយុទ្ធនឹងមាន​កម្មវិធីទៅទស្សនការតាំងបង្ហាញឧបករណ៍យោធាឥណ្ឌា។

សមយុទ្ធ VINBAX 2024 គឺជាសមយុទ្ធទ្វេភាគីលើកទី ៥ ហើយ ក៏ជាលំហាត់ទី ៣ ស្តីពីការរក្សាសន្តិភាពរបស់អង្គការសហប្រជាជាតិ ដែលបានធ្វើឡើងឆ្លាស់គ្នានៅក្នុងប្រទេសនីមួយៗចាប់តាំងពីឆ្នាំ ២០០៨ រហូតមកដល់បច្ចុប្បន្ន។ ដោយផ្អែកលើភាពជោគជ័យនៃលំហាត់ VINBAX ២០១៨ នៅប្រទេសឥណ្ឌា និង VINBAX ២០១៩ នៅប្រទេសវៀតណាមក្នុងទម្រង់ជាលំហាត់នៅលើតុខ្សាច់ ចាប់ពីឆ្នាំ ២០២២ លំហាត់ VINBAX នឹងត្រូវបានពង្រីក និងក្លាយទៅជាលំហាត់នៅភូមិសាស្ត្រជាក់ស្តែង៕

បកប្រែដោយ Duy Hoan