ពិនិត្យឡើងវិញនូវការត្រៀមរៀបចំសម្រាប់កិច្ចប្រជុំកំពូលអាស៊ានលើកទី៤៧

ដោយប្រព្រឹត្តទៅចាប់ពីថ្ងៃទី២៦ ដល់ថ្ងៃទី២៨ ខែតុលា កិច្ចប្រជុំទាំងនេះគឺជាសកម្មភាពសំខាន់ៗក្នុងឆ្នាំប្រធានអាស៊ានរបស់ប្រទេសម៉ាឡេស៊ី ដោយមានការចូលរួមពីថ្នាក់ដឹកនាំនៃបណ្ដាប្រទេសសមាជិកអាស៊ាន ទីម័រលេស្តេ ថ្នាក់ដឹកនាំនៃប្រទេសដៃគូ ភ្ញៀវនៃប្រធានអាស៊ានឆ្នាំ២០២៥ និងអគ្គលេខាធិការអង្គការសហប្រជាជាតិ។

បណ្ដាប្រធាន SOM ចូលរួមកិច្ចប្រជុំមន្ត្រីជាន់ខ្ពស់អាស៊ាន (រូបថត៖ ក្រសួងការបរទេសវៀតណាម)

ជាមួយនឹងកិច្ចប្រជុំ និងសកម្មភាពកម្រិតខ្ពស់ជាង១៥ ថ្នាក់ដឹកនាំទាំងឡាយនឹងពិភាក្សា និងឯកភាពលើទិសដៅ និងវិធានការសំខាន់ៗ ដើម្បីពង្រឹងកិច្ចសហប្រតិបត្តិការ ពង្រីកការតភ្ជាប់ ទាញយកប្រកបដោយប្រសិទ្ធភាពនូវអត្ថប្រយោជន៍ពីកំណើនថ្មីៗ និងឆ្លើយតបប្រកបដោយប្រសិទ្ធភាពចំពោះបញ្ហាប្រឈមថ្មីៗ តាមរយៈនោះរួមចំណែកដល់សន្តិភាព ស្ថិរភាព និងការអភិវឌ្ឍនៅក្នុងតំបន់ និងពិភពលោក។ តាមគម្រោង នៅក្នុងកិច្ចប្រជុំកំពូលអាស៊ានលើកទី ៤៧ អាស៊ាននឹងទទួលស្គាល់ប្រទេសទីម័រលេស្តេជាសមាជិកទី ១១ ដោយបើកជំពូកថ្មីមួយនៅក្នុងប្រវត្តិសាស្ត្រអភិវឌ្ឍន៍របស់អាស៊ាន។

ទាក់ទងនឹងឯកសារ ថ្នាក់ដឹកនាំត្រូវបានគេរំពឹងថានឹងចុះហត្ថលេខា អនុម័ត និងទទួលស្គាល់ឯកសារជិត ៨០ ដើម្បីជម្រុញកិច្ចសហប្រតិបត្តិការរវាងអាស៊ាន និងដៃគូនៅក្នុងវិស័យអាទិភាពជាច្រើន ជាពិសេសសេដ្ឋកិច្ច ពាណិជ្ជកម្ម។ល៕

បកប្រែដោយ Thanh Cong