ពានរង្វាន់ទេសចរណ៍វៀតណាមលើកទី ២០ ឆ្លើយតបទៅនឹងការធ្វើបរិវត្តកម្មទេសចរណ៍ប្រកបដោយនិរន្តរភាព

ពិធីប្រគល់ពានរង្វាន់ទេសចរណ៍វៀតណាមឆ្នាំ ២០២៥ នឹងប្រារព្ធឡើងក្នុងទិវាទេសចរណ៍ពិភពលោក ថ្ងៃទី ២៧ ខែកញ្ញា ជាមួយនឹងសារឆ្លើយតបទៅនឹងការធ្វើបរិវត្តកម្មទេសចរណ៍ប្រកបដោយនិរន្តរភាព ដែលបានបំផុសឡើងដោយអង្គការទេសចរណ៍អង្គការសហប្រជាជាតិ UN Tourism។ ពានរង្វាន់ទេសចរណ៍វៀតណាមឆ្នាំ ២០២៥ មានកិត្តិនាមចំនួន ១៨ ក្នុងប្រភេទពានរង្វាន់ចំនួន ១១  ដែលនឹងប្រគល់ដល់អង្គភាពអាជីវកម្ម និងអង្គការចំនួន ១១៥ ដែលប្រតិបត្តិការក្នុងវិស័យទេសចរណ៍។

ទិដ្ឋភាពនៃសន្និសីទកាសែត (រូបថត៖ nhandan.vn)

យោងតាមលោក Nguyen Trung Khanh ប្រធាននាយកដ្ឋានទេសចរណ៍ជាតិវៀតណាម ពានរង្វាន់ទេសចរណ៍វៀតណាមឆ្នាំនេះមានលក្ខណៈថ្មីមួយចំនួន៖  ដើម្បីឆ្លើយតប និងលើកទឹកចិត្តផលិតផលថ្មី សេវាកម្មថ្មី ក៏ដូចជានិន្នាការអភិវឌ្ឍន៍ទេសចរណ៍វៀតណាមតាមសក្ដានុពលរបស់ខ្លួន។ ដូច្នេះ ប្រភេទពានរង្វាន់ថ្មីមួយចំនួនក៏ត្រូវបានបញ្ចូលក្នុងពានរង្វាន់នេះដូចជាទេសចរណ៍សហគមន៍ និងទេសចរណ៍បៃតង។ ប្រភេទថ្មីទាំងនេះបំពេញបានទាំងស្រុងនូវនិន្នាការអភិវឌ្ឍន៍ទេសចរណ៍ថ្មីរបស់វៀតណាមក្នុងរយៈពេលខាងមុខ៕

បកប្រែដោយ Huyen Trang