លោកស្រី Vo Thi Anh Xuan អនុប្រធានរដ្ឋ អញ្ជើញចុះសួរសុខទុក្ខ ប្រគល់អំណោយ និងជូនពរឆ្នាំថ្មី នៅខេត្ត An Giang

លោកស្រី Vo Thi Anh Xuan អនុប្រធានរដ្ឋ  បានប្រគល់អំណោយចំនួន ៦០០ ដល់គ្រួសារទទួលរបបឧបត្ថម្ភគោលនយោបាយ គ្រួសារក្រីក្រ កម្មករ ពលករដែលមានជីវភាពរស់នៅជួបការលំបាក និងកុមារក្រីក្រនៅក្នុងខេត្ត An Giang

នាថ្ងៃទី ៣១ ខែមករា លោកស្រី Vo Thi Anh Xuan អនុប្រធានរដ្ឋ  និងគណៈប្រតិភូបានអញ្ជើញចុះសួរសុខទុក្ខ ប្រគល់អំណោយ និងជូនពរឆ្នាំថ្មីដល់ អ្នកម្តាយវៀតណាមវីរភាព គ្រួសារទទួលរបបឧបត្ថម្ភគោលនយោបាយ កម្មករ ពលករ និងកងកម្លាំងប្រដាប់អាវុធនៅខេត្ត An Giang។ ក្នុងឱកាសនេះ លោកស្រី Vo Thi Anh Xuan អនុប្រធានរដ្ឋ  បានប្រគល់អំណោយចំនួន ៦០០ ដល់គ្រួសារទទួលរបបឧបត្ថម្ភគោលនយោបាយ គ្រួសារក្រីក្រ កម្មករ ពលករដែលមានជីវភាពរស់នៅជួបការលំបាក និងកុមារក្រីក្រនៅក្នុងខេត្ត។

លោកស្រី Vo Thi Anh Xuan អនុប្រធានរដ្ឋ

មានប្រសាសន៍ក្នុងឱកាសនេះ លោកស្រីអនុប្រធានរដ្ឋបានសង្កត់ធ្ងន់ថា ខេត្តត្រូវប្រើប្រាស់ និងបង្កើនប្រសិទ្ធភាពពីធនធាន និងសក្តានុពលដែលមាន ស្រាប់ដើម្បីសម្រេចបាននូវសមិទ្ធផលថ្មីៗនាពេលខាងមុខ ដោយក្លាយជាខេត្តដែលមានការអភិវឌ្ឍល្អនៅក្នុងតំបន់ និងជាមជ្ឈមណ្ឌលសេដ្ឋកិច្ចសមុទ្រជាតិ រួមជាមួយនឹងការអនុវត្តភ្លាមៗនូវសេចក្តីសម្រេចចិត្តនៃមហាសន្និបាតលើកទី១៤ របស់បក្ស។ លោកស្រីបានសម្តែងក្តីសង្ឃឹមថា ប្រជាជនខេត្ត An Giang នឹងបន្តរួមដំណើរជាមួយអាជ្ញារមូលដ្ឋានក្នុងការអនុវត្តចលនាបដិវត្តន៍ប្រកបដោយប្រសិទ្ធភាព និងបំពេញភារកិច្ចកសាង ការពារ និងអភិវឌ្ឍជាតិមាតុភូមិ។

ក្នុងឱកាសនេះ លោកស្រី Vo Thi Anh Xuan អនុប្រធានរដ្ឋ  បានអញ្ជើញអុជធូបនៅទីសក្ការៈរំលឹកវិញ្ញាណក្ខន្ធវីរជន និងយុទ្ធជនពលី និងអ្នកមានគុណូបការៈនៅក្នុងសង្កាត់ Rach Gia និងតំបន់រំលឹកវិញ្ញាណក្ខ លោកប្រធាន Ton Duc Thang៕

បកប្រែដោយ Duy Hoan