វៀតណាមបន្សល់ទុកចំណាប់អារម្មណ៍ល្អនៅពិព័រណ៍ទេសចរណ៍អន្តរជាតិប៊ែរឡាំង

សមាគមវប្បធម៌ និងទេសចរណ៍វៀតណាមនៅអឺរ៉ុប (VNCT) ដែលមានទីស្នាក់ការនៅប្រទេសបារាំង ជាលើកដំបូងបានរៀបចំសម្រាប់ធុរកិច្ចក្នុងស្រុក ចូលរួម ITB Berlin នៅឆ្នាំនេះ។ ធុរកិច្ចវៀតណាមជិត៨០ បានដាក់តាំងបង្ហាញ និងផ្សព្វផ្សាយផលិតផលនៅក្នុងពិព័រណ៍។

ទិដ្ឋភាពនៃពីពិព័រណ៍ទេសចរណ៍អន្តរជាតិប៊ែរឡាំង២០២៦ (រូបថត៖ vnanet.vn)

យោងតាមលោក Trinh Viet Dung សមាជិកគណៈកម្មាធិការប្រតិបត្តិ VNCT ធុរកិច្ចវៀតណាមបាននាំយកផលិតផល និងសេវាកម្មជាច្រើនទៅកាន់ ITB Berlin ឆ្នាំនេះ ក្នុងវិស័យសណ្ឋាគារ សេវាកម្មអាកាសចរណ៍ ការធ្វើដំណើរ និងនាវាទេសចរណ៍ ដើម្បីបង្ហាញពីសក្តានុពលទេសចរណ៍របស់វៀតណាម និងបង្កើនការតភ្ជាប់ជាមួយធុរកិច្ចអន្តរជាតិ។

ស្តង់នីមួយៗរបស់វៀតណាមត្រូវបានរចនាឡើងយ៉ាងគួរឲ្យចាប់អារម្មណ៍ ដោយបង្ហាញផលិតផលដែលតំណាងឲ្យធុរកិច្ច ព្រមទាំងបង្ហាញពីវប្បធម៌វៀតណាម។ នៅជាប់នឹងតំបន់តាំងពិព័រណ៍ ស្តង់ម្ហូបអាហារវៀតណាមបានទាក់ទាញទស្សនិកជនយ៉ាងច្រើនកុះករ។ 

ITB Berlin 2026 មានការចូលរួមពីធុរកិច្ចជិត ៦,០០០ មកពីជាង ១៦០ ប្រទេស និងដែនដី ដើម្បីពិភាក្សាអំពីនិន្នាការ និងដំណោះស្រាយអភិវឌ្ឍន៍ប្រកបដោយចីរភាពសម្រាប់វិស័យទេសចរណ៍។ នៅឆ្នាំនេះ ព្រឹត្តិការណ៍បានសង្កត់ធ្ងន់លើគំរូអភិវឌ្ឍន៍ដ៏សុខដុមរមនារវាងកំណើន ការផ្លាស់ប្ដូរថ្មី និងការទទួលខុសត្រូវ ព្រមទាំងលើកឡើងបញ្ហាសកលទៅក្នុងកម្មវិធី៕

បកប្រែដោយ Thuy Anh