លើកកំពស់ស្មារតីច្នៃប្រឌិត ហ៊ានគិត ហ៊ានធ្វើ ហ៊ានទទួលខុសត្រូវ
កប.អនឡាញ - នាថ្ងៃទី ១ កក្កដា នៅខេត្ត Hau Giang លោក Tran Thanh Man ប្រធានរដ្ឋសភាវៀតណាម និងគណៈប្រតិភូរដ្ឋសភាខេត្ត Hau Giang បានជួបសំណេះសំណាលជាមួយអ្នកបោះឆ្នោត បន្ទាប់ពីបញ្ចប់សម័យប្រជុំលើកទី ៧ នៃរដ្ឋសភានីតិកាលទី ១៥។
អ្នកបោះឆ្នោតបានវាយតម្លៃខ្ពស់ចំពោះលទ្ធផលដែលសម្រេចបានក្នុងសម័យប្រជុំលើកទី៧ រដ្ឋសភានីតិកាលទី១៥ ដោយបានបញ្ចប់ផែនការដែលបានដាក់ចេញ ជាពិសេស ការងារកម្មាភិបាល។ អ្នកបោះឆ្នោតអបអរសាទរលោក Tran Thanh Man ដែលបានជាប់ឆ្នោតជាប្រធានរដ្ឋសភា។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/02/upload_2117/011.jpg?dpi=150&quality=100&w=500) |
លោកប្រធានរដ្ឋសភា Tran Thanh Man និងអ្នកបោះឆ្នោតខេត្ត Hau Giang |
អញ្ជើញថ្លែងមតិក្នុងជំនួបនេះ លោកប្រធានរដ្ឋសភា Tran Thanh Man បានប្រកាសលទ្ធផលនៃសម័យប្រជុំរដ្ឋសភាលើកទី៧ នីតិកាលទី១៥ អាស្រ័យលើនេះ សេចក្តីព្រាងច្បាប់ និងសេចក្តីព្រាងនៃសេចក្តីសម្រេចចិត្តនានា ត្រូវបានរដ្ឋសភាពិចារណា និងអនុម័តក្នុងសម័យប្រជុំនេះ ពាក់ព័ន្ធនឹងវិស័យឧស្សាហកម្ម និងវិស័យផ្សេងៗទៀត ហើយទទួលបានការចាប់អារម្មណ៍តាមដានរបស់ប្រជាជនទូទាំងប្រទេស។
នាព្រឹកថ្ងៃដដែល ក្នុងឱកាសរំលឹកខួបអនុស្សាវរីយ៍លើកទី ៧៧ នៃទិវាយុទ្ធជនពិការ និងយុទ្ធជនពលី (២៧ កក្កដា ១៩៤៧ / ២៧ កក្កដា ២០២៤) នៅខេត្ត Hau Giang លោកប្រធានរដ្ឋសភា Tran Thanh Man បានទៅសួរសុខទុក្ខ និងជូនអំណោយដល់វីរៈអ្នកម្តាយ យុទ្ធជនពិការ យុទ្ធជនមានជំងឺ គ្រួសារទទួលរបបពីរដ្ឋ និងអ្នកមានគុណូបការៈចំពោះបដិវត្តន៍នៃខេត្ត Hau Giang។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/02/upload_2117/022.jpg?dpi=150&quality=100&w=500) |
លោកប្រធានរដ្ឋសភា Tran Thanh Man ជូនអំណោយដល់គ្រួសារទទួលរបបពីរដ្ឋ និងអ្នកមានគុណូបការៈចំពោះបដិវត្តន៍នៃខេត្ត Hau Giang |
លោកប្រធានរដ្ឋសភា Tran Thanh Man បានបញ្ជាក់ថា ការយកចិត្តទុកដាក់ចំពោះគ្រួសារយុទ្ធជនពិការ យុទ្ធជនពលី និងគ្រួសារដែលមានគុណូបការៈចំពោះបដិវត្តន៍ គឺជាសីលធម៌ ផឹកទឹកនឹកដល់ប្រភពដើម និងការតបស្នងសងគុណរបស់ប្រទេសជាតិ។
លោកប្រធានរដ្ឋសភា Tran Thanh Man បានស្នើថា៖ “ខេត្ត Hau Giang បន្តផ្តោតលើការអនុវត្តប្រកបដោយសមកាលកម្មនូវការងារជូនដល់អ្នកមានគុណូបការៈចំពោះបដិវត្តន៍ តាមរយៈការងារជាក់ស្តែង ដើម្បីឱ្យក្រុមគ្រួសាររបស់ពួកគេ អាចទទួលបាននូវគោលនយោបាយអនុគ្រោះរបស់បក្ស និងរដ្ឋ។ ជាមួយគ្នានោះ ត្រូវបំផុសចលនា “តបស្នងសងគុណ” យ៉ាងខ្លាំងក្លា ដោយប្រមូលផ្តុំសង្គមទាំងមូល ដើម្បីថែទាំគ្រួសារដែលមានគុណូបការៈចំពោះបដិវត្តន៍ ជាពិសេសគ្រួសារយុទ្ធជនពិការ យុទ្ធជនពលី និងគ្រួសារដែលមានគុណូបការៈ។ ខ្ញុំក៏ស្នើឱ្យបន្តអនុវត្តការបង្កើនប្រាក់សោធននិវត្តន៍ ការធានារ៉ាប់រងសង្គម ការឧបត្ថម្ភអនុគ្រោះដល់ប្រជាពលរដ្ឋដែលមានគុណូបការៈចំពោះបដិវត្តន៍ ការឧបត្ថម្ភសង្គម ដែលចូលជាធរមានចាប់ពីថ្ងៃទី១ ខែកក្កដា ឆ្នាំ២០២៤ នេះតទៅ តាមសេចក្តីសម្រេចចិត្តនៃកិច្ចប្រជុំលើកទី ៧ រដ្ឋសភានីតិកាលទី១៥ បើកប្រាក់សោធននិវត្តន៍និងប្រាក់ឧបត្ថម្ភទាន់ពេលវេលា ធានាឱ្យអ្នកទទួលផលសប្បាយរីករាយ”។
ក្នុងពិធីនេះដែរ លោកប្រធានរដ្ឋសភា Tran Thanh Man បានប្រគល់អំណោយចំនួន ២០ កញ្ចប់ ជូនចំពោះវីរៈអ្នកម្តាយ គ្រួសារទទួលរបបពីរដ្ឋ និងអ្នកមានគុណូបការៈចំពោះបដិវត្តន៍៕
បកប្រែដោយ Huyen Trang