លោក Phan Van Giang រដ្ឋមន្ត្រីក្រសួងការពារប្រទេស ដឹកនាំកិច្ចប្រជុំការងារពិចារណាលើខ្លឹមសារមួយចំនួនអំពីផែនការរៀបចំដីធ្លីយោធា

ក្នុងកិច្ចប្រជុំនេះ បន្ទាប់ពីបានស្តាប់របាយការណ៍រួច តំណាងស្ថាប័ន អង្គភាពមានសមត្ថកិច្ចនានាបានពិភាក្សា និងឯកភាពថា៖ នាពេលថ្មីៗនេះ គណៈកម្មាធិការបក្សយោធាមជ្ឈិម និងក្រសួងការពារប្រទេស បានផ្តោតការយកចិត្តទុកដាក់លើការដឹកនាំ និងណែនាំរាល់ស្ថាប័ន និងអង្គភាពពាក់ព័ន្ធនានា ឱ្យអនុវត្តយ៉ាងល្អខ្លឹមសាររៀបចំដីធ្លីយោធា ; ការរៀបចំរចនាសម្ព័ន្ធយោធា ការកសាងសង់បន្ទាយ ការរៀបចំប្រព័ន្ធដើមឈើបៃតង ការអនុវត្តការងារហ្វឹកហ្វឺន និងការត្រៀមខ្លួនសម្រាប់ការប្រយុទ្ធ។ល។ គណៈកម្មាធិការបក្ស និងមេបញ្ជាការគ្រប់លំដាប់ថ្នាក់បានជម្នះរាល់ការលំបាក ខិតខំប្រឹងប្រែងបំពេញភារកិច្ចតាមការគ្រោងទុក។

លោកនាយឧត្តមសេនីយ៍ Phan Van Giang អញ្ជើញជាអធិបតីក្នុងកិច្ចប្រជុំការងារជាមួយអគ្គសេនាធិការដ្ឋាននៃកងទ័ពប្រជាជនវៀតណាម និងស្ថាប័ន អង្គភាពនានាលើខ្លឹមសារមួយចំនួននៃផែនការរៀបចំដីធ្លី

មានអនុសាសន៍នៅចុងបញ្ចប់នៃកិច្ចប្រជុំការងារ លោកនាយឧត្តមសេនីយ៍ Phan Van Giang បានកោតសរសើរ និងវាយតម្លៃខ្ពស់ចំពោះលទ្ធផល និងការខិតខំប្រឹងប្រែងរបស់អគ្គសេនាធិការដ្ឋាន ស្ថាប័ន និងអង្គភាពនានាក្នុងការអនុវត្តខ្លឹមសារផែនការ។ លោករដ្ឋមន្ត្រីក្រសួងការពារប្រទេសបានស្នើថា នាពេលខាងមុខ អង្គភាព និងស្ថាប័ននានាអនុវត្តយ៉ាងម៉ឺងម៉ាត់នូវសេចក្តីសន្និដ្ឋាន សេចក្តីសម្រេច និងការណែនាំរបស់ការិយាល័យនយោបាយ រដ្ឋាភិបាល នាយករដ្ឋមន្ត្រី គណៈកម្មាធិការបក្សយោធាមជ្ឈិម និងក្រសួងការពារប្រទេសស្តីពីការរៀបចំដីធ្លីយោធា។ ហើយនិងពិនិត្យយ៉ាងសកម្មនូវប្រព័ន្ធរៀបចំដីធ្លីយោធា រាល់ផែនការបោះទីតាំងកងទ័ព រចនាសម្ព័ន្ធយោធា ការសាងសង់បន្ទាយ និងផែនការប្រព័ន្ធដើមឈើបៃតង។ល។

បកប្រែដោយ Minh Trung