កាសែតកងទ័ពប្រជាជន អបអរសាទរទិវាគ្រូបង្រៀនវៀតណាម

គណៈប្រតិភូបានទៅសួរសុខទុក្ខ និងអបអរសាទរក្រសួងអប់រំ និងបណ្តុះបណ្តាល សាកលវិទ្យាល័យពហុបច្ចេកទេសហាណូយ និងសាកលវិទ្យាល័យបើកទូលាយហាណូយ។

គណៈប្រតិភូកាសែតកងទ័ពប្រជាជន ជូនផ្កាអបអរសាទរតំណាងក្រសួងអប់រំ និងបណ្តុះបណ្តាល

តាងនាមកម្មាភិបាល អ្នកសារព័ត៌មាន និងអ្នកនិពន្ធកាសែតកងទ័ពប្រជាជន លោកវរសេនីយ៍ឯក Ngo Anh Thu បានផ្ញើសារជូនពរដល់លោកគ្រូ អ្នកគ្រូ អ្នកគ្រប់គ្រង និងបុគ្គលិកក្នុងវិស័យអប់រំ មានសុខភាពល្អ បន្តទទួលបានជោគជ័យជាច្រើន។

នៅអង្គភាពទាំងឡាយ លោកវរសេនីយ៍ឯក Ngo Anh Thu បានសង្កត់ធ្ងន់ថា ក្នុងរយៈពេលប៉ុន្មានឆ្នាំកន្លងមក កាសែតកងទ័ពប្រជាជនតែងតែរក្សា និងពង្រីកទំនាក់ទំនងល្អជាមួយក្រសួងអប់រំ និងបណ្តុះបណ្តាលនិយាយដោយឡែក និងវិស័យអប់រំនិយាយរួម។ នៅក្នុងផលិតផលបោះពុម្ពផ្សាយរបស់កាសែត រូបភាពនៃវិស័យអប់រំត្រូវបានផ្សព្វផ្សាយជាប្រចាំ អនុវត្តតាមមាគ៌ា គោលនយោបាយ និងទស្សនៈរបស់បក្ស និងរដ្ឋ ដោយបានរំលេចរូបភាព កិត្យានុភាព និងតួនាទីរបស់វិស័យអប់រំក្នុងការកសាងមនុស្សវៀតណាមឱ្យមានភាពរឹងមាំខាងផ្លូវកាយ និងផ្លូវចិត្ត រួមចំណែកកសាង និងការពារមាតុភូមិ។

គណៈប្រតិភូកាសែតកងទ័ពប្រជាជន ជូនផ្កាអបអរសាទរតំណាងសាកលវិទ្យាល័យពហុបច្ចេកទេសហាណូយ

នៅក្នុងជំនួប តំណាងអង្គភាព និងសាលារៀនបានថ្លែងអំណរគុណចំពោះសេចក្តីជូនពររបស់កាសែតកងទ័ពប្រជាជន ដែលបង្ហាញពីមនោសញ្ចេតនា និងប្រពៃណី “គោរពគ្រូបង្រៀន និងគោរពសីលធម៌” របស់ប្រជាជាតិ។

បណ្តាអង្គភាព និងសាលារៀនបានបង្ហាញពីបំណងចង់បន្តសម្របសម្រួល និងភ្ជាប់យ៉ាងជិតស្និទ្ធជាមួយកាសែតកងទ័ពប្រជាជន ជាពិសេសក្នុងការងារឃោសនាលើវិស័យអប់រំ សេចក្តីព្រាងច្បាប់គ្រូបង្រៀននាពេលខាងមុខ ហើយបង្ហាញពីបំណងចង់ជួយ និងគាំទ្រក្នុងការកសាង និងអភិវឌ្ឍកាសែតកងទ័ពប្រជាជន ក្នុងទិសដៅពហុប្រព័ន្ធ និងទំនើប ជាពិសេសក្នុងការធានាសន្តិសុខព័ត៌មាន និងការធ្វើបរិវត្តកម្មឌីជីថល។ល៕

បកប្រែដោយ Huyen Trang