កងកម្លាំងស្វ័យការពារជប៉ុនអញ្ជើញមកបំពេញទស្សនកិច្ចនៅបញ្ជាការដ្ឋានយោធភូមិភាគទី​ ៥ កងទ័ពប្រជាជនវៀតណាម

លោកឧត្តមសេនីយ៍ត្រី Hua Van Tuong មេបញ្ជាការរងបញ្ជាការដ្ឋានយោធភូមិភាគទី៥ កងទ័ពប្រជាជនវៀតណាមបានទទួលជួបគណៈប្រតិភូ។

លោកឧត្តមសេនីយ៍ត្រី Hua Van Tuong មេបញ្ជាការរងបញ្ជាការដ្ឋានយោធភូមិភាគទី៥ ទទួលជួបគណៈប្រតិភូកងកម្លាំងស្វ័យការពារជប៉ុន

នៅក្នុងជំនួបនេះ លោកឧត្តមសេនីយ៍ត្រី  Hua Van Tuong បានសំដែងនូវការសប្បាយរីករាយចំពោះកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរមានការអភិវឌ្ឍន៍ឥតឈប់ឈរ។ វៀតណាមវាយតម្លៃខ្ពស់ចំពោះការជួយគាំទ្រយ៉ាងសកម្មរបស់ជប៉ុនក្នុងដំណើរការកសាងនិងអភិវឌ្ឍន៍ប្រទេស ក៏ដូចជាចែករំលែកផលប្រយោជន៍ជាច្រើនក្នុងទំនាក់ទំនងទ្វេភាគីរវាងប្រទេសទាំងពីរលើវិស័យជាច្រើន រួមចំណែកក្នុងការកសាងនិងពង្រឹងទំនាក់ទំនងរវាងប្រទេសទាំងពីរ រួមគ្នារក្សាសន្តិភាព ស្ថិរភាពនិងការអភិវឌ្ឍ។

លោកឧត្តមសេនីយ៍ត្រី  Hua Van Tuong សង្ឃឹមថា នាពេលខាងមុខ ការផ្លាស់ប្តូរគណៈប្រតិភូគ្រប់លំដាប់ថ្នាក់រវាងកងទ័ពប្រជាជនវៀតណាម និងកងកម្លាំងស្វ័យការពារជប៉ុននឹងបន្តរក្សា ប្រកបដោយប្រសិទ្ធភាព រួមចំណែកលើកកម្ពស់ទំនាក់ទំនងមិត្តភាពរវាងប្រទេសទាំងពីរដើម្បីសន្តិភាព កិច្ចសហប្រតិបត្តិការ និងអភិវឌ្ឍន៍ទំនាក់ទំនងដ៏ល្អរវាងប្រទេសទាំងពីរ។ ដំណើរទស្សនកិច្ចរបស់គណៈប្រតិភូមកកាន់យោធភូមិភាគទី៥ នឹងរួមចំណែកពង្រឹងទំនាក់ទំនង និងការយោគយល់គ្នារវាងកងទ័ពប្រជាជនវៀតណាម និងកងកម្លាំងស្វ័យការពារជប៉ុន ...

គណៈប្រតិភូកងកម្លាំងស្វ័យការពារជប៉ុនថតរូបទុកជាអនុស្សាវរីយ៍ជាមួយថ្នាក់ដឹកនាំបញ្ជាការដ្ឋានយោធភូមិភាគទី៥

លោកឧត្តមសេនីយ៍ត្រី Aoki Kei បានសម្តែងនូវការសប្បាយរីករាយចំពោះទំនាក់ទំនងសហប្រតិបត្តិការរវាងវៀតណាមនិងជប៉ុនកាន់តែរីកចម្រើនខ្លាំងក្លា។ ព្រមទាំងលោកមានបំណងចង់ឲ្យកិច្ចសហប្រតិបត្តិការលើវិស័យការពារជាតិរវាងប្រទេសទាំងពីរនឹងត្រូវបានពង្រឹងនិងពង្រីកឥតឈប់ឈរ និងសម្រេចបានសមិទ្ធផល យ៉ាងធំធេងដោយផ្អែកលើសេចក្ដីថ្លែងការណ៍ចក្ខុវិស័យស្តីពីកិច្ចសហប្រតិបត្តិការលើវិស័យការពារជាតិវៀតណាម-ជប៉ុន និងអនុវត្តកិច្ចសហប្រតិបត្តិការប្រកបដោយប្រសិទ្ធភាពលើគ្រប់វិស័យ៕

បកប្រែដោយ Thanh Cong