ការរៀបចំផែនការបង្កើតកម្លាំងចលករដើម្បីជំរុញវិស័យទេសចរណ៍

ស្រុក Dong Van ជាស្រុកមួយក្នុងចំណោមស្រុកភ្នំ និងថ្មភ្នំចំនួន៤ ដែលមានឧទ្យានភូគព្ភសាស្ត្រសកលរបស់ UNESCO ដែលប្រជាជនភាគច្រើនរស់នៅគឺជាជនជាតិភាគតិច ក្នុងនោះ វប្បធម៌របស់ជនជាតិ Mong និង Lo Lo បង្កើតភាពខុសគ្នាសម្រាប់ស្រុក Dong Van។ មរតកដែលបង្ហាញតាមរយៈស្ថាបត្យកម្មផ្ទះ របងថ្ម សិល្បៈរបាំប៉ាន់ សំលៀកបំពាក់ជនជាតិ សិប្បកម្មតម្បាញ... ត្រូវបានស្រុកអនុវត្ដប្រកបដោយប្រសិទ្ធភាព។

ទេសភាពនៃភូមិវប្បធម៌ទេសចរណ៍សហគមន៍ជនជាតិ Mong នៅភូមិ Pa Vi Ha ឃុំ Pa Vi ស្រុក Meo Vac (ខេត្ត Ha Giang)

ជោគជ័យមួយត្រូវបានបង្ហាញតាមរយៈការរៀបចំពិធីបុណ្យផ្កាបាក់វីតលើកទី ១០។ មូលដ្ឋាននានាបានផ្តោតលើការដឹកនាំការដាំដុះផ្កាបាក់វីតនៅក្នុងតំបន់ធំ, បន្លិចរាប់រយហិកតាដើម្បីទាក់ទាញភ្ញៀវទេសចរ។ល។ តាមរយៈពិធីបុណ្យ ថែរក្សា និងពង្រីកតម្លៃវប្បធម៌ប្រពៃណីរបស់ជនជាតិភាគតិច; លើកតម្កើងតម្លៃវិសេសវិសាល និងរូបភាពដ៏ស្រស់ស្អាតអំពីជីវភាពរស់នៅ និងប្រជាជននៅទីនេះ; ផ្សព្វផ្សាយ និងណែនាំផលិតផលទេសចរណ៍ប្រចាំតំបន់ដល់ភ្ញៀវទេសចរ។ ក្នុងអំឡុងពេលពិធីបុណ្យ Dong Van បានទាក់ទាញភ្ញៀវទេសចរជាង ១៣០០០ នាក់។

លោក Do Quoc Huong ប្រធានគណៈកម្មាធិការប្រជាជនស្រុក Dong Van បានឲ្យដឹងថា៖ “ដើម្បីអាចអភិរក្ស និងពង្រីកតម្លៃវប្បធម៌ប្រពៃណី ផ្សារភ្ជាប់ជាមួយនឹងការអភិវឌ្ឍទេសចរណ៍ប្រកបដោយនិរន្តរភាព ហើយទន្ទឹមនឹងនោះ ដើម្បីធ្វើឲ្យទេសចរណ៍ Dong Van បញ្ចេញនូវភាពពិសេសរបស់ខ្លួន។​យើងផ្តោតលើផែនការទីក្រុង ផែនការសាងសង់ និងផែនការអភិវឌ្ឍន៍ទេសចរណ៍។ ជាពិសេសរាល់ចំណុចសំខាន់ៗ គម្រោងសាងសង់ថ្មី និងផលិតផលទេសចរណ៍ត្រូវតែអនុវត្តតាមស្ថាបត្យកម្មប្រពៃណី”។

ភ្ញៀវទេសចរស្វែងយល់អំពីជីវភាពរស់នៅប្រចាំថ្ងៃរបស់ជនជាតិភាគតិចនៅខេត្ត Ha Giang

រីឯនៅក្នុងស្រុក Meo Vac ភូមិវប្បធម៌ទេសចរណ៍សហគមន៍ជនជាតិ Mong ឃុំ Pa Vi ដែលជាកន្លែងពោរពេញទៅដោយអត្តសញ្ញាណវប្បធម៌ Mong បច្ចុប្បន្នគឺជាគោលដៅទេសចរណ៍ដ៏ល្បីល្បាញដែលភ្ញៀវទេសចរគ្រប់រូបដែលមក Meo Vac ចង់ឆ្លងកាត់បទពិសោធន៍។ ត្រូវបានចាប់ផ្តើមសាងសង់នៅចុងឆ្នាំ ២០១៦ និងដាក់ឱ្យដំណើរការនៅខែមេសា ឆ្នាំ២០១៩ បច្ចុប្បន្ន ភូមិវប្បធម៌បានក្លាយជាចំណុចលេចធ្លោក្នុងការអភិរក្សវប្បធម៌ជនជាតិ Mong និងទាក់ទាញភ្ញៀវទេសចរឱ្យមកទស្សនា និងស្នាក់នៅជារៀងរាល់ថ្ងៃ។ នេះជាតំបន់ទេសចរណ៍ដែលទទួលបានការកោតសរសើរយ៉ាងខ្លាំងពីភ្ញៀវទេសចរជាតិ និងអន្តរជាតិ។

លោកស្រី Nguyen Thi Hang ម្ចាស់ផ្ទះសំណាក់ Meo Vac Clay house បានចែករំលែកថា៖ “ក្រៅពីការផ្តល់សេវាកម្មស្នាក់នៅ និងអាហារ; ដើម្បីនាំមកជូនភ្ញៀវទេសចរនូវបទពិសោធន៍ដ៏គួរឱ្យចាប់អារម្មណ៍ជាច្រើន យើងខ្ញុំបានរៀបចំកម្មវិធីវប្បធម៌ និងសិល្បៈពោរពេញទៅដោយវប្បធម៌ Mong ការបោះជំរុំ…”។ គេបានដឹងថា ដើម្បីបង្កើតសកម្មភាពឱ្យភ្ញៀវទេសចរឆ្លងកាត់បទពិសោធន៍ជីវភាពរស់នៅប្រចាំថ្ងៃរបស់ប្រជាជនក្នុងមូលដ្ឋាន ផ្ទះសំណាក់ Meo Vac Clay house បានជួលដីកសិកម្មពីប្រជាជនក្នុងមូលដ្ឋាន ដើម្បីដាំបន្លែស្រស់ៗតាមរដូវផ្សេងៗ។ អាស្រ័យហេតុនេះ យើងមិនត្រឹមតែបង្កើតការងារ បង្កើនប្រាក់ចំណូលស្ថិរភាពសម្រាប់ប្រជាជនក្នុងតំបន់ប៉ុណ្ណោះទេ ថែមទាំងមានប្រភពអាហារស្អាតសម្រាប់បម្រើភ្ញៀវទេសចរទៀតផង។ បច្ចុប្បន្ន Meo Vac Clay house កំពុងបង្កើតការងារជាប្រចាំដល់កម្មករក្នុងស្រុកពី ៨ ទៅ១០ នាក់ដោយមានប្រាក់ចំណូលក្នុងមួយខែពី ៧ ទៅ១០ លានដុង។

យោងតាមស្ថិតិក្នុងឆ្នាំ ២០២៤ ចំនួនភ្ញៀវទេសចរដែលមកខេត្ត Ha Giang ត្រូវបានគេប៉ាន់ប្រមាណថានឹងកើនឡើងដល់ ៣.២៨៦ លាននាក់ កើនឡើង ៨.៨% បើធៀបនឹងឆ្នាំ ២០២៣; ចំណូលទេសចរណ៍សរុបសម្រេចបាន ៨,១៤៩ ពាន់លានដុង។ ដើម្បី “ដាស់” សក្ដានុពលនៃវិស័យទេសចរណ៍ក្នុងមហាសន្និបាតបក្សខេត្តលើកទី ១៧ អាណត្តិ ២០២០ - ២០២៥ ខេត្ត Ha Giang បានចេញនូវទស្សនៈណែនាំមួយថា៖ ការអភិវឌ្ឍទេសចរណ៍គឺជាភារកិច្ចគន្លឹះ និងឈានមុខគេនៃប្រព័ន្ធនយោបាយទាំងមូលពីថ្នាក់ខេត្តទៅថ្នាក់មូលដ្ឋាន ជំរុញការទាក់ទាញវិនិយោគពីអង្គភាពអាជីវកម្ម បង្កើតការព្រមព្រៀងពីប្រជាជន ធានាការអនុលោមតាមយុទ្ធសាស្ត្រអភិវឌ្ឍន៍ទេសចរណ៍វៀតណាមដល់ឆ្នាំ ២០៣០ និងផែនការខេត្ត Ha Giang ដំណាក់កាល ២០២១-២០៣០។ល៕

បកប្រែដោយ Huyen Trang