វៀតណាមចូលរួមពិព័រណ៍ពាណិជ្ជកម្ម Good Food and Wine Show 2024 នៅប្រទេសអូស្ត្រាលី
កប.អនឡាញ - ដោយអនុវត្ត "គម្រោងការទូតសេដ្ឋកិច្ចឆ្នាំ២០២៤" ដើម្បីជំរុញពាណិជ្ជកម្ម និងបង្កើនវត្តមានរបស់ម៉ាកយីហោ និងផលិតផលវៀតណាមនៅអូស្ត្រាលី ស្ថានទូតវៀតណាមប្រចាំនៅអូស្ត្រាលី បានសហការជាមួយការិយាល័យពាណិជ្ជកម្មវៀតណាមប្រចាំនៅប្រទេសអូស្ត្រាលី រៀបចំស្តង់វៀតណាមនៅពិព័រណ៍ពាណិជ្ជកម្ម Good Food and Wine Show 2024 នៅទីក្រុង Brisbane រដ្ឋ Queensland (អូស្ត្រាលី) ចាប់ពីថ្ងៃទី ២៥ ដល់ថ្ងៃទី២៧ ខែតុលា ឆ្នាំ២០២៤។
Good Food and Wine Show គឺជាពិព័រណ៍ពាណិជ្ជកម្មអាហារ និងស្រាធំនិងយូរអង្វែងជាងគេនៅប្រទេសអូស្ត្រាលី ដែលមានស្តង់ជាង ៣០០ ដែលទាក់ទាញទស្សនិកជនប្រមាណ ១០០,០០០ នាក់នៅក្នុងទីក្រុង Melbourne ទីក្រុង Sydney ទីក្រុង Perth និងទីក្រុង Brisbane។
    |
 |
|
ទស្សនិកជនចាប់អារម្មណ៍ចំពោះផលិតផលវៀតណាម (រូបថត៖ vnanet.vn) |
ស្តង់វៀតណាមនៅក្នុងពិព័រណ៍តាំងបង្ហាញម៉ាកផលិតផលកសិកម្ម និងជលផលដែលមានប្រៀបខ្លាំងរបស់វៀតណាមដូចជា ទុរេន ស្វាយ ស្រកានាគ បង្គា ទឹកម្ទេស ទឹកស៊ីអ៊ីវ ម្សៅបន្លែ ផ្លែឈើ...
ក្នុងឱកាសនេះ ស្ថានទូតវៀតណាមប្រចាំនៅអូស្ត្រាលីបានបង្ហាញសៀវភៅ Doing Business Guide Vietnam របស់ Asialink Business ដើម្បីផ្តល់ព័ត៌មានដែលមានប្រយោជន៍ជូនធុរកិច្ចអូស្ត្រាលីដែលមានចំណាប់អារម្មណ៍ និងមានបំណងចូលទីផ្សារវៀតណាម៕
បកប្រែដោយ Thuy Anh