លោកឧត្តមសេនីយ៍ឯក Nguyen Van Hien ជួបសវនាការជាមួយអនុរដ្ឋមន្ត្រីក្រសួងការពារជាតិអ៊ីតាលី

នៅក្នុងជំនួប ភាគីទាំងពីរបានឯកភាពគ្នារក្សា និងបង្កើនប្រសិទ្ធភាពនៃយន្តការសហប្រតិបត្តិការដែលមានស្រាប់ និងសម្របសម្រួលការរៀបចំកិច្ចសន្ទនាគោលនយោបាយការពារជាតិថ្នាក់អនុរដ្ឋមន្ត្រីលើកទី ៦ នៅប្រទេសអ៊ីតាលី និងក្រុមការងារស្តីពីកិច្ចសហប្រតិបត្តិការការពារជាតិនាពេលឆាប់ៗ ពង្រឹងកិច្ចសហប្រតិបត្តិការលើឧបករណ៍ការពារជាតិ ការបោសសម្អាតមីនក្រោយសង្គ្រាម សន្តិសុខតាមអ៊ីនធឺណិត និងវិស័យផ្សេងៗទៀតដែលភាគីទាំងពីរមានការយកចិត្តទុកដាក់ដូចគ្នា។

លោកឧត្តមសេនីយ៍ឯក Nguyen Van Hien និងលោក Matteo Perego di Cremnago អនុរដ្ឋមន្ត្រីក្រសួងការពារជាតិអ៊ីតាលី

វៀតណាមត្រៀមខ្លួនជាស្រេចសហការជាមួយអ៊ីតាលីរៀបចំវគ្គបណ្តុះបណ្តាលស្តីពីការរក្សាសន្តិភាពរបស់អង្គការសហប្រជាជាតិនៅក្នុងតំបន់ និងស្រាវជ្រាវពីការចុះហត្ថលេខាលើអនុស្សរណៈនៃកិច្ចសហប្រតិបត្តិការស្តីពីការរក្សាសន្តិភាពនាពេលខាងមុខ។ ស្តីពីការបណ្តុះបណ្តាល វៀតណាមត្រៀមខ្លួនជាស្រេចទទួលនាយទាហានអ៊ីតាលីមកយសិក្សាភាសាវៀតណាម និងចូលរួមក្នុងវគ្គបណ្តុះបណ្តាលមន្រ្តីការពារជាតិអន្តរជាតិ។

ភាគីទាំងពីរបានឯកភាពគ្នាបន្តសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅក្នុងវេទិកាពហុភាគី ជាពិសេសអង្គការសហប្រជាជាតិ និងក្របខ័ណ្ឌអាស៊ាន-សហភាពអឺរ៉ុប។

លោកឧត្តមសេនីយ៍ឯក Nguyen Van Hien បានស្នើឱ្យអ៊ីតាលីពិចារណាបង្កើតការិយាល័យអនុព័ន្ធយោធាប្រចាំនៅវៀតណាម ដើម្បីរួមចំណែកដល់ការអនុវត្តសកម្មភាពសហប្រតិបត្តិការការពារជាតិទ្វេភាគីប្រកបដោយប្រសិទ្ធភាព។

លោក Matteo Perego di Cremnago អនុរដ្ឋមន្ត្រី បានសម្តែងនូវទំនុកចិត្តថា ទំនាក់ទំនងរវាងក្រសួងការពារជាតិនៃប្រទេសទាំងពីរកំពុងអភិវឌ្ឍពីមួយថ្ងៃទៅមួយថ្ងៃ ស្របតាមក្របខ័ណ្ឌនៃទំនាក់ទំនងភាពជាដៃគូយុទ្ធសាស្ត្រវៀតណាម-អ៊ីតាលី ដើម្បីផលប្រយោជន៍របស់ប្រទេសនីមួយៗ ដើម្បីសន្តិភាព ស្ថិរភាព និងការអភិវឌ្ឍរួមរបស់តំបន់ និងពិភពលោក៕

បកប្រែដោយ Huyen Trang