ចំនួនស្វែងរកអំពីគោលដៅទេសចរណ៍នៅវៀតណាមរបស់ភ្ញៀវទេសចរអន្តរជាតិកើនជិត៣០០%
កប.អនឡាញ - គេហទំព័រទេសចរណ៍ Agoda ទើបតែបានចេញផ្សាយរបាយការណ៍ស្ដីពីការស្វែងរកទិន្នន័យឆ្នាំ ២០២៣ របស់ខ្លួន ដែលបង្ហាញពីការកើនឡើងគួរឲ្យកត់សម្គាល់ក្នុងការស្វែងរកអំពីគោលដៅទេសចរណ៍នៃប្រទេសវៀតណាម។
ទិន្នន័យស្វែងរកឆ្នាំ២០២៣ នៃគេហទំព័រ Agoda បង្ហាញថា និន្នាការនៃការធ្វើដំណើររបស់ភ្ញៀវទេសចរអន្តរជាតិទៅកាន់ប្រទេសវៀតណាម និងភ្ញៀវទេសចរវៀតណាមដែលចង់ស្វែងយល់ពីគោលដៅទេសចរណ៍នៅលើពិភពលោកកំពុងកើនឡើង។ ជាពិសេស លទ្ធផលស្វែងរកអំពីគោលដៅទេសចរណ៍នៅវៀតណាម កើនឡើងរហូតដល់ ២៩៨% បើធៀបនឹងរយៈពេលដូចគ្នាកាលពីឆ្នាំមុន។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2023/12/09/upload_2118/dulich.jpg?dpi=150&quality=100&w=500) |
សមុទ្រ Son Tra ទីក្រុង Da Nang (រូបថត៖ vietnamplus.vn) |
លោក Vu Ngoc Lam នាយក Agoda ប្រចាំវៀតណាមចែករំលែកថា វៀតណាមកាន់តែមានភាពទាក់ទាញចំពោះភ្ញៀវទេសចរអន្តរជាតិ ខណៈការធ្វើដំណើរកាន់តែមានភាពងាយស្រួល។ ដោយសាររូបភាពរបស់វៀតណាមត្រូវបានផ្សព្វផ្សាយយ៉ាងសកម្មនៅក្នុងទីផ្សារអន្តរជាតិ ហើយមានគោលនយោបាយបន្ធូរបន្ថយទិដ្ឋាការ... វៀតណាមកាន់តែមានភាពល្បីល្បាញ និងទាក់ទាញក្នុងក្រសែភ្នែកភ្ញៀវទេសចរបរទេស។
តាមនោះ ប្រទេសទាំង ៥ ដែលមានអ្នកស្វែងរកអំពីគោលដៅទេសចរណ៍នៅវៀតណាមច្រើនជាងគេគឺ៖ កូរ៉េខាងត្បូង អាមេរិក ជប៉ុន ថៃ និងសិង្ហបុរី៕
បកប្រែដោយ Thanh Cong