ពង្រឹងកិច្ចសហប្រតិបត្តិការ និងការអនុវត្តបច្ចេកវិទ្យាថ្មីក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ

ក្រោមប្រធានបទ “បច្ចេកវិទ្យា និងនវានុវត្តន៍៖ ពង្រឹងកិច្ចសហប្រតិបត្តិការយោធាក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ” កិច្ចប្រជុំមានការចូលរួមពីអ្នកជំនាញមកពីប្រទេសអាស៊ានទាំង១០ និងប្រទេសជាសមាជិក (សហរដ្ឋអាមេរិក ជប៉ុន កូរ៉េខាងត្បូង ឥណ្ឌា នូវែលសេឡង់ អូស្ត្រាលី រុស្ស៊ី) រួមជាមួយតំណាងលេខាធិការដ្ឋានអាស៊ាន និងអ្នកជំនាញមកពីទីស្នាក់ការអង្គការសហប្រជាជាតិ។

តំណាងមកពីប្រទេសវៀតណាម និងបណ្តាប្រទេស និងអង្គការអន្តរជាតិនានា ដោយផ្អែកលើបទពិសោធន៍ និងសមត្ថភាពរបស់ខ្លួនក្នុងការចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ បានចូលរួមក្នុងការពិភាក្សាលើប្រធានបទដូចខាងក្រោម៖ ការប្រើប្រាស់យន្តហោះគ្មានមនុស្សបើក និងរបៀបការពារក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ការអនុវត្តបញ្ញាសិប្បនិម្មិតក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ការអនុវត្តបច្ចេកវិទ្យា និងបច្ចេកទេសថ្មីសម្រាប់ការការពារសន្តិសុខ និងសុវត្ថិភាពក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ។

តំណាងប្រទេសដែលចូលរួមកិច្ចប្រជុំ ថតរូបទុកជាអនុស្សាវរីយ៍

ប្រតិភូទាំងឡាយបានឯកភាពលើការផ្តោតលើការផ្លាស់ថ្មីបច្ចេកវិទ្យា និងជំរុញកិច្ចសហប្រតិបត្តិការ និងការអនុវត្តបច្ចេកវិទ្យាថ្មីៗក្នុងវិស័យយោធា ដើម្បីឆ្លើយតបកាន់តែមានប្រសិទ្ធភាពចំពោះបញ្ហាប្រឈមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ ក៏ដូចជាធ្វើឱ្យប្រសើរឡើងនូវអន្តរប្រតិបត្តិការ និងធានាសុវត្ថិភាពសម្រាប់កងកម្លាំងរក្សាសន្តិភាពរបស់អង្គការសហប្រជាជាតិ។

ក្នុងបរិបទប្រតិបត្តិការរក្សាសន្តិភាពរបស់អង្គការសហប្រជាជាតិប្រឈមមុខនឹងបញ្ហាប្រឈមកាន់តែច្រើន ប្រតិបត្តិការនេះត្រូវការនវានុវត្តន៍ដើម្បីបន្ស៊ាំខ្លួនទៅនឹងបច្ចេកវិទ្យាឌីជីថល ពង្រឹងកិច្ចសហប្រតិបត្តិការ និងរួមបញ្ចូលកងកម្លាំងដើម្បីបង្កើតប្រព័ន្ធឆ្លាតវៃ លឿន និងសុវត្ថិភាពជាងមុន។

ទន្ទឹមនឹងនោះ ប្រតិភូទាំងឡាយក៏បានសង្កត់ធ្ងន់លើសារៈសំខាន់នៃការអនុវត្តបច្ចេកវិទ្យាសមស្រប គោរពអធិបតេយ្យភាពប្រទេសម្ចាស់ផ្ទះ បង្កើនសុវត្ថិភាព និងបង្កើនប្រសិទ្ធភាពនៃស្ថានបេសកកម្ម។

កិច្ចប្រជុំបានអំពាវនាវឱ្យមានកិច្ចខិតខំប្រឹងប្រែងរួមគ្នាដើម្បីធានាថា កងកម្លាំងរក្សាសន្តិភាពមិនត្រឹមតែត្រូវបានការពារប្រសើរជាងមុនប៉ុណ្ណោះទេ ថែមទាំងត្រូវបានរៀបចំយ៉ាងល្អប្រសើរតាមរយៈការប្រើប្រាស់បច្ចេកវិទ្យាប្រកបដោយភាពឆ្លាតវៃ និងការទទួលខុសត្រូវទៀតផង៕

បកប្រែដោយ Huyen Trang