កិច្ចសហប្រតិបត្តិការលើវិស័យការពារជាតិវៀតណាម-ឡាវ អភិវឌ្ឍប្រកបដោយជាក់ស្តែង និងប្រសិទ្ធភាព

លោកឧត្តមសេនីយ៍ឯក Hoang Xuan Chien បានវាយតម្លៃថា កិច្ចសហប្រតិបត្តិការលើវិស័យការពារជាតិ វៀតណាម-ឡាវ បានបន្តអភិវឌ្ឍប្រកបដោយជាក់ស្តែង និងប្រសិទ្ធភាពក្នុងរយៈពេលកន្លងមក ដែលបានក្លាយជាសសរស្តម្ភសំខាន់មួយនៃទំនាក់ទំនងទ្វេភាគី។ ជាពិសេស នាយកដ្ឋានហិរញ្ញវត្ថុ ក្រសួងការពារប្រទេសវៀតណាម និងនាយកដ្ឋានហិរញ្ញវត្ថុ អគ្គនាយកដ្ឋានភស្តុភារនៃកងទ័ពប្រជាជនឡាវ បានជួបជុំជាប្រចាំ ផ្លាស់ប្តូរបទពិសោធន៍ការងារ ផ្តល់យោបល់ និងលើកសំណើរដល់ថ្នាក់ដឹកនាំក្រសួងការពារជាតិនៃប្រទេសទាំងពីរអំពីការងារហិរញ្ញវត្ថុ រួមចំណែកអនុវត្តប្រកបដោយប្រសិទ្ធភាពនូវកិច្ចសហប្រតិបត្តិការលើវិស័យការពារជាតិវៀតណាម-ឡាវ។

លោកឧត្តមសេនីយ៍ឯក Hoang Xuan Chien ទទួលជួបលោកឧត្តមសេនីយ៍ត្រី Bounphong Bouttavong

រីឯលោកឧត្តមសេនីយ៍ត្រី Bounphong Bouttavong បានជម្រាបជូនលោកឧត្តមសេនីយ៍ឯក Hoang Xuan Chien អំពីលទ្ធផលនៃកិច្ចពិភាក្សាការងារជាមួយនាយកដ្ឋានហិរញ្ញវត្ថុ ក្រសួងការពារប្រទេសវៀតណាម។ លោកឧត្តមសេនីយ៍ត្រី Bounphong Bouttavong បានអះអាងថានឹងខិតខំសម្របសម្រួលអនុវត្តខ្លឹមសារនៃកិច្ចសហប្រតិបត្តិការដែលបានព្រមព្រៀងគ្នា ព្រមទាំសង្ឃឹមថា នាពេលខាងមុខ ទំនាក់ទំនងសហប្រតិបត្តិការរវាងស្ថាប័នទាំងពីរនិយាយរួម រវាងកងទ័ពប្រជាជនឡាវ និងកងទ័ពប្រជាជនវៀតណាមនិយាយដោយឡែក នឹងត្រូវបានរឹតបន្តឹងថែមទៀត។

លោកឧត្តមសេនីយ៍ឯក Hoang Xuan Chien រួមជាមួយលោកឧត្តមសេនីយ៍ត្រី Bounphong Bouttavong និងប្រតិភូក្នុងជំនួប

ផ្អែកលើលទ្ធផលនៃកិច្ចពិភាក្សាការងារ លោកឧត្តមសេនីយ៍ឯក Hoang Xuan Chien បានស្នើឲ្យស្ថាប័នទាំងពីរបន្តសម្របសម្រួលយ៉ាងជិតស្និទ្ធថែមទៀតក្នុងវិស័យវិជ្ជាជីវៈ ផ្តោតលើការចែករំលែកបទពិសោធន៍ ផ្លាស់ថ្មីដោយឥតឈប់ឈរ និងលើកកំពស់គុណភាពនៃការងារគ្រប់គ្រងហិរញ្ញវត្ថុ លើកកំពស់ប្រសិទ្ធភាពនៃការផ្តល់យោបល់ និងលើកសំណើរដល់ថ្នាក់ដឹកនាំក្រសួងការពារជាតិនៃប្រទេសទាំងពីរ លើការងារហិរញ្ញវត្ថុ។ លោកឧត្តមសេនីយ៍ឯក Hoang Xuan Chien បានអះអាងថា ក្រសួងការពារប្រទេសវៀតណាមជានិច្ចកាលយកចិត្តទុកដាក់យ៉ាងខ្លាំង គាំទ្រ និងបង្កើតលក្ខខណ្ឌអំណោយផលសម្រាប់កិច្ចសហប្រតិបត្តិការរវាងស្ថាប័នហិរញ្ញវត្ថុរបស់កងទ័ពនៃប្រទេសទាំងពីរ៕

បកប្រែដោយ Huyen Trang