វៀតណាមបង្កើតចំណាប់អារម្មណ៍យ៉ាងខ្លាំងនៅក្នុងពិធីបុណ្យអន្តរជាតិម៉ាកាវឆ្នាំ ២០២៦

នៅថ្ងៃទី ២៩ ខែមីនា ក្បួនដង្ហែរតាមដងផ្លូវលក្ខណៈអន្តរជាតិរបស់តំបន់រដ្ឋបាលពិសេសម៉ាកាវ (ចិន) ឆ្នាំ ២០២៦ បានធ្វើឡើងដោយមានការចូលរួមពីវិចិត្រករ និងអ្នកស្ម័គ្រចិត្តប្រមាណ ១៦០០ នាក់មកពីក្រុមក្នុងស្រុកចំនួន ៥០ និងក្រុមអន្តរជាតិចំនួន ១០។ សមាគមជនជាតិវៀតណាមនៅបរទេសនៅម៉ាកាវ (ចិន) បានរៀបចំក្រុមដើម្បីចូលរួមក្នុងព្រឹត្តិការណ៍នេះ ដោយបង្ហាញសម្លៀកបំពាក់ប្រពៃណី សិល្បៈ និងវប្បធម៌ ដែលបង្កើតចំណាប់អារម្មណ៍យ៉ាងខ្លាំងដល់មិត្តភក្តិអន្តរជាតិ។

ការសម្តែងដោយក្រុមវៀតណាម

ព្រឹត្តិការណ៍ឆ្នាំនេះមានប្រធានបទ "ផ្លូវសូត្រសមុទ្រ ជាកន្លែងជួបជុំវប្បធម៌"។ ក្រៅពីក្រុមមកពីម៉ាកាវ ហុងកុង (ចិន) និងចិនដីគោក ក៏មានតំណាងមកពីព័រទុយហ្គាល់ ហូឡង់ បារាំង ទួរគី ឥណ្ឌូនេស៊ី វៀតណាម និងប្រទេសដទៃទៀតផងដែរ។ គណៈកម្មការរៀបចំបានរៀបចំឱ្យក្រុមវៀតណាមស្ថិតក្នុងចំណោមក្រុមទាំង ១០ ដែលចូលរួមក្នុងពិធីបើក និងក្លាយជាក្រុមដំបូងគេដែលដើរក្បួនដង្ហែរនៅក្នុងពិធីបុណ្យនេះ។

ក្រុមដែលចូលរួមមានមនុស្សប្រហែល ៥០ នាក់ស្លៀកពាក់សម្លៀកបំពាក់ប្រពៃណីដែលតំណាងឱ្យតំបន់ភូមិភាគទាំងបី (ភាគខាងជើង កណ្តាល និងខាងត្បូង) នៃប្រទេសវៀតណាម រួមជាមួយនឹងការសម្តែង "ស្គរបុណ្យនិទាឃរដូវ" ដើម្បីបួងសួងសុំអាកាសធាតុអំណោយផល។ ការចូលរួមរបស់វៀតណាមនៅក្នុងព្រឹត្តិការណ៍នេះបានបន្សល់ទុកនូវចំណាប់អារម្មណ៍ល្អ និងរួសរាយរាក់ទាក់ចំពោះមិត្តភក្តិក្នុងស្រុក និងអន្តរជាតិ។

បកប្រែដោយ Pham Diep