លក្ខណៈវប្បធម៌វៀតណាមនៅក្នុងកម្មវិធីក្បួនដង្ហែរធំបំផុតក្នុងឱកាសបុណ្យចូលឆ្នាំថ្មីតាមចន្ទគតិនៅប្រទេសបារាំង

កម្មវិធីក្បួនដង្ហែរនៅក្នុងសង្កាត់ទី១៣ ដែលប្រារព្ធឡើងជារៀងរាល់ឆ្នាំចាប់តាំងពីឆ្នាំ១៩៨៩ ហើយក្លាយជាការជួបជុំនៅដើមនិទាឃរដូវសម្រាប់ប្រជាជនប៉ារីស។

ការបង្ហាញម៉ូដអាវផាយប្រពៃណី​វៀតណាម ដោយ​សហគមន៍​ជនវៀតណាម​នៅកម្មវិធីក្បួនដង្ហែ​ក្នុងឱកាសបុណ្យចូលឆ្នាំថ្មីតាមចន្ទគតិ ២០២៦ នៅទីក្រុងប៉ារីស (រូបថត៖ vnanet.vn)

ទន្ទឹមនឹងក្រុមសិល្បៈមកពីសហគមន៍អាស៊ីជាច្រើន ក្រុមសិល្បករមកពី Antilles - Guyana ក៏បានចូលរួមជាមួយរបាំតំបន់ ការីប៊ីនដ៏រស់រវើក ដោយបង្ហាញពីភាពចម្រុះវប្បធម៌របស់ប្រទេសបារាំង។ នៅក្នុងរូបភាពរួមនេះ ក្រុមវៀតណាមបានបន្តបង្កើតចំណាប់អារម្មណ៍ល្អ។ ការសម្តែងក្បាច់គុនប្រពៃណី ការបង្ហាញអាវផាយប្រពៃណី និងការសម្តែងរបាំប្រជាប្រិយវៀតណាម បានទាក់ទាញចំណាប់អារម្មណ៍ និងការអបអរសាទរពីទស្សនិកជនយ៉ាងច្រើនកុះករ តាមរយៈនោះបញ្ជាក់ពីតួនាទីកាន់តែសំខាន់នៃវប្បធម៌វៀតណាមនៅក្នុងជីវិតពហុវប្បធម៌របស់ប្រទេសបារាំង។ វត្តមានជាផ្លូវការរបស់ក្រុមវៀតណាមមិនត្រឹមតែមានគោលបំណងផ្សព្វផ្សាយអត្តសញ្ញាណជាតិប៉ុណ្ណោះទេ ថែមទាំងរួមចំណែកជួយមិត្តភក្តិបារាំងយល់ដឹងថែមទៀតអំពីពិធីបុណ្យចូលឆ្នាំថ្មីប្រពៃណីរបស់ប្រទេសអាស៊ីជាច្រើន រួមទាំងប្រទេសវៀតណាមផងដែរ៕

បកប្រែដោយ Thanh Cong