វៀតណាមជាប់ចំណាត់ថ្នាក់កំពូលក្នុងបញ្ជីគោលដៅទេសចរណ៍សម្រាប់ភ្ញៀវទេសចរឥណ្ឌា
កប.អនឡាញ - គេហទំព័រ Livemint.com បានចុះផ្សាយអត្ថបទមួយបញ្ជាក់ថា អត្រាប្រជាជនឥណ្ឌាដែលធ្វើដំណើរទេសចរណ៍ទៅបរទេសមានការកើនឡើងយ៉ាងខ្លាំងនាពេលថ្មីៗនេះ ក្នុងនោះវៀតណាមជាគោលដៅទេសចរណ៍អន្តរជាតិដ៏ពេញនិយម។
យោងតាមរបាយការណ៍ពីវិទ្យាស្ថានសេដ្ឋកិច្ច Mastercard ភ្ញៀវទេសចរឥណ្ឌាទៅកាន់ប្រទេសវៀតណាមបានកើនឡើង ២៤៨% បើធៀបនឹងរយៈពេលដូចគ្នានៅឆ្នាំ២០១៩ បន្ទាប់មកគឺសហរដ្ឋអាមេរិក និងជប៉ុនដែលមានអត្រាកំណើន ៥៩% និង ៥៣%។ តួលេខខាងលើត្រូវបានបូកសរុបក្នុងរយៈពេលពីខែមករាដល់ខែមីនាឆ្នាំ២០២៤ ហើយបង្ហាញពីការផ្លាស់ប្តូរយ៉ាងខ្លាំងនូវចំណូលចិត្តក្នុងការធ្វើដំណើរទេសចរណ៍របស់ភ្ញៀវទេសចរឥណ្ឌាផងដែរ។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/20/upload_2118/an-do.jpeg?dpi=150&quality=100&w=500) |
អត្ថបទអំពីការកើនឡើងយ៉ាងខ្លាំងនៃចំនួនភ្ញៀវទេសចរឥណ្ឌាមកវៀតណាម (រូបថត៖ vnanet.vn) |
លោក David Mann ប្រធានសេដ្ឋវិទូប្រចាំតំបន់អាស៊ីប៉ាស៊ីហ្វិក នៃក្រុមហ៊ុន Mastercard បានឲ្យដឹងថា ការធ្វើដំណើរអន្តរជាតិរបស់ភ្ញៀវទេសចរឥណ្ឌាកាន់តែកើនឡើង។ ឥណ្ឌាគឺជាទីផ្សារធំ និងអភិវឌ្ឍលឿនបំផុតលើពិភពលោក នៅឥឡូវនេះ និងអនាគត។
ការវិភាគលើទិន្នន័យអំពីចំនួនភ្ញៀវទេសចរឥណ្ឌាទៅកាន់គោលដៅទេសចរណ៍ពេញនិយមដូចជា សហរដ្ឋអាមេរិក ជប៉ុន និងវៀតណាម បង្ហាញថា ភ្ញៀវទេសចរឥណ្ឌាទៅកាន់ប្រទេសអាមេរិកបានកើនឡើង ៥៩% បើប្រៀបធៀបនឹង ឆ្នាំ២០១៩។ ប្រទេសជប៉ុនបានទទួលស្វាគមន៍ភ្ញៀវទេសចរឥណ្ឌាចំនួន ៥០,០០០ នាក់ចាប់តាំងពីដើមឆ្នាំរហូតមកដល់ពេលនេះ។
លោក Mann បានឲ្យដឹងថា នាពេលថ្មីៗនេះ ការដែលប្រទេសវៀតណាមបង្កើនជើងហោះហើរត្រង់ទៅកាន់ឥណ្ឌា បានបង្ហាញថា ភ្ញៀវទេសចរឥណ្ឌាកើនឡើង ២.៥ ដង បើធៀបនឹងឆ្នាំ២០១៩ ហើយពង្រឹងតម្រូវការធ្វើដំណើរក្នុងតំបន់៕
បកប្រែដោយ Thuy Anh