អាស៊ានតែងតែដើរតួនាទីជាយុទ្ធសាស្ត្រនៅក្នុងគោលនយោបាយការបរទេសរបស់វៀតណាម

លោក Le Hoai Trung រដ្ឋមន្ត្រីបានចែករំលែកពីសារៈសំខាន់នៃសាមគ្គីភាព ឯកភាព និងការផ្តោតលើការសម្រេចបាននូវគោលដៅនៃការកសាងសហគមន៍អាស៊ាន។ លោក Le Hoai Trung រដ្ឋមន្ត្រី បានបញ្ជាក់ថា អាស៊ានតែងតែដើរតួនាទីដ៏សំខាន់ជាយុទ្ធសាស្ត្រនៅក្នុងគោលនយោបាយការបរទេសរបស់វៀតណាម។ វៀតណាមសន្យាសហការយ៉ាងសកម្មជាមួយបណ្តាប្រទេសជាសមាជិក ដើម្បីកសាងសហគមន៍អាស៊ានប្រកបដោយសាមគ្គីភាព ខ្លួនទីពឹងខ្លួន និងរឹងមាំ ដោយលើកតម្កើង និងពង្រឹងតួនាទីជាមជ្ឈភាពរបស់អាស៊ានក្នុងរចនាសម្ព័ន្ធតំបន់ដែលកំពុងវិវត្ត។

លោក Le Hoai Trung លេខាមជ្ឈិមបក្ស រដ្ឋមន្ត្រីក្រសួងការបរទេសវៀតណាម ទទួលជួបលោក Kao Kim Hourn អគ្គលេខាធិការអាស៊ាន (រូបថត៖ vnanet.vn)

លោក Kao Kim Hourn អគ្គលេខាធិការអាស៊ាន បានវាយតម្លៃខ្ពស់ចំពោះសមិទ្ធផលអភិវឌ្ឍន៍សេដ្ឋកិច្ចសង្គមរបស់វៀតណាម ក្នុងរយៈពេលកន្លងមកព្រមទាំងបញ្ជាក់ថា វៀតណាមបានក្លាយជាគំរូនៃការអភិវឌ្ឍប្រកបដោយចីរភាព។ លោក Kao Kim Hourn បានអបអរសាទរ និងជឿជាក់ថា បក្សកុម្មុយនិស្តវៀតណាមនឹងរៀបចំមហាសន្និបាតតំណាងទូទាំងប្រទេសលើកទី ១៤ ប្រកបដោយជោគជ័យ រួមចំណែកយ៉ាងសំខាន់ដល់បុព្វហេតុកសាង និងអភិវឌ្ឍប្រទេសជាតិ រួមចំណែកពង្រឹងតួនាទី និងកិត្យានុភាពរបស់វៀតណាមបន្ថែមទៀត៕

បកប្រែដោយ Huyen Trang