វៀតណាមស្ថិតក្នុងបញ្ជីប្រទេសទាំង ៥ ដែលទាក់ទាញភ្ញៀវទេសចររុស្ស៊ី
កប.អនឡាញ - នាពេលថ្មីៗនេះ លោក Taras Kobishchanov អនុប្រធានសមាគមប្រតិបត្តិករទេសចរណ៍រុស្ស៊ី (ATOR) និងជាអគ្គនាយកក្រុមហ៊ុន Russian Express Holding បានចែករំលែកការព្យាករណ៍ និងការវិភាគអំពីទីផ្សារទេសចរណ៍បរទេសជាមួយអ្នកសារព័ត៌មាននៅក្នុងសន្និសីទប្រចាំឆ្នាំ "Trevolution" ដោយប្រកាសបញ្ជីប្រទេសចំនួន ៥ ដែលនាំមុខគេក្នុងការទាក់ទាញភ្ញៀវទេសចររុស្ស៊ីក្នុងរដូវរងាខាងមុខនេះ។
យោងតាមការព្យាករណ៍របស់លោក Taras Kobishchanov អេហ្ស៊ីបនឹងនាំមុខទីផ្សារទេសចរណ៍បរទេសនិយាយរួម ដែលទាក់ទងនឹងចំនួនទួរទេសចរណ៍ដែលត្រូវបានលក់នៅរដូវរងាខាងមុខ។ កត្តាសំខាន់នៃលទ្ធផលនេះគឺតម្លៃសមស្របសម្រាប់ភ្ញៀវទេសចរផងដែរ។
ទន្ទឹមនឹងនេះ ប្រទេសថៃនឹងកាន់កាប់តំណែងទីពីរដែលទាក់ទងនឹងការលក់ទួរទេសចរណ៍ ទោះបីជាមានការប្រកួតប្រជែងខ្លាំងជាមួយវៀតណាម និងការធ្លាក់ចុះនៃកំណើនទេសចរណ៍ក៏ដោយ។
    |
 |
|
អ្នកទេសចរពីរនាក់ថតរូបនៅប្រាសាទ Ponagar (ខេត្ត Khanh Hoa) (រូបថត៖ vnanet.vn) |
លោក Taras Kobishchanov បានឲ្យដឹងថា ប្រទេសវៀតណាមនឹងកើនឡើងដល់ចំណាត់ថ្នាក់ទីបីក្នុងរដូវរងារខាងមុខនេះ បើទោះបីជាកាលពីឆ្នាំមុនមិនមានជើងហោះហើរជួល (charter flight) ដែលបើកដោយក្រុមហ៊ុនទេសចរណ៍ក៏ដោយ។ ដោយសារការពង្រីកជើងហោះហើរ charter flight នេះ ចំនួនអ្នកដំណើរទៅកាន់ប្រទេសវៀតណាមកំពុងកើនឡើងយ៉ាងខ្លាំង។ លោកក៏បានកត់សម្គាល់ផងដែរថា ផ្នែកមួយនៃភ្ញៀវមកពីទីផ្សារថៃនឹងជ្រើសរើសប្រទេសវៀតណាមជាគោលដៅទេសចរណ៍ក្នុងរដូវរងារខាងមុខនេះ (Russian Express ប៉ាន់ស្មានថាវានឹងមានចំនួនប្រហែល ១០-១២%)។
យោងតាមលោក Kobishchanov អេមីរ៉ាតអារ៉ាប់រួមដែលមានទីក្រុងឌូបៃជាគោលដៅចម្បង ជាប់ចំណាត់ថ្នាក់ទី៤ ដែលទាក់ទងនឹងការលក់ទួរទេសចរណ៍ជាក្រុម ស្ទើរតែស្មើនឹងប្រទេសវៀតណាម៕
បកប្រែដោយ Thuy Anh