ទីក្រុងហាណូយ៖ កងទ័ពនិងកងសេនាជនជួយប្រជាពលរដ្ឋនៅតំបន់ជន់លិច
កប.អនឡាញ - ដោយសារឥទ្ធិពលនៃព្យុះលេខ ២ ក្នុងប៉ុន្មានថ្ងៃនេះ នៅទីក្រុងហាណូយ មានភ្លៀងធ្លាក់ខ្លាំងនៅតំបន់ និងផ្លូវជាច្រើនដែលបណ្ដាលឲ្យការចរាចរណ៍ជួបការលំបាក។ ជាពិសេសនៅតំបន់ទំនាបចំនួនពីរនៃទីក្រុងហាណូយ គឺស្រុក Chuong My និងស្រុក Quoc Oai បានកើតឡើងទឹកជំនន់ ទំនប់ជាច្រើនមានគ្រោះថ្នាក់អាចបណ្ដាលឲ្យរងការរអិលបាក់ដី។
នៅស្រុក Quoc Oai នារសៀលថ្ងៃទី ២៥ ខែកក្កដា ទឹកបានស្រកបន្តិចម្តងៗ តំបន់ជន់លិចដែលមានហានិភ័យបាក់ដីបានថយចុះ។ ទោះជាយ៉ាងណាក៏ដោយកម្រិតទឹកនៅទន្លេ Tich នៅតែស្ថិតក្នុងកម្រិតប្រកាសអាសន្នលេខ ៣ ។ ឃុំមួយចំនួននៅតាមបណ្តោយដងទន្លេ Tich ដូចជាឃុំ Dong Yen, Can Huu, Tuyet Nghia, Hoa Thach... នៅតែជន់លិច។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/26/upload_2116/26072024vd04.jpg?dpi=150&quality=100&w=500) |
កម្មាភិបាលនៃបញ្ជាការដ្ឋានយោធាស្រុក Chuong My ចុះជួយប្រជាពលរដ្ឋជំនះផលវិបាកដោយទឹកជំនន់ |
ក្នុងប៉ុន្មានថ្ងៃថ្មីៗនេះ កម្មាភិបាល និងយុទ្ធជនជិត ៤០០ នាក់ នៃកងពលធំលេខ ៣០៨ (អង្គទ័ពលេខ ១២) និងកម្មាភិបាល និងយុទ្ធជនរាប់រយនាក់នៃកងវរសេនាតូចព័ត៌មាន (ទីបញ្ជាការរដ្ឋធានីហាណូយ) មជ្ឈមណ្ឌលលេខ ៩៥ (នាយកដ្ឋានកលយុទ្ធអេឡេចត្រូលិច អគ្គសេនាធិការដ្ឋាននៃកងទ័ពប្រជាជនវៀតណាម) រួមទាំងកងសេនាជននៅមូលដ្ឋានជាង ២០០ នាក់ ត្រូវបានកៀរគរដើម្បីជួយប្រជាជនជំនះផលវិបាកនៃទឹកជំនន់។
លោកវរសេនីយ៍ត្រី Nguyen Van Tang ជំនួយការផ្នែកចលនាមហាជននៃបញ្ជាការដ្ឋានយោធាស្រុក Quoc Oai ឲ្យដឹងថាកងទ័ព និងកងសេនាជននៅមូលដ្ឋានបានចូលរួមទប់ទល់ទឹកជំនន់ និងជួយប្រជាជនផ្លាស់ទ្រព្យសម្បត្តិទៅកន្លែងមានសុវត្ថិភាព។ ជាមួយគ្នានេះ អង្គភាពក៏បានជួយជួសជុលទីបញ្ចុះសពយុទ្ធជនពលី សម្អាតផ្លូវភូមិ និងផ្លូវលំ សម្អាតលូ និងប្រឡាយ រំដោះជំនន់ទឹកភ្លៀង...
នៅស្រុក Chuong My មានភ្លៀងធ្លាក់ខ្លាំងនៅថ្ងៃទី ២៣ និង ២៤ ខែកក្កដា។ ភ្លៀងធ្លាក់ខ្លាំងបានបណ្ដាលឲ្យកម្ពស់ទឹកទន្លេ Bui ហក់ឡើងជាង ១ ម៉ែត្រ ពីលើផ្ទៃទំនប់ ទឹកបានហក់ឡើងលើផ្លូវទឹកដែលប៉ះពាល់យ៉ាងខ្លាំងដល់ប្រជាពលរដ្ឋរាប់ពាន់គ្រួសារ។
យោងតាមស្ថិតិបឋម ទឹកជំនន់ដែលបង្កការខូចខាតស្រូវ ដំណាំ និងជលផលនៅស្រុក Chuong My ចំនួនប្រមាណជាង ២,១០០ ហិកតា។ ប្រឈមមុខនឹងស្ថានភាពនោះ តាំងពីយប់ថ្ងៃទី ២៣ ខែកក្កដា កងទ័ពនិងកងសេនាជនបានមានវត្តមានដើម្បីជួយជម្លៀសមនុស្សចាស់ និងកុមារទៅទីទួលសុវត្ថិភាព។
លោកវរសេនីយ៍ទោ Bui Ba Dung ប្រធាននយោបាយនៃបញ្ជាការដ្ឋានយោធាខេត្ត Chuong My ឲ្យដឹងថា៖ អង្គភាពបានធ្វើសេនាធិការជូនបញ្ជាការដ្ឋានទប់ទល់ខ្យល់ព្យុះ ទឹកជំនន់របស់ស្រុកដើម្បីប្រមូលកម្លាំងចូលរួមការពារទំបន់ ជួយប្រជាពលរដ្ឋជម្លៀសទ្រព្យសម្បត្ដិ ប្រមូលផលដំណាំ និងស្វែងរកជនរងគ្រោះ។ អង្គភាពបានកៀរគរកម្មាភិបាល និងយុទ្ធជនចំនួន ២៨០ នាក់ មកពីអង្គភាពកងទ័ព និងកងជីវពលជិត ៤០០ នាក់ រួមជាមួយនឹងមធ្យោបាយជាច្រើន រួមមានរថយន្តដឹកទំនិញចំនួន ៥ គ្រឿង ឡាន ៥ គ្រឿង និងរថយន្តសង្គ្រោះបន្ទាន់ចំនួន ១ គ្រឿង ព្រមទាំងសម្របសម្រួលជាមួយកម្លាំងនគរបាលដើម្បីរៀបចំជម្លៀសគ្រួសារចំនួន ២៥ គ្រួសារនៅក្នុងទីរួមខេត្ដ Xuan Mai ។ គ្រួសារចំនួន ១២០ គ្រួសារនៅឃុំ Phu Nghia និង ៥០ គ្រួសារនៅឃុំ Tot Dong និងគ្រួសារជាច្រើនទៀតនៅឃុំ Thuy Xuan Tien, Nam Phuong Tien, ឃុំ Hoang Van Thu។
កងទ័ពនិងកងសេនាជនបានចូលរួមយ៉ាងសកម្មក្នុងការផ្លាស់ទ្រព្យសម្បត្តិរបស់ប្រជាជនទៅកាន់តំបន់សុវត្ថិភាព ព្រមទាំងផ្តល់ទឹកស្អាត និងសម្ភារៈចាំបាច់ផ្សេងទៀតដើម្បីជួយបណ្ដាគ្រួសារនៅតំបន់លិចទឹក។ កងកម្លាំងប្រដាប់អាវុធនៅមូលដ្ឋាននៅតែរក្សាការប្រចាំការ ២៤/២៤ ម៉ោង ត្រៀមខ្លួនដោះស្រាយស្ថានការណ៍ប្រកបដោយប្រសិទ្ធភាព និងសម្របសម្រួលជាមួយស្ថាប័ន និងអង្គការសង្គមនានានៅមូលដ្ឋានដើម្បីត្រៀមខ្លួនដឹកជញ្ជូនស្បៀងអាហារ ថ្នាំពេទ្យ និងសម្ភារៈចាំបាច់ដើម្បីជួយប្រជាជននៅតំបន់ជន់លិចទៅកាន់កន្លែងសុវត្ថិភាព រៀបចំសម្អាតបរិស្ថាន និងជំនះផលវិបាកបន្ទាប់ពីទឹកស្រក៕
បកប្រែដោយ Pham Diep