លោកប្រធានរដ្ឋ To Lam អញ្ជើញជួបធ្វើការជាមួយថ្នាក់ដឹកនាំខេត្ត Tra Vinh
កប.អនឡាញ - ក្នុងដំណើរបំពេញទស្សនកិច្ចការងារនៅខេត្ត Tra Vinh នារសៀលថ្ងៃទី៥ ខែកក្កដា លោក To Lam ប្រធានរដ្ឋវៀតណាម បានអញ្ជើញជួបធ្វើការជាមួយថ្នាក់ដឹកនាំខេត្ត ស្តីពីការធានាការពារជាតិ សន្តិសុខ កំណែទម្រង់ប្រព័ន្ធយុត្តិធម៌ និងកិច្ចការបរទេសដែលផ្សារភ្ជាប់ជាមួយការអភិវឌ្ឍសេដ្ឋកិច្ចសង្គម។
នៅក្នុងជំនួបធ្វើការនេះ លោកប្រធានរដ្ឋ To Lam បានលើកឡើងទិសដៅអភិវឌ្ឍថ្មីមួយចំនួនសម្រាប់ខេត្ត Tra Vinh ដែលត្រូវទាញយកអត្ថប្រយោជន៍ពីសក្តានុពលនៃថាមពលកកើតឡើងវិញ តភ្ជាប់ចរាចរណ៍ផ្លូវទឹក និងជំរុញការធ្វើបរិវត្តកម្មឌីជីថល។
|
|
លោកប្រធានរដ្ឋ To Lam ថ្លែងមតិក្នុងជំនួបធ្វើការ (រូបថត៖ vnanet.vn) |
លោកប្រធានរដ្ឋ To Lam បានស្នើឱ្យខេត្ត Tra Vinh ផ្តោតលើការកសាងគម្រោងហេដ្ឋារចនាសម្ព័ន្ធសំខាន់ៗដែលភ្ជាប់ជាមួយការប្រយុទ្ធប្រឆាំងនឹងការប្រែប្រួលអាកាសធាតុ; ផ្តោតលើការកាត់បន្ថយភាពក្រីក្រនៅក្នុងតំបន់ជនរួមជាតិខ្មែរ; អភិវឌ្ឍផលិតផលសំខាន់ៗប្រចាំតំបន់។ លោកប្រធានរដ្ឋ To Lam ក៏បានលើកទឹកចិត្តប្រព័ន្ធនយោបាយមូលដ្ឋានគ្រប់លំដាប់ថ្នាក់ អាជ្ញាធរ និងប្រជាជន ម្ចាស់ការប្រកាន់ខ្ជាប់នូវស្ថានភាពមូលដ្ឋាន តំបន់ និងក្តាប់ជាប់មតិសង្គម មិនអនុញ្ញាតឱ្យមានកម្លាំងអរិភាពញុះញង់ ឬប្រឌិតរឿងលើបញ្ហាជនជាតិ និងសាសនានៅឡើយ។
ក្នុងឱកាសនេះ លោកប្រធានរដ្ឋ To Lam បានជូនអំណោយជាវិទ្យុចំនួន ១៤០០ គ្រឿងដល់ខេត្ត ដើម្បីជួយប្រជាជននៅតំបន់ជនជាតិភាគតិច ចាប់យកព័ត៌មានបានលឿន ជាពិសេសតាមបណ្តាញវិទ្យុផ្សាយជាភាសាជនជាតិ៕
បកប្រែដោយ Huyen Trang