វិទ្យាស្ថានស្រាវជ្រាវការប្រយុទ្ធយុទ្ធសាស្ត្រនៃប្រទេសវេណេស៊ុយអេឡា អញ្ជើញមកបំពេញទស្សនកិច្ច និងធ្វើការនៅវិទ្យាស្ថាននយោបាយ

លោកឧត្តមសេនីយ៍ទោ សាស្ត្រាចារ្យរង បណ្ឌិត Dang Si Loc និងលោកឧត្តមសេនីយ៍ត្រី Levison Carrillo Francisco Jose

ក្នុងជំនួបនេះ លោកនាយកវិទ្យាស្ថាននយោបាយបានលើកឡើងអំពីលក្ខណៈសំខាន់ៗរបស់វិទ្យាស្ថាននយោបាយ ព្រមទាំងខ្លឹមសារ និងកម្មវិធីបណ្តុះបណ្តាលនៅវិទ្យាស្ថាន ហើយបានរំលឹកឡើងវិញនូវចំណងសាមគ្គីភាព ភាពកក់ក្តៅដែលប្រជាជនវេណេហ្ស៊ុយអេឡាជូនចំពោះវៀតណាម និងសង្កត់ធ្ងន់ថា សាមគ្គីភាព និងការគាំទ្រអន្តរជាតិតែងតែជាកត្តាសំខាន់ក្នុងបុព្វហេតុការពារមាតុភូមិកាលពីមុខ និងការអភិវឌ្ឍប្រទេសជាតិនាបច្ចុប្បន្ន។

ទស្សនាផ្ទះប្រណៃណីនៃវិទ្យានយោបាយ

រីឯខ្លួនវិញ លោកឧត្តមសេនីយ៍ត្រី Levison Carrillo Francisco Jose បានសម្តែងការកោតសរសើរយ៉ាងជ្រាលជ្រៅចំពោះប្រវត្តិនៃការតស៊ូអង់អាចក្លាហានរបស់ប្រជាជន និងកងទ័ពប្រជាជនវៀតណាម និងសមិទ្ធិផលដែលវិទ្យាស្ថាននយោបាយ សម្រេចបានក្នុងរយៈពេល ៧៥ ឆ្នាំកន្លងមក។ ទន្ទឹមនឹងនោះ លោកបានអះអាងថា វៀតណាមគឺជាគំរូដ៏ភ្លឺស្វាងនៃសិល្បៈយោធា និងស្មារតីនៃការតស៊ូប្រយុទ្ធរបស់ប្រជាជនទាំងមូល ជាមេរៀនដ៏មានតម្លៃដែលវេណេហ្ស៊ុយអេឡាតែងតែយកចិត្តទុកដាក់ និងសិក្សារៀនសូត្រតាម។

ប្រតិភូទាំងឡាយ​ថតរូប​ជុំគ្នា

លោកឧត្តមសេនីយ៍ត្រី Levison Carrillo Francisco Jose ក៏បានចែករំលែកអំពីតួនាទី ភារកិច្ច និងការងារស្រាវជ្រាវ និងការបណ្តុះបណ្តាលរបស់វិទ្យាស្ថានស្រាវជ្រាវការប្រយុទ្ធជាយុទ្ធសាស្ត្រនៃប្រទេសវេណេស៊ុយអេឡាក្នុងស្ថានភាពបច្ចុប្បន្ន។

ដំណើរទស្សនកិច្ចការងារនេះគឺជាឱកាសមួយសម្រាប់ភាគីទាំងពីបង្កើនការយល់ដឹងគ្នាទៅវិញទៅមក ផ្លាស់ប្តូរបទពិសោធន៍វិជ្ជាជីវៈ ហើយដោយហេតុនេះលើកឡើងទិសដៅសហប្រតិបត្តិការជាក់លាក់នាពេលខាងមុខ។ ភាគីទាំងពីរបានឯកភាពបន្តជំរុញការផ្លាស់ប្តូរគណៈប្រតិភូ រៀបចំសិក្ខាសាលាវិទ្យាសាស្ត្ររួម និងសម្របសម្រួលក្នុងកម្មវិធីបណ្តុះបណ្តាល និងបំប៉ននាយទាហាន រួមចំណែកលើកកំពស់សមត្ថភាពនាយទាហាននៃកងទ័ពទាំងពីរ៕

បកប្រែដោយ Duy Hoan