លោក Tran Thanh Man ប្រធានរដ្ឋសភា៖ ការបោះឆ្នោតមានទ្រង់ទ្រាយធំ និងមានតម្រូវការខ្ពស់បំផុតតាំងពីមុនមក

មានប្រសាសន៍នៅក្នុងកិច្ចប្រជុំ លោក Tran Thanh Man ប្រធានរដ្ឋសភា បានសង្កត់ធ្ងន់ថា ការបោះឆ្នោតជ្រើសតាំងសមាជិករដ្ឋសភានីតិកាលទី១៦ និងសមាជិកក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិ ២០២៦-២០៣១ ដែលប្រព្រឹត្តទៅនាថ្ងៃទី ១៥ ខែមីនាកន្លងទៅ គឺជាការបោះឆ្នោតមួយប្រកបដោយទ្រង់ទ្រាយធំ វិសាលភាពធំទូលាយ និងតម្រូវការខ្ពស់បំផុត ហើយទទួលបានជោគជ័យល្អប្រសើរ។

លោក Tran Thanh Man ប្រធានរដ្ឋសភា ប្រធានក្រុមប្រឹក្សាជាតិរៀបចំការបោះឆ្នោត ជាអធិបតីនៃកិច្ចប្រជុំ

លោក Tran Thanh Man ប្រធានរដ្ឋសភា បានមានប្រសាសន៍ថា សមាជិកសភាជាប់ឆ្នោតមានចំនួន ៥០០ នាក់ ខណៈដែលចំនួនសមាជិកក្រុមប្រឹក្សាប្រជាជនខេត្ត ទីក្រុង និងក្រុមប្រឹក្សាប្រជាជនឃុំសង្កាត់ ក៏ស្របតាមតាមតម្រូវការដែលបានដាក់ចេញផងដែរ។ លោក Tran Thanh Man ប្រធានរដ្ឋសភា បានសង្កត់ធ្ងន់ថា៖ “ប្រការសំខាន់បំផុតនោះ គឺអ្នកបោះឆ្នោតទូទាំងប្រទេសបានទៅបោះឆ្នោតយ៉ាងគ្រប់គ្រាន់ ត្រឹមត្រូវ ដោយក្ដីរំភើបរីករាយ ដើម្បីជ្រើសរើសបុគ្គលដែលសក្តិសម មានសីលធម៌ ទេពកោសល្យ និងលក្ខណៈសម្បត្តិគ្រប់គ្រាន់ ដើម្បីក្លាយជាសមាជិករដ្ឋសភា និងសមាជិកក្រុមប្រឹក្សាប្រជាជនគ្រប់លំដាប់ថ្នាក់។ តាមរយៈអត្ថបទរបស់លោក To Lam អគ្គលេខាបក្ស ខ្ញុំមានបំណងថា សមាជិករដ្ឋសភា និងសមាជិកក្រុមប្រឹក្សាប្រជាជនត្រូវតែបំពេញបេសកកម្ម បំពេញតាមការសន្យារបស់ពួកគេចំពោះអ្នកបោះឆ្នោត និងប្រជាជននៅពេលឈរឈ្មោះបោះឆ្នោត។ នៅពេលជាប់ឆ្នោតហើយ ត្រូវតែចូលរួមចំណែកក្នុងអាណត្តិនៃរដ្ឋសភានីតិកាលទី១៦ និងក្រុមប្រឹក្សាប្រជាជនគ្រប់លំដាប់ថ្នាក់ ដើម្បីអនុវត្តសេចក្តីសម្រេចចិត្តនៃមហាសន្និបាតបក្សលើកទី១៤ ក៏ដូចជាផែនការអភិវឌ្ឍន៍សេដ្ឋកិច្ចសង្គមរយៈពេល ៥ ឆ្នាំ ២០២៦-២០៣០ ដោយសម្រេចបានកំណើនពីរខ្ទង់ ធានាស្ថិរភាពម៉ាក្រូសេដ្ឋកិច្ច គ្រប់គ្រងអតិផរណា និងធានាសន្តិសុខសង្គមផងដែរ។ លោកអគ្គលេខាបក្ស បក្សទាំងមូល កងទ័ពទាំងមូល និងប្រជាជនទាំងមូលមានការរំពឹងទុកខ្ពស់ ចំពោះសមាជិកក្រុមប្រឹក្សាប្រជាជនគ្រប់លំដាប់ថ្នាក់ និងសមាជិករដ្ឋសភាម្នាក់ៗ”៕

បកប្រែដោយ Thanh Cong