លោកនាយឧត្តមសេនីយ៍ Phan Van Giang អញ្ជើញទៅសួរសុខទុក្ខ និងជូនពរឆ្នាំថ្មីអតីតថ្នាក់ដឹកនាំបក្ស និងរដ្ឋ

លោកនាយឧត្តមសេនីយ៍ Phan Van Giang និងគណៈប្រតិភូ បានទៅសួរសុខទុក្ខ និងជូនពរឆ្នាំថ្មីលោក Truong Tan Sang អតីតប្រធានរដ្ឋ លោក Nguyen Tan Dung អតីតនាយករដ្ឋមន្ត្រី លោក Le Hong Anh អតីតលេខាប្រចាំការនៃគណៈលេខាមជ្ឈិមបក្ស លោកស្រី Dang Thi Ngoc Thinh អតីតអនុប្រធានរដ្ឋ លោក Nguyen Thien Nhan  អតីតលេខានៃគណៈកម្មាធិការបក្សទីក្រុងហូជីមិញ។ ក្នុងបរិយាកាសកក់ក្តៅ លោកនាយឧត្តមសេនីយ៍ Phan Van Giang បានសួរសុខទុក្ខ ជីវភាពរស់នៅ និងការរៀបចំទទួលអំណរបុណ្យចូលឆ្នាំថ្មីអតីតថ្នាក់ដឹកនាំបក្ស និងរដ្ឋ ព្រមទាំងបានជម្រាបជូនអំពីសមិទ្ធផលលេចធ្លោមួយចំនួនរបស់កងទ័ពទាំងមូលក្នុងឆ្នាំ ២០២៥។

លោកនាយឧត្តមសេនីយ៍ Phan Van Giang សួរសុខទុក្ខ និងជូនពរឆ្នាំថ្មីលោក Truong Tan Sang អតីតប្រធានរដ្ឋ​

លោកនាយឧត្តមសេនីយ៍ Phan Van Giang សួរសុខទុក្ខ និងជូនពរឆ្នាំថ្មីលោក Nguyen Tan Dung អតីតនាយករដ្ឋមន្ត្រី

លោកនាយឧត្តមសេនីយ៍ Phan Van Giang សួរសុខទុក្ខ និងជូនពរឆ្នាំថ្មីលោក Le Hong Anh អតីតលេខាប្រចាំការនៃគណៈលេខាមជ្ឈិមបក្ស

លោកនាយឧត្តមសេនីយ៍ Phan Van Giang សួរសុខទុក្ខ និងជូនពរឆ្នាំថ្មីលោក Nguyen Thien Nhan អតីតលេខានៃគណៈកម្មាធិការបក្សទីក្រុងហូជីមិញ

លោកនាយឧត្តមសេនីយ៍ Phan Van Giang សួរសុខទុក្ខ និងជូនពរឆ្នាំថ្មីលោកស្រី Dang Thi Ngoc Thinh អតីតអនុប្រធានរដ្ឋ

អតីតថ្នាក់ដឹកនាំបក្ស និងរដ្ឋ បានសម្តែងការរីករាយចំពោះសមិទ្ធផលដែលកម្មាភិបាល យុទ្ធជននៃកងទ័ពទាំងមូលសម្រេចបានក្នុងឆ្នាំកន្លងមក ហើយបានចែករំលែកមតិយោបល់ជ្រាលជ្រៅជាច្រើនលើគោលដៅនៃការកសាងកងទ័ពប្រជាជនវៀតណាមមួយបដិវត្តន៍ មានរបៀបរៀបរយ ចំណាន និងទំនើប។  អតីតថ្នាក់ដឹកនាំបក្ស និងរដ្ឋ បានសម្តែងទំនុកចិត្តថា ក្រោមការដឹកនាំរបស់បក្ស កងទ័ពយើងនឹងបន្តរីកចម្រើន ចាស់ទុំ និងបំពេញភារកិច្ចទាំងអស់ដោយជោគជ័យ។ លោកនាយឧត្តមសេនីយ៍ Phan Van Giang បានប្រគល់អំណោយដល់អតីតថ្នាក់ដឹកនាំបក្ស និងរដ្ឋ ព្រមទាំងបានជូនពរអតីតថ្នាក់ដឹកនាំបក្ស និងរដ្ឋ ព្រមទាំងក្រុមគ្រួសារឲ្យមានសុខភាពល្អបរិបូរណ៍ មានសុភមង្គល និងទទួល​បាន​ជោគជ័យលើគ្រប់ការងារ​ទាំង​អស់។

លោកនាយឧត្តមសេនីយ៍ Phan Van Giang ប្រគល់អំណោយជូនក្រុមគ្រួសា​រលោកនាយឧត្តមសេនីយ៍ Nguyen Trong Nghia សមាជិកការិយាល័យនយោបាយ  លេខាមជ្ឈិមបក្ស សមាជិកគណៈអចិន្ត្រៃយ៍នៃគណៈកម្មាធិការបក្សយោធាមជ្ឈិម និងជាប្រធានអគ្គស្នងការនយោបាយ

លោកនាយឧត្តមសេនីយ៍ Phan Van Giang ប្រគល់អំណោយជូនក្រុមគ្រួសារលោក​ឧត្តមសេនីយ៍ឯក Nguyen Truong Thang សមាជិកគណៈកម្មាធិការមជ្ឈិម​បក្ស អនុរដ្ឋមន្ត្រីក្រសួងការពារប្រទេស​

ក្នុងឱកាសនេះ លោកនាយឧត្តមសេនីយ៍ Phan Van Giang និងគណៈប្រតិភូ ក៏បានទៅសួរសុខទុក្ខ និងជូនពរឆ្នាំថ្មីក្រុមគ្រួសារ​លោកនាយឧត្តមសេនីយ៍ Nguyen Trong Nghia សមាជិកការិយាល័យនយោបាយ  លេខាមជ្ឈិមបក្ស សមាជិកគណៈអចិន្ត្រៃយ៍នៃគណៈកម្មាធីការបក្សយោធាមជ្ឈិម និងជាប្រធានអគ្គស្នងការនយោបាយ និងក្រុមគ្រួសារលោក​ឧត្តមសេនីយ៍ឯក Nguyen Truong Thang សមាជិកគណៈកម្មាធិការមជ្ឈិម​បក្ស អនុរដ្ឋមន្ត្រីក្រសួងការពារប្រទេស​។ លោកនាយឧត្តមសេនីយ៍ Phan Van Giang បានសួរសុខទុក្ខ ជីវភាព​រស់នៅ និងការងាររបស់ក្រុមគ្រួសារថ្នាក់ដឹកនាំក្រសួងការពារប្រទេស និងអគ្គស្នងការដ្ឋាននយោបាយ ព្រមទាំងជូនពរឲ្យសាច់ញាតិថ្នាក់ដឹកនាំក្រសួងការពារប្រទេស និងអគ្គស្នងការដ្ឋាននយោបាយ បន្តពង្រីកប្រពៃណីបដិវត្តន៍របស់គ្រួសារ និងចូលរួមចំណែកបន្ថែមទៀតដល់ការអភិវឌ្ឍមាតុភូមិ និងប្រទេសជាតិ៕

បកប្រែដោយ Duy Hoan